విజయ్ – హరీష్ కాంబో కుదురుతుందా?

లైగర్ తో డిజాస్టర్ అందుకున్న విజయ్ దేవరకొండ నెక్స్ట్ ‘ఖుషి’ సినిమాను రెడీ చేస్తున్నాడు. శివ నిర్వాణ డైరెక్షన్ లో చేస్తున్న ఈ సినిమా దాదాపు పూర్తయింది. దీని తర్వాత విజయ్ నెక్స్ట్ సినిమా ఏంటంటే విషయంపై రౌడీ ఫ్యాన్స్ లో కన్ఫ్యూజన్ నెలకొంటుంది. నిజానికి అన్ని అనుకున్నట్లు జరిగితే ఖుషి ఫినిష్ అవ్వగానే విజయ్ మళ్ళీ పూరి తో జనగణమన స్టార్ట్ చేయాలి. కానీ ఆ ప్రాజెక్ట్ క్యాన్సిల్ అవ్వడంతో ఇప్పుడు విజయ్ ఏ డైరెక్టర్ తో సినిమా చేస్తాడా ? అనే ప్రశ్న మొదలైంది.

లైగర్ సెట్స్ పై ఉండగానే సుకుమార్ డైరెక్షన్ లో విజయ్ దేవరకొండ సినిమా ఎనౌన్స్ అయింది. కానీ ఇప్పుడు లెక్కలు మారిపోయాయి. పుష్ప 2 తో సుకుమార్ మళ్ళీ బిజీ అయ్యాడు. ఇంకా షూటింగ్ మొదలు పెట్టని ఈ సినిమా కోసం సుక్కు ఏడాదిన్నర పైనే తీసుకోనున్నాడు. అంటే ఇప్పట్లో విజయ్ తో సుకుమార్ సినిమా ఉండకపోవచ్చు. ఒకవేళ పుష్ప 2 కూడా భారీ హిట్టయితే సుకుమార్ మీద స్టార్ హీరోలంతా కర్చీఫ్ వేస్తారు.

అందుకే విజయ్ ఇప్పుడు తనకి వచ్చిన గ్యాప్ లో ఓ మంచి ప్రాజెక్ట్ సెట్ చేసుకోవాలని చూస్తున్నాడు. గీత గోవిందం తర్వాత దిల్ రాజు విజయ్ దేవరకొండతో ఓ సినిమా చేయాలనీ చూస్తున్నాడు. దీంతో తాజాగా విజయ్ దిల్ రాజు ని కలిసి డేట్స్ ఇచ్చినట్టు తెలుస్తుంది. వెంటనే దిల్ రాజు పవన్ సినిమా కోసం ఎదురుచూస్తూ ప్రస్తుతం కాళీగా ఉన్న హరీష్ శంకర్ తో విజయ్ కి ఓ ప్రాజెక్ట్ సెట్ చేసే ఆలోచనలో ఉన్నట్లు భోగట్టా. అన్ని సెట్ అయితే సుకుమార్ సినిమా కంటే ముందు విజయ్ హరీష్ శంకర్ తో ఓ సినిమా చేసే అవకాశం ఉంది. మరి ఈ కాంబో కుదురుతుందా ? లేదా చూడాలి.