రవితేజ డేట్ పట్టేసిన రానా

చాన్నాళ్ళుగా వాయిదా పడుతూ థియేటర్స్ ఆ ? ఓటీటీ ఆ ? అనే సందిగ్దం లో ఉన్న రానా ‘విరాట పర్వం’ త్వరలోనే థియేటర్స్ లోకి రాబోతుంది. ఇటివలే జులై 1న రిలీజ్ అంటూ డేట్ కూడా ఎనౌన్స్ చేశారు. కానీ ఉన్నపళంగా ఇప్పుడు ఆ డేట్ మార్చుకొని ఇంకాస్త ముందుకొచ్చారు. జులై 1న రిలీజ్ అవ్వాల్సిన ఈ సినిమాను జూన్ 17న రిలీజ్ చేయబోతున్నారు.

ఈ మేరకు అధికారికంగా ప్రకటన ఇచ్చారు. నిజానికి ఆ డేట్ రవితేజ సినిమాది. జూన్ 17 ‘రామారావు ఆన్ డ్యూటీ’ రిలీజ్ అవ్వాలి. కానీ ఆ సినిమా కొన్ని అనివార్య కారణాల వల్ల వాయిదా పడింది. దీంతో ‘విరాట పర్వం’ ఫస్ట్ కాపీతో రెడీగా ఉన్న సురేష్ బాబు రవితేజ స్లాట్ లో రానా సినిమాను రిలీజ్ చేసేందుకు సన్నాహాలు చేసుకుంటున్నారు.

ఇక జూన్ 10 న నాని ‘అంటే సుందరానికీ’ సినిమాతో పాటు కన్నడ డబ్బింగ్ సినిమా ‘777 చార్లీ’ రిలీజ్ అవ్వబోతుంది. ఇక రక్షిత్ శెట్టి సినిమా వల్ల తెలుగులో రానా సినిమాకి ఎలాంటి ఎఫెక్ట్ ఉండదు. కానీ నాని సినిమా ఏమాత్రం బాగున్నా ఆ తర్వాతి వారంలో రిలీజయ్యే ‘విరాటపర్వం’ మీద ఆ ఎఫెక్ట్ పడుతుంది.

జూన్ లో స్లాట్ దొరకడంతో సురేష్ బాబు అన్ని విధాల ఆలోచించి ఈ నిర్ణయం తీసుకొని ఉంటారు. సినిమాలో సాయి పల్లవి కోలో సాంగ్ హిట్ నంబర్ అనిపించుకుంది. టీజర్ , ట్రైలర్ కూడా ఆకట్టుకున్నాయి. మరి రానా ఈ సినిమాతో ఎలాంటి హిట్ అందుకుంటాడో చూడాలి.