ఒకప్పుడు సినిమా వస్తుందంటే ఫ్యాన్స్ అందరూ ధియేటర్లలో పేపర్లు ఎగరేయడానికి, పదిమందికీ పాజిటివ్ టాక్ చెప్పడానికీ ప్రిపేర్ అయ్యేవారు. ఇప్పుడు మాత్రం ఒక సినిమా వస్తుందంటే.. ఆ సినిమాను ట్విట్టర్లో, ఇన్టస్టాగ్రామ్ లో ఎవరు ఎలా ఏకేస్తున్నారో చూసుకుని, కౌంటర్లకు రివర్స్ కౌంటర్ ఇవ్వడం కోసం ప్రిపేర్ అవ్వాల్సివస్తోంది. అంటే ట్రోలింగ్ అంతా ఫేస్ చెయ్యడానికి సన్నధ్దం కావాలన్నమాట. ఇకపోతే ఈ దసరా సందర్భంగా మెగాస్టార్ చిరంజీవి ‘గాడ్ ఫాదర్’ రిలీజ్ అవుతోంది కాబట్టి.. ఇప్పుడు మెగా ఫ్యాన్స్ ది ఇదే పరిస్థితి. ఎందుకో తెలుసా?
ఈ మధ్యకాలంలో మెగాస్టార్ కొన్ని సందర్భాల్లో చాలామందికి చురకలు అంటించారు. దర్శకులు స్ర్కిప్ట్ ఎలా రాస్తున్నారో, డైలాగులు ఎప్పుడు రాస్తున్నారో, ప్రొడ్యూసర్ల డబ్బులకు హీరోలు విలువ ఇవ్వట్లేదని.. చాలానే అన్నారు. ఇవన్నీ కాకుండా, ఆచార్య సినిమా విషయంలో కొరటాల శివకు పెద్ద ఎర్తింగ్ పెట్టేశారు. అందువలన చాలామంది యాంటీ ఫ్యాన్స్ ఇప్పుడు ఆయన గాడ్ ఫాదర్ తో ఏం చేస్తారో చూద్దాం అన్నట్లుగా వెయిట్ చేస్తున్నారు. ఇవన్నీ ఎప్పుడూ ఉండేవేలే అనుకుంటే, ఇప్పుడు కొత్తగా పొన్నియన్ సెల్వన్ తెలుగులో ఫ్లాప్ కావడంతో.. ఒక సెక్షన్ తమిళ ఫ్యాన్స్ అందరూ తెలుగు సినిమాల మీద మాంచి కోపంగా ఉన్నారు. పైగా గాడ్ ఫాదర్ ఒక మలయాళం సినిమా కాబట్టి, మాట్లాడితే ప్రతీ ఫ్రేమునూ లూసిఫర్ తో కంపేర్ చేసి మరి ట్రోల్ చేస్తున్నారు. ఈ సందర్భంగా సినిమాకు హిట్ టాక్ వచ్చినా కూడా నెట్టింట్లో గాడ్ ఫాదర్ కు ట్రోలింగ్ తప్పేలా కనిపించట్లేదు.
ఇప్పుడున్న సిట్యుయేషన్లో ఖచ్చితంగా మొదటి ఆటతోనే గాడ్ ఫాదర్ కు బీభత్సమైన పాజిటివ్ టాక్ రావాలి. ఒకవేళ రివ్యూ రేటింగులూ యావరేజ్ గా వచ్చినా కూడా మాస్ జనం మాత్రం సినిమాకు ఒక రేంజులో కనక్ట్ అయిపోవాలి. అప్పుడే మెగా ఫ్యాన్స్ కూడా చాలా కాన్ఫిడెంటుగా ట్రోలర్లను రివర్సులో ఆడుకునే ఛాన్సుంటుంది. లేకపోతే మాత్రం శివరాత్రే. మరి మెగా ఫ్యాన్స్ మానసికంగా రెడీయేనా?
This post was last modified on October 4, 2022 7:45 pm
అధికారంలో ఉన్న నాయకులు, అధికారంలో లేని నాయకులు ఇలా రెండు వర్గాలుగా విభజించినప్పుడు సాధారణంగా పదవులు పొందిన వారు సంతృప్తి…
మూడు రోజుల తెలుగు వారి పెద్ద పండుగ.. సంక్రాంతి. ఇళ్లకే కాదు.. గ్రామాలకు సైతం శోభను తీసుకువచ్చే సంక్రాంతికి.. కోడి…
ఈ సంక్రాంతికి ‘భర్త మహాశయులకు విజ్ఞప్తి’ చిత్రంతో ప్రేక్షకులను పలకరించబోతోంది డింపుల్ హయతి. కెరీర్లో ఆమెకు ఇంకా పెద్ద బ్రేక్ రాలేదు. ఇప్పటికే ఖిలాడి,…
బీజేపీ కురువృద్ధ నాయకుడు, దేశ మాజీ ఉపరాష్ట్రపతి ముప్పవరపు వెంకయ్యనాయుడు.. ప్రస్తుతం ప్రత్యక్ష రాజకీయాల నుంచి తప్పుకొన్నారు. అయితే.. ఆయన…
చుక్క పడందే నిద్ర పట్టని వారు చాలా మంది ఉన్నారు. వీరిలో చిన్న చితకా మందుబాబులను పక్కన పెడితే, మద్యం…
కుప్పం.. ఏపీ సీఎం చంద్రబాబు సొంత నియోజకవర్గం. గత 40 సంవత్సరాలుగా ఏక ఛత్రాధిపత్యంగా చంద్రబాబు ఇక్కడ విజయం దక్కించుకుంటున్నారు.…