నాగ్.. ఈసారి కొట్టాల్సిందే

టాలీవుడ్ సీనియర్ హీరోల్లో ఒకరైన నాగార్జున ప్రస్తుతం ప్రవీణ్ సత్తారు దర్శకత్వంలో ‘ది ఘోస్ట్’ అనే సినిమా చేస్తోన్న సంగతి తెలిసిందే. ప్రస్తుతం షూటింగ్ క్లైమాక్స్ కి చేరుకున్న ఈ సినిమాతో ఎలాగైనా మెస్మరైజ్ చేయాలని చూస్తున్నాడు నాగ్. నిజానికి ‘సోగ్గాడే చిన్ని నాయన’ తర్వాత అక్కినేని నాగార్జున కి చెప్పుకునే రేంజ్ హిట్ పడలేదు.

ఇక బంగార్రాజు కూడా సంక్రాంతి సీజన్ లో ఓ నాలుగు రోజులు కలెక్షన్స్ రాబట్టింది కానీ లాంగ్ రన్ లో ఓ మోస్తారు వసూళ్ళు మాత్రమే అందుకుంది. ఇక కంటెంట్ పరంగానూ బంగార్రాజు పూర్ అనిపించింది. అక్కినేని అభిమానులు సైతం నాగ్ , చైతు నుండి బెస్ట్ ఆశిస్తే కళ్యాణ్ కృష్ణ వారిని కూడా సాటిస్ఫై చేయలేకపోయాడు. 

ఇక బంగార్రాజు కంటే ముందు వచ్చిన ‘వైల్డ్ డాగ్’ గురించి చెప్పనక్కర్లేదు. సినిమా కంటెంట్ పరంగా ఒకే అనిపించుకుంది కానీ కమర్షియల్ హిట్ అందుకోలేకపోయింది. థియేటర్స్ లో కలెక్షన్స్ పరంగా ఫ్లాప్ అనిపించుకుంది. OTT లో మాత్రం మంచి వ్యూస్ రాబట్టింది. దానికంటే ముందు రిలీజైన ‘మన్మథుడు 2’ ఇక చెప్పనక్కర్లేదు. మొదటి రోజే డిజాస్టర్ టాక్ అందుకొని రెండో రోజుకే చతికల పడింది. 

ఇలా నాగ్ నుండి కొన్నేళ్లుగా వచ్చిన సినిమాలు ఆశించిన విజయం అందుకోలేకపోయాయి. ప్రస్తుతం అక్కినేని ఫ్యాన్స్ తో పాటు నాగ్ కూడా ‘ది ఘోస్ట్’ తో ఎలాగైనా మంచి హిట్ అందుకోవాలని భావిస్తున్నాడు. గతంలో ‘గరుడ వేగ’ సినిమాతో సీనియర్ హీరో రాజశేఖర్ ని బాగా హ్యాండిల్ చేసి ప్రశంసలు అందుకున్నాడు ప్రవీణ్ సత్తారు. మరి ఇప్పుడు నాగ్ కి సత్తారు అయిన ఆశించిన విజయం అందిస్తాడా లేదా చూడాలి.