పేరుకి మలయాళ హీరో అయినా బాషల పరంగా దుల్కర్ సల్మాన్ ఎలాంటి సరిహద్దులు పెట్టుకోవడం లేదు. కథ నచ్చితే చాలు ఎవరికైనా ఓకే చెబుతున్నాడు. సబ్జెక్టులో వైవిధ్యం ఉండాలి అంతే. కొందరు సీనియర్ హీరోలే తెలుగులో స్వంతంగా డబ్బింగ్ చెప్పుకోవడానికి ఇబ్బంది పడుతుంటే పట్టుమని పది టాలీవుడ్ మూవీస్ లేని దుల్కర్ కష్టపడి లాంగ్వేజ్ నేర్చుకుని మరీ తన గొంతునే వినిపిస్తున్నాడు.
ఇటీవలే వచ్చిన బ్లాక్ బస్టర్ సీతారామంలో క్లిష్టమైన పదాలను అలవోకగా పలికిన తీరు అందరి మెప్పు పొందింది. మ్యాటర్ లోకి వస్తే దుల్కర్ బాలీవుడ్ లో చేసిన కొత్త సినిమా చుప్ ది రివెంజ్ అఫ్ ది ఆర్టిస్ట్ త్వరలో విడుదలకు రెడీ అవుతోంది. ఆర్ బాల్కి దర్శకుడు. అక్షయ్ కుమార్ తో ప్యాడ్ మ్యాన్ – మిషన్ మంగళ్, అమితాబ్ బచ్చన్ తో పా – చీనికం, శ్రీదేవితో ఇంగ్లీష్ వింగ్లిష్ లాంటి క్లాసిక్స్ తీసిన వర్సటైల్ డైరెక్టర్. చుప్ తీసింది ఈయనే.
సరే ఇందులో విశేషం ఏముందంటారా. స్టోరీ లైన్ చాలా షాకింగ్ గా ఉంటుందట. సినిమాల రివ్యూలు రాసి తక్కువ రేటింగ్స్ ఇచ్చే వాళ్ళను చంపే ఒక సైకో కిల్లర్ బ్యాక్ డ్రాప్ లో ఎప్పుడూ చూడని గ్రిప్పింగ్ స్క్రీన్ ప్లే తో చుప్ ని రూపొందించినట్టు చెబుతున్నారు. అతను ఎందుకు అలా చేస్తాడు, ఇండస్ట్రీకి ఏమైనా కనెక్షన్ ఉంటుందా, ఇతనికి మరో కీలక పాత్ర పోషిస్తున్న సన్నీ డియోల్ కు కనెక్షన్ ఎలా సెట్ చేశారు లాంటి ప్రశ్నలకు సమాధానం తెరమీద చూడాలి.
నిజంగానే ఎవరూ ట్రై చేయని పాయింట్ ఇది. అయినా రివ్యూలు ఇచ్చే వాళ్ళను మర్డర్ చేసే ఐడియా అసలు బాల్కికి ఎలా వచ్చిందో. ఏదో హాలీవుడ్ మూవీ ఇన్స్ పిరేషన్ అన్నారు కానీ పూర్తి వివరాలు తెలియాల్సి ఉంది, దివంగత ఎస్డి బర్మన్ ట్యూన్లతో పాటు మరో ముగ్గురు సంగీత దర్శకులు ఈ సినిమాకు పని చేశారు. పూజా భట్, శ్రేయా ధన్వంతరి ఈ చుప్ లో ఇతర తారాగణం. తెలుగులోనూ డబ్ చేయబోతున్నారు.
This post was last modified on September 4, 2022 6:45 am
చేవెళ్ల బీజేపీ ఎంపీ అభ్యర్థి కొండా విశ్వేశ్వర్ రెడ్డికి పెద్ద చిక్కొచ్చి పడింది. ఈవీఎంలో ఆయన గుర్తు 2వ నెంబర్…
దర్శకుడు ఎస్వీ కృష్ణారెడ్డి తీసిన ఓ సినిమాలో నటించిన రోజా.. రంగుపడుద్ది అనే డైలాగుతో అలరించారు. అయితే..ఇప్పుడు ఆమెకు నిజంగానే…
జాతీయ రాజకీయాల్లో చక్రం తిప్పాలని ఆశపడ్డ బీఆర్ఎస్ అధినేత, మాజీ ముఖ్యమంత్రి కేసీఆర్ గతంలో ఏ చిన్న అవకాశం దొరికినా…
తన 12 మెట్ల కిన్నెర వాయిద్యంతో జాతీయస్థాయిలో గుర్తింపు పొంది రాష్ట్రపతి రాంనాథ్ కోవింద్ చేతుల మీదుగా పద్మశ్రీ అవార్డు అందుకున్న కిన్నెర మొగులయ్య…
ప్రతి సినిమాకు విభిన్నంగా కొత్తగా ప్రయత్నిస్తున్న సుహాస్ తాజాగా ప్రసన్నవదనంతో థియేటర్లలో అడుగు పెట్టాడు. ఈ ఏడాది అంబాజీపేట మ్యారేజీ…
దర్శకుడు శేఖర్ కమ్ముల సెన్సిటివ్ సినిమాలు తీస్తాడనే పేరే కానీ సీరియస్ సబ్జెక్టులు టచ్ చేస్తే అవుట్ ఫుట్ ఏ…