రాజమౌళి ని టెన్షన్ పెడుతున్న ‘ఆచార్య’

బాహుబాలి ఫ్రాంచైజీ తో పాన్ ఇండియా లెవెల్ లో గుర్తింపు అందుకున్నాడు రాజమౌళి. అందుకే వేదికలపై కనిపించగానే ప్రతీ వారు జక్కన్న ని ఆకాశానికి ఎత్తేస్తుంటారు. కానీ రాజమౌళి చుట్టూ మాత్రం ఓ బ్యాడ్ సెంటిమెంట్ ఎప్పుడూ వైఫై లా తిరుగుతూ ఇబ్బంది పెడుతుంటుంది. అదే రాజమౌళి హీరో సెంటిమెంట్. రాజమౌళి తో సినిమా చేశాక ఆ హీరో నెక్స్ట్ సినిమాలతో హిట్ కొట్టడం కష్టమనేది దీని సారాంశం.

‘బాహుబాలి 2’ తర్వాత ప్రభాస్ నుండి వచ్చిన ‘సాహో’, ‘రాధే శ్యామ్’ సినిమాలే ఇందుకు పెద్ద ఉదాహరణ. ఇటివలే ‘ఆచార్య’ ప్రీ రిలీజ్ ఈవెంట్ లో చిరంజీవినే రాజమౌళి సెంటిమెంట్ ని మళ్ళీ గుర్తుచేసి దీన్ని రామ్ చరణ్ ‘ఆచార్య’ తో బ్రేక్ చేస్తాడని గట్టిగా చెప్పాడు. చిరు అలా అంటున్న టైంలో రాజమౌళి కాస్త దిగులుగా ఉండిపోయాడు. అంటే రాజమౌళి తనకి ఉన్న ఈ రిమార్క్ ని రిగ్రేట్ గా ఫీలవుతున్నాడనేది క్లియర్ కట్ గా తెలుస్తుంది.

రామ్ చరణ్ కి కూడా గతంలో రాజమౌళి బ్యాడ్ సెంటిమెంట్ తగిలింది. ‘మగధీర’ తో రికార్డులు తిరగరాసిన చరణ్ ఆ వెంటనే ‘ఆరెంజ్’ తో డిజాస్టర్ చవి చూశాడు. మరి ఇన్నేళ్ళకి మళ్ళీ రాజమౌళితో సినిమా చేసిన చరణ్ ఇప్పుడు ఆ సెంటిమెంట్ ని బ్రేక్ చేసి రాజమౌళి హీరోగా హిట్టు కొడతాడా ? లేదా ? అనేది ఇప్పుడు హాట్ టాపిక్ గా మారింది.

ఏదేమైనా దర్శకుడిగా ఎంత ఎత్తు ఎదిగినా రాజమౌళి ని ఈ సెంటిమెంట్ మాత్రం వేధిస్తూ ఉంటుంది. మరి ఆచార్య దీనికి బ్రేక్ వేసి బాక్సాఫీస్ దగ్గర బ్లాక్ బస్టర్ కొడితే దీన్ని ఉదాహరణగా చెప్పుకొని రాజమౌళి తనకున్న రిగ్రేట్ ని చేరిపేసుకుంటాడు. మరో నాలుగు రోజుల్లో ఈ విషయం తేలిపోతుంది. ఏప్రిల్ 29న రాజమౌళి సెంటిమెంట్ కి ఆచార్య తో ఫులి స్టాప్ పడనుందేమో చూడాలి.