దాసరి నారాయణరావు మరణానంతరం తెలుగు సినీ పరిశ్రమకు పెద్ద దిక్కుగా మారారు మెగాస్టార్ చిరంజీవి. ఇదేమీ అధికారిక పదవి కాదు. ఆయనేమీ దాన్ని కోరి తీసుకోలేదు. తనకున్న స్థాయి వల్ల ఇండస్ట్రీలో చాలామంది ఆయన ఆ స్థానంలోకి రావాలని కోరుకున్నారు. చిరు కూడా అందుకు కాదనలేకపోయారు. దీన్ని ఒక హోదాలా కాకుండా బాధ్యతగా భావించి కరోనా కాలంలోనే కాక పలు సందర్భాల్లో పరిశ్రమ మేలు కోసం పాటుపడుతున్నారాయన. కోట్ల రూపాయలతో సేవా కార్యక్రమాలు చేయడమే కాక.. అనేక రకాలుగా ఇండస్ట్రీని ఆదుకునే ప్రయత్నం చేస్తున్నారు చిరు.
ఈ క్రమంలోనే సినీ కార్మికుల కోసం ఆసుపత్రి కట్టాలనుకుంటున్న విషయాన్ని కొన్ని నెలల కిందట మే డే వేడుకల్లో చిరంజీవి వెల్లడించిన సంగతి తెలిసిందే. ఈ విషయమై సీనియర్ నటుడు కోట శ్రీనివాసరావు అనవసర విమర్శలు చేసినా చిరు పట్టించుకోలేదు. ఆ ఆసుపత్రి విషయంలో ఆయన సంకల్పంతోనే ఉన్నట్లు స్పష్టమవుతోంది.
తాజాగా హైదరాబాద్లో సెలబ్రెటీ క్రికెట్ కార్నివాల్కు సంబంధించి జెర్సీల ఆవిష్కరణ కార్యక్రమంలో పాల్గొన్న చిరు.. ఈ ఆసుపత్రి గురించి వివరాలు వెల్లడించారు. తన తండ్రి కొణిదెల వెంకట రావ్ పేరు మీద చిత్రపురి కాలనీలో నివసించే కార్మికుల కోసం ఆసుపత్రి కట్టించబోతున్నట్లు చిరు వెల్లడించారు. ఈ ఆలోచన వచ్చినప్పటి నుంచి దానిపై పని చేస్తున్నట్లు తెలిపారు. ఎన్ని కోట్లయినా ఖర్చు పెట్టగలిగే శక్తి భగవంతుడు తనకు ఇచ్చాడని.. ఎవరైనా ఇందుకు సహకారం అందించడానికి ముందుకు వస్తే స్వీకరిస్తామని చిరు అన్నారు.
ఈసారి తన పుట్టిన రోజును పురస్కరించుకుని ఆసుపత్రి గురించి వివరాలు వెల్లడిస్తున్నానని.. వచ్చే ఏడాది తన పుట్టిన రోజు నాటికి ఈ ఆసుపత్రి సేవలు అందుబాటులోకి వస్తాయని చిరు తెలిపారు. తాను ఇంత వాడిని కావడానికి కారణమైన కార్మికులు, ప్రేక్షకుల కోసం ఏదైనా చేయాలన్న తలంపుతోనే అనేక సేవా కార్యక్రమాలు చేపట్టానని.. ఇప్పుడు ఆసుపత్రిని ఏర్పాటు చేయిస్తున్నానని చిరు వెల్లడించారు.
This post was last modified on August 20, 2022 3:42 pm
ఫొటోల పిచ్చి అనండి.. ప్రచార పిచ్చి అనండి.. ఏదేమైనా ఏపీలోని వైసీపీ ప్రభుత్వం చేజేతులా చేసుకున్న వ్యవహారం ఇప్పుడు పీకల…
నిఖిల్ కెరీర్ లోనే అత్యంత భారీ బడ్జెట్ తో రూపొందుతున్న స్వయంభు షూటింగ్ వేగమందుకుంది. సుమరు ఎనిమిది కోట్ల బడ్జెట్…
ఆంధ్రప్రదేశ్ ఎన్నికల ప్రచారం వాడి వేడిగా సాగుతున్న సమయంలో గత ఏడాది జగన్ సర్కారు ప్రవేశపెట్టిన ల్యాండ్ టైట్లింగ్ యాక్ట్…
టీడీపీ అధినేత చంద్రబాబు వైసీపీ కీలక నాయకుడు, మంత్రి పెద్దిరెడ్డి రామచంద్రారెడ్డికి మాస్ వార్నింగ్ ఇచ్చారు. ఆయన బరిలో ఉన్న…
మరో వారం రోజుల్లో (మే 13న) జరగనున్న ఆంధ్రప్రదేశ్ అసెంబ్లీ ఎన్నికల్లో తెలుగుదేశం-జనసేన-భాజాపా కూటమికి సంఘీభావం తెలుపుతూ ఎన్నారై టీడీపీ…
ఆర్ఆర్ఆర్ సినిమా అద్భుత విజయం సాధించినప్పటికీ.. ఆ చిత్రంలో రామ్ చరణ్తో పోలిస్తే జూనియర్ ఎన్టీఆర్ పాత్రలో అంత బలం…