Movie News

బాలీవుడ్‌.. లేక లేక ఒక ఆశ‌

ఓవైపు హిందీ సినిమాల‌కు క‌నీస స్థాయిలో వ‌సూళ్లు ఉండ‌ట్లేదు. పెద్ద హీరోలు, పేరున్న కాంబినేష‌న్ల‌లో సినిమాలు చేసినా ఓపెనింగ్స్ దారుణంగా ఉంటున్నాయి. మ‌రోవైపేమో సౌత్ సినిమాల్ని అనువాదం చేసి పెద్ద‌గా ప్ర‌మోష‌న్లు కూడా లేకుండా రిలీజ్ చేస్తుంటే అవి వ‌సూళ్ల మోత మోగించేస్తున్నాయి.

దీంతో బాలీవుడ్ జ‌నాల‌కు ఏం చేయాలో పాలుపోని అయోమ‌య స్థితి త‌లెత్తుతోంది. నెల కింద‌ట రిలీజైన క‌న్న‌డ అనువాద చిత్రం కేజీఎఫ్‌-2 ఇంకా మంచి వ‌సూళ్లు రాబ‌డుతుంటే.. గ‌త వీకెండ్లో వ‌చ్చిన హిందీ సినిమా జ‌యేష్ భాయ్ జోర్దార్ తొలి రోజు కూడా బాక్సాఫీస్ ద‌గ్గ‌ర సంద‌డి చేయ‌లేక‌పోయింది.

రోజు రోజుకూ హిందీ చిత్రాల వ‌సూళ్లు ప‌డిపోతుండ‌టం.. సౌత్ సినిమాల హ‌వా పెరుగుతుండ‌టంతో బాలీవుడ్ జ‌నాలు లోలోన ఉడికిపోతున్నారు. ఇలాంటి టైంలో వారి ఆశ‌ల‌న్నీ ఓ సినిమా మీద నిలిచాయి. అదే.. భూల్ భూల‌యియా-2.

అక్ష‌య్ కుమార్ న‌టించిన చంద్ర‌ముఖి రీమేక్ భూల్ భూల‌యియాకు కొన‌సాగింపుగా ఈ చిత్రాన్ని అనీస్ బ‌జ్మి రూపొందించాడు. యువ క‌థానాయ‌కుడు కార్తీక్ ఆర్య‌న్ హీరోగా న‌టించ‌గా.. కియారా అద్వానీ, ట‌బు ముఖ్య పాత్ర‌లు పోషించారు. ఈ చిత్రం ముందు నుంచి ప్రేక్ష‌కుల్లో అంచ‌నాలు రేకెత్తిస్తోంది.

ఇటీవ‌ల రిలీజ్ చేసిన ట్రైల‌ర్ కూడా స‌ర‌దాగా, థ్రిల్లింగ్‌గా సాగ‌డంతో అంచ‌నాలు ఇంకా పెరిగాయి. చాన్నాళ్ల త‌ర్వాత ఓ హిందీ చిత్రానికి అడ్వాన్స్ బుకింగ్స్ ఆశాజ‌న‌కంగా ఉన్న‌ది ఇప్పుడే. విడుద‌ల‌కు ఐదు రోజుల ముందే ఈ చిత్రం అడ్వాన్స్ బుకింగ్స్ ద్వారా రూ.1 కోటి రూపాయ‌లు రాబ‌ట్టింద‌ట‌.

ఈ ట్రెండ్ చూస్తుంటే ఓపెనింగ్స్ బాగానే వ‌చ్చే అవ‌కాశం క‌నిపిస్తోంది. ఒక‌ప్పుడు ఒక స్థాయి ఉన్న హిందీ చిత్రాల‌కు తొలి రోజు రూ.10 కోట్ల ఓపెనింగ్స్ మామూలు విష‌యంగా ఉండేది. కానీ ఇప్పుడు అదో పెద్ద టార్గెట్‌లాగా మారిపోయింది. భూల్ భూల‌యియా-2 ఆ మార్కును అందుకుని మ‌ళ్లీ బాలీవుడ్‌కు ఊపు తీసుకొస్తుంద‌ని ట్రేడ్ పండిట్లు అంచ‌నా వేస్తున్నారు. ఈ శుక్ర‌వార‌మే ఈ చిత్రం థియేట‌ర్ల‌లోకి దిగుతోంది.

This post was last modified on May 17, 2022 10:33 am

Share

Recent Posts

బిసి సెంటర్స్‌లో ‘రిపీట్’ కావడం లేదా

మొన్న శుక్రవారం విడుదలైన ఈ నగరానికి ఏమైంది రిపీట్ అంచనాలకు మించి హైదరాబాద్, ఓవర్సీస్ లో అదరగొడుతోంది. వసూళ్లు ఊహించిన…

5 hours ago

ఓమ్‌లో ఎన్ని రెఫరెన్సులు ఉన్నాయో

టాక్ మిశ్రమంగా ఉన్నా ఓమ్ వసూళ్లు బాగున్నాయి. వీకెండ్ తర్వాత ఎంత శాతం డ్రాప్ ఉంటుందనేది రెండు రోజులు ఆగితే…

6 hours ago

భోగి మంటల్లో శత్రువుల దహనం

టాలీవుడ్ తెరమీద రక్తధారలు కొనసాగుతున్నాయి. హీరోలు మారుతున్నా వయొలెన్స్ బ్యాక్ డ్రాప్ సినిమాలు కాసులు కురిపించే దిశగా ప్రేక్షకులు ముందుకు…

7 hours ago

యూపీ సీఎంలా పాలిస్తానంటున్న ఏపీ స్వామీజీ

ఏపీ పంచాయ‌తీ ఎన్నిక‌ల వేళ ఓ స్వామీజీ కూడా ఎన్నిక‌ల రంగంలోకి దిగారు. ఉమ్మ‌డి అనంత‌పురం జిల్లా మడకశిర నియోజ‌క‌వ‌ర్గంలోని…

7 hours ago

జ‌గ‌న్ ప‌ట్టు.. ష‌ర్మిల పంతం.. ముదిరిన ప్యాలెస్ వివాదం!

త‌న కుమార్తె అంజ‌లి పెళ్లిని బెంగ‌ళూరులోని య‌ల‌హంక ప్యాలెస్‌లో చేస్తామ‌ని ప్ర‌క‌టించిన ఏపీ కాంగ్రెస్ అధ్య‌క్షురాలు ష‌ర్మిల పంతం ఒక‌వైపు..…

8 hours ago

పంచాయ‌తీ ఎన్నిక‌ల్లో `ప‌ట్టింపు` లేదు.. ఎవ‌రైనా పోటీ చేయండి: జ‌న‌సేన‌

ఏపీలో గ్రామ పంచాయ‌తీ ఎన్నిక‌ల కోలాహ‌లం జ‌రుగుతున్న క్ర‌మంలో జ‌న‌సేన పార్టీ కీల‌క నిర్ణ‌యం తీసుకుంది. ఈ ఎన్నిక‌ల్లో ఎలాంటి…

9 hours ago