ఛలో లాంటి సూపర్ హిట్ తర్వాత కెరీర్ మెట్రో ఎక్స్ ప్రెస్ లా దూసుకుపోతుందనుకుంటే సినిమాలైతే కౌంట్ పరంగా పెరుగుతున్నాయి కానీ ఆ స్థాయి సక్సెస్ లేక ఇబ్బంది పడుతున్న హీరో నాగ శౌర్య. దాని తర్వాత చేసిన కణం, అమ్మమ్మగారిల్లు, నర్తనశాల అన్నీ ఫ్లాపే. ఓ బేబీ సక్సెసే కానీ ఆ క్రెడిట్ మొత్తం సమంతా ఖాతాలోకి వెళ్లిపోయింది కాబట్టి దాని గురించి గర్వంగా చెప్పుకోలేని పరిస్థితి. సీరియస్ గా ట్రై చేసిన అశ్వద్ధామ పర్లేదనిపించుకుంది కానీ కమర్షియల్ గా థియేట్రికల్ రన్ లో నిర్మాతకు తెచ్చిందేమి లేదని వసూళ్లు స్పష్టం చేశాయి.
ఫ్యామిలీస్ ని టార్గెట్ చేసుకుని ఎన్నో ఆశలు పెట్టుకున్న వరుడు కావాలెను సోసోగా వెళ్లడం మరింత బాధను కలిగించింది. లేడీ డైరెక్టర్ అయినా ఫలితం మారలేదు. ఇక లక్ష్యను గుర్తు చేసుకోకపోవడం మంచిది. ఒళ్ళు హూనం చేసుకుని సిక్స్ ప్యాక్ చేస్తే బాక్సాఫీస్ వద్ద జీరో రిజల్ట్ వచ్చింది. వీటి దెబ్బకే నిర్మాణం ఎప్పుడో పూర్తి చేసుకున్న కృష్ణ వృంద విహారి పలుమార్లు వాయిదా పడుతూ ఎట్టకేలకు ఈ నెల 23న విడుదల కానుంది. టీజర్, పాటలు గట్రా ఎప్పుడో వచ్చినా అంచనాలేం పెరగలేదు కానీ ట్రైలర్ చూశాక మాత్రం కంటెంట్ లో ఏదో విషయమున్నట్టే కనిపిస్తోంది.
ఇందులో నాగశౌర్య అచ్చమైన సంప్రదాయాలకు విలువిచ్చి పాటించే బ్రాహ్మణ యువకుడిగా నటించాడు. ఇదే తరహా క్యారెక్టర్ ని ఆ మధ్య నాని అంటే సుందరానికిలో చూశాం కదా. క్యారెక్టరైజేషన్ లో కొన్ని పోలికలు కనిపిస్తున్నాయి. అయితే నాని ఎంత బాగా చేసినా దాని రిజల్ట్ ని కాపాడలేకపోయాడు. కానీ ఈ కృష్ణ వృంద విహారిలో ఎంటర్ టైన్మెంట్ పాలు కాస్త గట్టిగానే దక్కించారు. జోకులైతే మంచి టైమింగ్ తోనే నవ్వించాయి. మరి సినిమా మొత్తం ఇందులో చూపించినట్టే ప్రామిసింగ్ గా ఉంటే శౌర్యకు హిట్టు దక్కినట్టే. అనీష్ కృష్ణ దర్శకత్వం వహించిన ఈ చిత్రానికి మహతి స్వర సాగర్ సంగీతం సమకూర్చారు.
This post was last modified on September 11, 2022 10:44 am
హీరోల పారితోషకాలు అంతకంతకూ పెరిగిపోతుండడంపై నిర్మాతల్లో ఆందోళన వ్యక్తమవుతున్న మాట వాస్తవం. పైకి చెప్పకపోయినా ఈ విషయంలో అసంతృప్తితో ఉన్నారన్నది ఇండస్ట్రీలో…
అధికారంలో ఉన్న నాయకులు, అధికారంలో లేని నాయకులు ఇలా రెండు వర్గాలుగా విభజించినప్పుడు సాధారణంగా పదవులు పొందిన వారు సంతృప్తి…
మూడు రోజుల తెలుగు వారి పెద్ద పండుగ.. సంక్రాంతి. ఇళ్లకే కాదు.. గ్రామాలకు సైతం శోభను తీసుకువచ్చే సంక్రాంతికి.. కోడి…
ఈ సంక్రాంతికి ‘భర్త మహాశయులకు విజ్ఞప్తి’ చిత్రంతో ప్రేక్షకులను పలకరించబోతోంది డింపుల్ హయతి. కెరీర్లో ఆమెకు ఇంకా పెద్ద బ్రేక్ రాలేదు. ఇప్పటికే ఖిలాడి,…
బీజేపీ కురువృద్ధ నాయకుడు, దేశ మాజీ ఉపరాష్ట్రపతి ముప్పవరపు వెంకయ్యనాయుడు.. ప్రస్తుతం ప్రత్యక్ష రాజకీయాల నుంచి తప్పుకొన్నారు. అయితే.. ఆయన…
చుక్క పడందే నిద్ర పట్టని వారు చాలా మంది ఉన్నారు. వీరిలో చిన్న చితకా మందుబాబులను పక్కన పెడితే, మద్యం…