తమిళ దర్శకులు వచ్చి తెలుగులో సినిమాలు చేయడం, హిట్లు కొట్టడం మామూలే. ఇది దశాబ్దాల కిందటే జరిగింది. కానీ తెలుగు దర్శకులు తమిళంలో, అక్కడి స్టార్లతో సినిమాలు చేయడం.. హిట్లు కొట్టడం అంటే ఆశ్చర్యపోయి చూడాల్సిందే. ఇప్పుడు అనుకోకుండా ఇద్దరు దర్శకులు కోలీవుడ్లోకి అడుగు పెడుతున్నారు.
అందులో ఒకరు ‘జాతిరత్నాలు’ ఫేమ్ అనుదీప్ కేవీ కాగా.. మరొకరు తొలిప్రేమ, మిస్టర్ మజ్ను, రంగ్దె చిత్రాల డైరెక్టర్ వెంకీ అట్లూరి. ఇందులో ముందుగా కోలీవుడ్లోకి ఎంట్రీ ఇస్తున్నది అనుదీపే. తమిళ కథానాయకుడు శివ కార్తికేయన్తో అతను తెలుగు, తమిళ భాషల్లో ద్విభాషా చిత్రం చేస్తున్న సంగతి తెలిసిందే. ఈ చిత్రానికి ‘ప్రిన్స్’ అనే టైటిల్ ఖరారు చేశారు తాజాగా. ఫస్ట్ లుక్, సెకండ్ లుక్ కూడా లాంచ్ చేశారు.
ఇందులో ఓ విదేశీ అమ్మాయి కథానాయికగా నటిస్తోంది. ఆమెతో కలిసి శివ ఉన్న కొత్త పోస్టర్ అందరినీ ఆకట్టుకుంటోంది. ఈ చిత్రం పాండిచ్చేరి నేపథ్యంలో నడిచే కథతో తెరకెక్కుతోంది. అక్కడి నేపథ్యానికి తగ్గట్లుగా ఫారిన్ అమ్మాయితో ప్రేమలో పడ్డ కుర్రాడి కథలా కనిపిస్తోందిది. టైటిల్, ఫస్ట్ లుక్ అన్నీ కూడా ఆకర్షణీయంగా ఉన్నాయి. శివకార్తికేయన్ డాక్టర్, డాన్ లాంటి బ్లాక్బస్టర్లతో మంచి ఊపుమీదున్నాడు. ఈ రెండు చిత్రాలు తెలుగులో కూడా బాగా ఆడాయి.
దీంతో ‘ప్రిన్స్’ పట్ల పాజిటివ్ బజ్ నెలకొంది. అనుదీప్ ఈ సినిమా విషయంలో చాలా కాన్ఫిడెంట్గా కనిపిస్తున్నాడు. అతడి నమ్మకం ఫలించి, అన్నీ కలిసొచ్చి అతను హిట్ కొట్టగలిగితే.. కోలీవుడ్లో హిట్ కొట్టిన అచ్చ తెలుగు దర్శకుడిగా అనుదీప్ రికార్డుల్లోకెక్కుతాడు. పాత కాలంలో కొందరు దర్శకులు తమిళంలో సినిమాలు చేశారు కానీ.. గత మూడు దశాబ్దాల్లో అయితే ఏ తెలుగు దర్శకుడూ తమిళంలోకి వెళ్లి సినిమాలు చేసి విజయం సాధించిన దాఖలాలు కనిపించవు. మరి అనుదీప్ రికార్డ్ కొడతాడేమో చూడాలి.
This post was last modified on June 11, 2022 1:11 pm
ప్యాన్ ఇండియా సినిమాల వాయిదా పర్వం కొనసాగుతూనే ఉంది. జూన్ 13 విడుదలను లాక్ చేసుకుని ఆ మేరకు తమిళనాడు…
సీనియర్ జర్నలిస్ట్ రవిప్రకాష్ గురించి తెలుగు నాట తెలియనివారెవరు.? మీడియాకి సంబంధించి ‘సీఈవో’ అన్న పదానికి పెర్ఫెక్ట్ నిర్వచనంగా రవిప్రకాష్…
బుల్లితెర యాంకర్, బిగ్ బాస్ రియాల్టీ షో ఫేం శ్యామల, వైఎస్సార్ కాంగ్రెస్ పార్టీ తరఫున ఆంధ్ర ప్రదేశ్లో ఎన్నికల…
బీఆర్ఎస్ అధినేత, మాజీ ముఖ్యమంత్రి కేసీఆర్ ఏదో అనుకుంటే ఇంకేదో అయింది. జాతీయ రాజకీయాల్లో చక్రం తిప్పాలనే కలలు గన్న…
కాంగ్రెస్ పీసీసీ చీఫ్ షర్మిల సంచలన వ్యాఖ్యలు చేశారు. కొన్నాళ్లుగా వైసీపీ అధినేత, సొంత అన్నపై ఆమె తీవ్రస్థాయిలో యుద్ధం…
పెద్ద హీరోల పుట్టిన రోజులు, ఇంకేదైనా ప్రత్యేక సందర్భాలు వస్తే అభిమానులు వాళ్లు నటిస్తున్న కొత్త చిత్రాల నుంచి అప్డేట్స్…