‘ఆర్ఆర్ఆర్’ సినిమా థియేటర్లలో చేసిన సందడి, బాక్సాఫీస్ దగ్గర సృష్టించిన వసూళ్ల సునామీ అంతా ఒకెత్తయితే.. ఓటీటీల్లో రిలీజయ్యాక దాని గురించి అంతర్జాతీయ స్థాయిలో జరుగుతున్న చర్చ మరో ఎత్తు. ఈ చిత్రాన్ని తెలుగు, తమిళం, మలయాళం, కన్నడ భాషల వరకు డిజిటల్లో జీ5 ఓటీటీ రిలీజ్ చేయగా.. హిందీ వెర్షన్ మాత్రం నెట్ ఫ్లిక్స్లో స్ట్రీమ్ అవుతోంది. ఈ మేరకు చాన్నాళ్ల ముందే డీల్ కుదిరింది. కాగా సౌత్ ప్రేక్షకులు ఇక్కడి భాషల్లో సినిమాను చూసి ఆస్వాదిస్తుంటే.. హిందీ వెర్షన్ను ఉత్తరాది ప్రేక్షకులు ఎంజాయ్ చేస్తున్నారు.
కానీ ఓటీటీలో ‘ఆర్ఆర్ఆర్’ సందడి కేవలం ఇండియాకు పరిమితం కాదు. హిందీ వెర్షన్ అంతర్జాతీయ స్థాయిలో అపూర్వమైన ఆదరణ దక్కించుకుంటోంది. యుఎస్ సహా వివిధ దేశాల నేటివ్ ఆడియన్స్ ఈ చిత్రాన్ని నెట్ఫ్లిక్స్లో చూసి ఫిదా అయిపోతున్నారు. అందులో హాలీవుడ్ ప్రముఖులు చాలామంది ఉండడం విశేషం.ముందు హాలీవుడ్ సెలబ్రెటీలు ‘ఆర్ఆర్ఆర్’ను కొనియాడుతూ ట్వీట్లు వేస్తుంటే.. ఇదేదో పెయిడ్ పీఆర్ ప్రోగ్రాం అనిపించింది.
కానీ వాళ్లు స్వచ్ఛందంగానే సినిమాను కొనియాడుతున్నారని, అక్కడి వాళ్లకు సినిమా తెగ నచ్చేసిందని తర్వాత తర్వాత అర్థమవుతోంది. ఐదు మందో పది మందో ఇలా ట్వీట్లు వేస్తే పెయిడ్ ట్వీట్లు అనుకోవచ్చు కానీ.. వందల మంది ఇంటర్నేషనల్ సెలబ్రెటీలు స్పందిస్తున్నారంటే స్వచ్ఛందంగా చేస్తున్నట్లే. రాజమౌళి బెస్ట్ సినిమా ఏదంటే మన వాళ్లు ‘బాహుబలి’ అనే చెబుతారు. దాని ముందు ‘ఆర్ఆర్ఆర్’ చాలా తక్కువగా కనిపిస్తుంది. కానీ హాలీవుడ్ వాళ్లకు మాత్రం ‘ఆర్ఆర్ఆర్’యే తెగ నచ్చేసి జక్కన్నను ప్రశంసల్లో ముంచెత్తుతున్నారు.
సెలబ్రెటీలనే కాదు.. సామాన్య ప్రేక్షకులు కూడా ఈ సినిమా గురించి ఎగ్జైట్ అవుతున్న తీరు ఆశ్చర్యపరుస్తోంది. ఈ సినిమా రిలీజైనప్పటి నుంచి నెట్ ఫ్లిక్స్లో వరల్డ్ వైడ్ ఇదే టాప్లో ట్రెండ్ అవుతోంది. ఈ సినిమాకు ఈ స్థాయిలో రెస్పాన్స్ ఉంటుందని నెట్ ఫ్లిక్స్ వాళ్లు కూడా ఊహించి ఉండరు. ఈ మధ్య ఒక్కసారిగా సబ్స్క్రైబర్లు తగ్గిపోయి, ఆదరణ పడిపోయి ఇబ్బందుల్లో పడ్డ నెట్ ఫ్లిక్స్కు ‘ఆర్ఆర్ఆర్’ కచ్చితంగా బిగ్ రిలీఫే. దీని మీద పెట్టిన పెట్టుబడికి కొన్ని రెట్ల ప్రయోజనం పొందే ఉంటుంది ఆ సంస్థ.
This post was last modified on June 1, 2022 7:31 pm
భర్త మహాశయులకు విజ్ఞప్తి ప్రీ రిలీజ్ ఈవెంట్ లో గెస్టుగా వచ్చిన దర్శకుడు బాబీ మాట్లాడుతూ రవితేజ రొటీన్ సినిమాలు…
వైసీపీ అధినేత జగన్పై ఏపీ సీఎం చంద్రబాబు తీవ్ర ఆగ్రహం వ్యక్తం చేశారు. అమరావతిపై జగన్ రెండు రోజుల కిందట…
తెలంగాణలో త్వరలో జరగనున్న మునిసిపల్ ఎన్నికల్లో జనసేన పార్టీ పోటీ చేయనున్నట్లు ఆ పార్టీ అధికారికంగా ప్రకటించింది.“త్వరలో జరగనున్న తెలంగాణ…
సినిమాల మీద మీమ్స్ క్రియేట్ చేయడంలో తెలుగు వాళ్లను మించిన వాళ్లు ఇంకెవ్వరూ ఉండరంటే అతిశయోక్తి కాదు. కొన్ని మీమ్స్…
అమరావతిని ఉద్దేశించి వైఎస్ జగన్ చేసిన వ్యాఖ్యలు రాష్ట్రవ్యాప్తంగా తీవ్ర రాజకీయ దుమారాన్ని రేపాయి. రాజధానిని సో-కాల్డ్ నగరంగా అభివర్ణిస్తూ,…
సంక్రాంతి పండుగ వచ్చిందంటే చాలు…చిన్నా పెద్దా అని తేడా లేకుండా పతంగులు ఎగరేస్తుంటారు. పండుగ పూట కుటుంబ సభ్యులు, మిత్రులతో…