రావిపూడి రెడీ… వాళ్లిద్దరూ నాట్ అవైలబుల్!

సరిలేరు నీకెవ్వరుతో కమర్షియల్ విజయాన్నిఅందుకున్న అనిల్ రావిపూడి ఆ తర్వాత మరో టాప్ స్టార్ తో సినిమా చేస్తాడని అనుకున్నారు. కానీ ప్రస్తుత సూపర్ స్టార్స్ ఎవరూ అంత ఆసక్తి చూపించలేదు. దాంతో ఎఫ్ 2 సీక్వెల్ కి కథ రాసే పనిలో రావిపూడి బిజీ అయ్యాడు. ఆ కథ ఒక దారికి వచ్చేసింది కానీ… రావిపూడి మొదలు పెడదామన్నా ఇద్దరు హీరోలు అందుబాటులో లేరు.

వెంకటేష్ ఇంకా నారప్ప పూర్తి చేయలేదు. నారప్ప కోసం వెంకీ గడ్డం పెంచి గెటప్ మార్చిన సంగతి తెలిసిందే. ఆ సినిమా పూర్తయ్యే వరకు ఎఫ్ 3 కోసం ఫ్యామిలీ లుక్ తో వెంకీ రాలేరు. అలాగే వరుణ్ తేజ్ కూడా బాక్సర్ గా నటిస్తున్న సినిమా కోసం బాడీ పెంచి కొత్తగా కనిపిస్తున్నాడు. అతను కూడా అది పూర్తి చేసేవరకు దొరకడు.

ప్రస్తుత పరిస్థితుల్లో ఆ రెండు చిత్రాల షూటింగ్ ఈ ఏడాది చివరకు పూర్తయితే గొప్పే అనుకోవచ్చు. వీళ్ళు అందుబాటులో ఉండరనేది స్పష్టం కావడంతో రావిపూడి వేరే కథ, వేరే ఆప్షన్స్ మీద దృష్టి పెట్టాడని సమాచారం.