రాధేశ్యామ్ ప్రి రిలీజ్ ఈవెంట్ తర్వాత ఎక్కడా కనిపించలేదు ప్రభాస్. తన సినిమాల కబుర్లు కూడా పెద్దగా ఏమీ వినిపించడం లేదు. ఇలాంటి టైంలో సీతారామం ప్రి రిలీజ్ ఈవెంట్కు ప్రభాస్ ముఖ్య అతిథిగా రాబోతున్నట్లు సమాచారం బయటికి వచ్చింది. ముందు ప్రభాస్ ఈ ఈవెంట్కు రావడంపై నిర్మాత అశ్వినీదత్ సందేహాలు వ్యక్తం చేశారు కానీ.. తర్వాత యంగ్ రెబల్ స్టార్ రాక ఖరారైంది.
ఇది ప్రభాస్ అభిమానులకు ఆనందాన్నిచ్చే విషయమే కానీ.. వాళ్లు ప్రత్యక్షంగా ప్రభాస్ను చూసే అవకాశం మాత్రం లేనట్లే అని సమాచారం. ఈ వేడుకను ఎప్పుడూ ఈవెంట్లు జరిగే పెద్ద ఆడిటోరియాల్లో చేయట్లేదని సమాచారం. హైదరాబాద్లోని ఒక స్టూడియోలోని చిన్న ప్రాంగణంలో మీడియా, కొందరు సినీ ప్రముఖుల మధ్య ఈ ఈవెంట్ నిర్వహించబోతున్నట్లు సమాచారం.
దీనికి సాధారణ అభిమానులను అనుమతించబోరట. ఎంపిక చేసిన కొందరు మాత్రం ఈవెంట్లో పాల్గొంటారట.ఇటీవల బింబిసార ప్రి రిలీజ్ ఈవెంట్లో చోటు చేసుకున్న విషాదమే ఈ నిర్ణయానికి కారణమని తెలుస్తోంది. ఆ వేడుక సందర్భంగా ఒక అభిమాని అనుమానాస్పద స్థితిలో మృతి చెందిన సంగతి తెలిసిందే. అతడి మరణానికి కారణాలేంటనే విషయమై రకరకాల ఊహాగానాలు సాగాయి.
గతంలో చాలాసార్లు ఫిలిం ఈవెంట్లలో ఇలాంటి విషాద ఘటనలు చోటు చేసుకోవడంతో అనుమతుల విషయంలో పోలీసులు కఠినంగా వ్యవహరిస్తున్నారు. ఎంత కట్టుదిట్టమైన ఏర్పాట్లు చేసినా, జాగ్రత్తలు తీసుకున్నా ఇలాంటి ఘటనలు కొనసాగుతూనే ఉన్నాయి. ప్రభాస్ ఫిలిం ఈవెంట్కు వస్తున్నాడంటే పెద్ద ఎత్తున అభిమానులు అతణ్ని చూసేందుకు ఎగబడతారు. బింబిసార ఈవెంట్కు సంబంధించిన విషాద ఘటన నేపథ్యంలో ఈ టైంలో అభిమానులను అనుమతించి మళ్లీ ఏదైనా ప్రతికూల ఘటన చోటు చేసుకుంటే కష్టమన్న ఉద్దేశంతో ఈమేరకు నిర్ణయం తీసుకున్నట్లు తెలుస్తోంది.
తెలుగు రాష్ట్రాలకు చెందిన విద్యార్థులు, యువ ఉద్యోగుల మరణ వార్తలు అమెరికా నుంచి వరుసగా వస్తుండటం ఆందోళన కలిగిస్తోంది. రోడ్డు…
వైసీపీ ఆధ్వర్యంలో ఉమ్మడి తూర్పుగోదావరి జిల్లాలోని కోనసీమలో ఆదివారం నిర్వహించిన కాపుల సభలో మాజీ మంత్రి, ఉత్తరాంధ్రకు చెందిన బొత్స…
బిచ్చగాడు హీరోగా విజయ్ ఆంటోనీకి ఫ్లాపులతో సంబంధం లేకుండా తెలుగు ప్రేక్షకుల్లో గుర్తింపు ఉంది. అయితే వరస డిజాస్టర్లు తన…
అగ్రరాజ్యం అమెరికాలో చదువుకునేందుకు వెళ్లేవారు అప్రమత్తం కావాల్సిన అవసరం ఏర్పడింది. ఇప్పటి వరకు ఈ దేశంలో చదువుకునేందుకు వెళ్లేవారు.. ఎడ్యుకేషన్…
400 కోట్లకు పైగా వసూలు చేసినా గట్టిగా బ్లాక్ బస్టరని చెప్పుకోలేని విచిత్ర పరిస్థితి పెద్దిది. ఓవర్సీస్, ఉత్తరాది రాష్ట్రాలు,…
ఇవాళ హైదరాబాద్ ప్రసాద్ పీసీఎక్స్ లో హనుమాన్ 3డి రీ రిలీజ్ ట్రైలర్ లాంచ్ జరిగింది. మళ్ళీ విడుదల చేస్తున్న…