స్టార్ హీరోలు కూడా వరుసగా ఫ్లాపులు వస్తే తట్టుకోలేరు. మార్కెట్ డౌన్ అవుతుంది. బడ్జెట్లు తగ్గిపోతాయి. పేరున్న దర్శకులు ఆ హీరోలతో పని చేయడానికి వెనుకాడతారు. అవకాశాలు తగ్గడం మొదలవుతుంది. ఐతే యువ కథానాయకుడు సందీప్ కిషన్కు ఇలాంటివేమీ వర్తించవేమో అనిపిస్తుంది. అతడి కెరీర్ సక్సెస్ రేట్ చాలా చాలా తక్కువ. చివరగా అతను ఎప్పుడు నిఖార్సయిన హిట్టు కొట్టాడో తన అభిమానులకు కూడా గుర్తుండకపోవచ్చు.
వరుసబెట్టి ఫ్లాపుల మీద ఫ్లాపులు ఇస్తున్నా.. ఎప్పటికప్పుడు అతడి స్థాయికి మించిన ప్రాజెక్టులు సెట్ అవుతూనే ఉంటాయి. అవకాశాలకు కొదవే ఉండదు. కరెక్టుగా చెప్పాలంటే సందీప్ కెరీర్లో నిఖార్సయిన హిట్టు వెంకటాద్రి ఎక్స్ప్రెస్ మాత్రమే. ఆ సినిమా 2013లో రిలీజైంది. తర్వాతి తొమ్మిదేళ్లలో టైగర్, నిను వీడని నీడను నేనే లాంటి కొన్ని సినిమాలు ఓ మోస్తరుగా ఆడాయి. అవి కూడా నిఖార్సయిన హిట్లు కావు.
చివరగా సందీప్ చేసిన తెనాలి రామకృష్ణ, ఎ1 ఎక్స్ప్రెస్ నిరాశపరిచాయి. అయినా ఇప్పుడు సందీప్ చేతిలో క్రేజీ ప్రాజెక్టులున్నాయి. అవి స్టార్ హీరోలు చేసే రేంజివి. శనివారం సందీప్ పుట్టిన రోజు సందర్భంగా మైకేల్ అనే తమిళ, తెలుగు చిత్రం ఫస్ట్ లుక్ లాంచ్ చేశారు. అది తమిళంలో పేరున్న నిర్మాతలు మంచి బడ్జెట్లో చేస్తున్న సినిమా. అందులో విజయ్ సేతుపతి, గౌతమ్ మీనన్ లాంటి ఆర్టిస్టులు కీలక పాత్రలు చేస్తున్నారు. కాస్టింగ్, బడ్జెట్ చూస్తే ఇది పెద్ద రేంజి సినిమాలాగే ఉంది.
మరోవైపు వీఐ ఆనంద్ దర్శకత్వంలో ఊరు పేరు భైరవపురం అనే సందీప్ కొత్త సినిమా టీజర్ లాంచ్ చేశారు ఈ రోజు. అది చాలా ఇంట్రెస్టింగ్గా ఉంది. ఆ సినిమా రేంజ్ కూడా పెద్దగానే కనిపిస్తోంది. మరి ఫ్లాపుల ప్రభావం లేకుండా సందీప్ ఇలా మంచి మంచి ప్రాజెక్టులు దక్కించుకుని, తన స్థాయికి మించిన బడ్జెట్లలో ఈ సినిమాలు ఎలా చేయగలుగుతున్నాడో ఇండస్ట్రీ జనాలకు అర్థం కావడం లేదు.
This post was last modified on May 7, 2022 10:15 pm
తెలంగాణ అధికార పార్టీ కాంగ్రెస్లో వన్ మ్యాన్ `ఆర్మీ`గా ముఖ్యమంత్రి రేవంత్ రెడ్డి కనిపిస్తున్నారు. గత ఎన్నికల్లో పార్టీని అధికారంలోకి…
ఉత్తరాంధ్ర రాజకీయాల్లో ఒకప్పుడు దూకుడుగా ఉన్న వైసీపీ ఇప్పుడు పెద్దగా కనిపించడం లేదన్న టాక్ వినిపిస్తోంది. కీలక నాయకులు ఉన్నప్పటికీ..…
కరణం బలరామకృష్ణమూర్తి.. రాజకీయ ఉద్ధండుడిగా పేరొందిన ఉమ్మడి ప్రకాశం జిల్లాకు చెందిన నేత. కుమారుడు కరణం వెంకటేష్ను ఎమ్మెల్యేగా చూసుకోవాలన్న…
నియోజకవర్గాల పునర్విభజన అనూహ్య పరిణామాల నేపథ్యంలో అలా వెనక్కెళ్లిపోయింది. దక్షిణాది, ఈశాన్య రాష్ట్రాలకు తీరని అన్యాయం అంటూ కాంగ్రెస్ నేతృత్వంలోని ఇండియా…
బ్లాక్ బస్టర్ సినిమాల వెనుక కొన్ని వేల మంది కష్టం దాగి ఉంటుంది. కాకపోతే ప్రేక్షకులకది అనవసరం. థియేటర్ లో…
ప్రతి నెల ఒకటో తారీకు కోసం ఉద్యోగులు ఎదురు చూడడం సహజం. కారణం నెలంతా కష్టపడితే జీవితాలు అకౌంట్ లో…