రామ్ గోపాల్ వర్మకు ఒకప్పుడు కోట్లమంది అభిమానులు ఉండేవారు. వారిలో చాలామందిని కేవలం అభిమానులు అనడంకంటే.. భక్తులు కూడా అనొచ్చేమో. కేవలం పోస్టర్ మీద రామ్ గోపాల్ వర్మ పేరు చూసి.. హీరో హీరోయిన్లెవరో కూడా చూడకుండా థియేటర్లకు పరుగులు పెట్టేవారు ఒకప్పటి యూత్. ఒక దశ దాటాక వర్మ ఫాం కోల్పోయినా.. కొన్ని పేలవమైన సినిమాలు తీస్తున్నా సరే.. ఆయన్ని నమ్మి థియేటర్లకూ వెళ్తూనే ఉన్నారు కొన్నేళ్ల వరకు.
కానీ గత దశాబ్ద కాలంలో వర్మ దర్శకుడిగా ఎంత పతనం అయిపోయాడో.. ఎంత నాసిరకం సినిమాలు తీస్తున్నాడో తెలిసిందే. ఇప్పుడు ఆయన్నుంచి ఖత్రా-డేంజరస్ (తెలుగులో మా ఇష్టం) అనే సినిమా వస్తోంది. ఇది ఇద్దరు లెస్బియన్ ల మధ్య నడిచే గాఢమైన ప్రేమ కథ. దీని ప్రోమోలు చూస్తే ఇదొక బి-గ్రేడ్ సినిమాలా కనిపిస్తోంది. ఒకప్పటి వర్మ వీరాభిమానులు కూడా ఆయన ఇలాంటి సినిమా తీయడం జీర్ణించుకోలేకపోతున్నారు.
ఈ నేపథ్యంలో మీడియా వాళ్లు వర్మను ఇదే విషయమై ప్రశ్నించారు. మీ స్థాయికి తగ్గ సినిమాలు తీయట్లేదనే మాటకు మీరేమంటారు అని అడిగితే ఆయన తనదైన శైలిలో సమాధానం ఇచ్చాడు. ‘‘నన్ను ఆసక్తికి గురి చేసిన అంశంతోనే నేను సినిమా చేస్తా. అది పది మంది కోసమా వంద మంది కోసమా అన్నది నా ఇష్టం. ఎంత బాగుంది, ఎంతమంది చూశారనే దాని కంటే ఎంతలో తీశారు ఎంత వచ్చిందనే విషయమే లాభాల్ని నిర్ణయిస్తుంది.
నేను తీసిన సినిమాలన్నీ నాకు లాభాలు తెచ్చిపెట్టినవే. అందుకే ఇంకా సినిమాలు చేయగలుగుతున్నా. నేను ఆశించిన ఫలితం నాకు వస్తోంది. పెద్ద స్టార్లు, పెద్ద బడ్జెట్లో సినిమాలు తీసే ఓపిక, సామర్థ్యం, తపన నాకు లేవు. నా సినిమాలను చూసి ఎలా ఉండేవాడు ఏ స్థాయికి దిగజారిపోయాడు అనేవాళ్లు ఉంటారు. ఎవరైతే ఆ మాటలు అంటారో వాళ్లు పుట్టినప్పటి నుంచి బావిలో నుంచి బయటికి రాలేదన్నది నా అభిప్రాయం’’ అంటూ ఎప్పట్లాగే సమాధానం ఇచ్చాడు వర్మ.
కేవలం పది కోట్ల బడ్జెట్లో తెరకెక్కిన సినిమా.. అబ్సెషన్. ఈ హాలీవుడ్ హార్రర్ మూవీ విడుదలైనప్పటి నుంచి వరల్డ్ వైడ్…
స్టార్ హీరో సినిమాల రిపీట్ వేల్యూకి ప్రధానంగా దోహదం చేసేది పాటలే. ఫైట్లు, ఎలివేషన్లు, యాక్షన్ ఎపిసోడ్లు ఎక్కువ లేని…
సంక్రాంతికి రిలీజైన మన శంకరవరప్రసాద్ గారులో ప్రాణ స్నేహితులుగా నటించిన చిరంజీవి, వెంకటేష్ మొదటిసారి స్క్రీన్ పంచుకుని ఎంత పెద్ద…
హెడింగ్ చూడగానే ఏవో ముళ్లచెట్ల వల్ల ఎవరికో ఏదో అయిపోయి షూటింగ్ బ్రేక్ పడిందని అనుకోకండి. ఇక్కడ అడ్డంకులనే కోణంలో…
రాష్ట్రంలో అటవీ సంపదను కాపాడడంతోపాటు.. వన్యప్రాణుల సంరక్షణకు సైతం ప్రాధాన్యం ఇస్తున్న ఉప ముఖ్యమంత్రి, అటవీ శాఖ మంత్రి పవన్…
హీరోయిన్లు కెరీర్లో కొంచెం కుదురుకోగానే పెళ్లి ఎప్పుడు అనే ప్రశ్న ఎదురవుతుంది మీడియా నుంచి. ఆ తంతు పూర్తయ్యాక తల్లెప్పుడు…