దక్షిణాదిన చాలా ఏళ్ల పాటు కథానాయికగా హవా సాగించింది తమన్నా భాటియా. తెలుగుతో పాటు తమిళంలోనూ ఆమె టాప్ హీరోయిన్గా ఒక వెలుగు వెలిగింది. టాలీవుడ్లో చిరంజీవి, వెంకటేష్, పవన్ కళ్యాణ్, మహేష్ బాబు, ప్రభాస్, జూనియర్ ఎన్టీఆర్, రామ్ చరణ్, అల్లు అర్జున్.. ఇలా టాప్ స్టార్లందరితోనూ ఆమె సినిమాలు చేసింది. అలాగే తమిళంలో విజయ్, అజిత్, సూర్య, ధనుష్ లాంటి అగ్రశ్రేణి కథానాయకులతో నటించింది.
ఐతే తెలుగు, తమిళం కంటే ముందు తమన్నా తన మాతృభాష అయిన హిందీలోనే కథానాయికగా అరంగేట్రం చేసింది. కానీ ఆ సినిమా సరైన ఫలితాన్నివ్వలేదు. తర్వాత సౌత్కు వచ్చిన టాప్ హీరోయిన్గా ఎదిగింది. ఐతే చాలామంది ముంబయి భామల్లాగే బాలీవుడ్లో పేరు సంపాదించాలని తమన్నాకు కూడా కోరిక ఉంది. కానీ ఆ కోరిక ఎంతకీ ఫలించడం లేదు. మధ్య మధ్యలో అవకాశం వచ్చినపుడల్లా హిందీలో సినిమాలు చేస్తోంది కానీ.. అవి నిరాశకే గురి చేస్తున్నాయి.
హిమ్మత్ వాలా, ఎంటర్టైన్మెంట్.. లాంటి డిజాస్టర్లు తమన్నాకు బాలీవుడ్ మీద ఆశలు లేకుండా చేశాయి. అయినా ఆమె మాత్రం ప్రయత్నం మానలేదు. ఇప్పుడు సౌత్లోనూ డిమాండ్ తగ్గిన నేపథ్యంలో మళ్లీ బాలీవుడ్లో లాస్ట్ షాట్ ట్రై చేస్తోంది మిల్కీ బ్యూటీ. చాందిని బార్, ఫ్యాషన్ లాంటి అవార్డ్ విన్నింగ్ సినిమాలు తీసిన ఫిలిం మేకర్ మధుర్ భండార్కర్తో ఆమె జట్టు కట్టింది. వీరి కలయికలో కొన్ని నెలల కిందట ‘బబ్లీ బౌన్సర్’ అనే సినిమా మొదలైంది. మధుర్ మామూలుగా పరిమిత బడ్జెట్లో, చాలా తక్కువ రోజుల్లో సినిమా తీసేస్తుంటాడు. అతను ఎక్కువగా తీసేది కథానాయిక ప్రాధాన్యం ఉన్న చిత్రాలే. ‘బబ్లీ బౌన్సర్’ కూడా అందుకు మినహాయింపు కాదు.
తమన్నా లీడ్ రోల్లో చాలా తక్కువ రోజుల్లో చిత్రీకరణ పూర్తి చేశాడు మధుర్. ఫాక్స్ స్టార్ స్టూడియోస్తో కలిసి మధురే ఈ చిత్రాన్ని నిర్మించాడు. ఈ చిత్రం హిందీతో పాటు తమన్నా ఫాలోయింగ్ దృష్ట్యా తెలుగు, తమిళంలోనూ విడుదల కాబోతోందట. మరి కెరీర్ చరమాంకంలో అయినా తమ్మూ తన మాతృభాషలో హిట్టు కొట్టి తన చిరకాల వాంఛను నెరవేర్చుకుంటుందేమో చూడాలి.
This post was last modified on May 5, 2022 4:59 pm
సామాజిక పింఛన్ల పై పిడుగు పడినట్టు అయింది. వృద్ధులు, దివ్యాంగులు, వితంతులు, ఒంటరి మహిళ లు.. వంటి సామాజిక పింఛనుపై…
ఏపీలో జరుగుతున్న సార్వత్రిక ఎన్నికలకు సంబంధించి అధికార పార్టీ వైసీపీ తాజాగా ఎన్నికల మేనిఫెస్టోను ప్రకటించిన విషయం తెలిసిందే. 2019…
స్టార్ హీరోల పోటీని తట్టుకుని బ్లాక్ బస్టర్ మించిన వసూళ్లను సాధించిన హనుమాన్ కొనసాగింపు జై హనుమాన్ ఆల్రెడీ ప్రకటించిన…
టాలీవుడ్లో ఎంతోమంది లెజెండరీ డైరెక్టర్లు ఉన్నారు. వాళ్ల దగ్గర శిష్యరికం చేసి స్టార్ డైరెక్టర్లుగా ఎదిగిన వాళ్లు కూడా ఉన్నారు.…
టీడీపీ అధినేత చంద్రబాబు ఎన్నికల ప్రచారంలో సూపర్ సిక్స్ను ఎక్కువగా ప్రచారం చేస్తున్నారు. తాను అధికారంలోకి వచ్చిన తర్వాత.. వీటిని…
పెద్ద సినిమాలు నిర్మాణంలో ఉన్నప్పుడు వాటికి సంబంధించిన షాకింగ్ సంగతులు ఎప్పుడో తర్వాత సంవత్సరాల్లో బయట పడతాయి. అలాంటిదే ఇది…