రెండేళ్ల విరామం తర్వాత సినిమాల్లోకి రీఎంట్రీ ఇచ్చిన పవర్ స్టార్ పవన్ కళ్యాణ్ వరుసబెట్టి రీమేక్లతో సాగిపోతున్నాడు. ఆయన రీఎంట్రీ మూవీ ‘వకీల్ సాబ్’ హిందీ మూవీ ‘పింక్’కు రీమేక్ అన్న సంగతి తెలిసిందే. ఆ తర్వాత పవన్ నుంచి వచ్చిన ‘భీమ్లా నాయక్’ ఏమో మలయాళ బ్లాక్ బస్టర్ ‘అయ్యప్పనుం కోషీయుం’ ఆధారంగా తెరకెక్కింది. ఈ రెండు చిత్రాలతో పవన్ ఎంతగా అలరించినా.. అవి రీమేక్లు కావడం వల్ల ప్రేక్షకుల్లో ఎగ్జైట్మెంట్ తగ్గిపోయింది.
ఓటీటీ విప్లవం వల్ల మామూలుగానే అన్ని భాషల్లో హిట్ చిత్రాలను జనాలు చూసేస్తున్నారు. ఇక పవన్ కళ్యాణ్ రీమేక్ చేస్తున్నాడంటే ఇంకా ఎక్కువమంది ముందే సినిమా చూసేయడం గ్యారెంటీ. ఇందువల్లే ఎగ్జైట్మెంట్ తగ్గిపోతోంది. ఈ సినిమాలు ఒక స్థాయికి మించి బాక్సాఫీస్ దగ్గర విజయం సాధించకపోవడానికి రీమేక్లు కావడం కూడా ఒక కారణమే. అయినా పవన్ ఏమీ తగ్గట్లేదు. ఆయన ఇంకో రీమేక్ను లైన్లో పెట్టినట్లు వార్తలొస్తున్నాయి.
తమిళంలో మంచి స్పందన తెచ్చుకున్న ‘వినోదియ సిత్తం’ రీమేక్లో పవన్ నటించబోతున్నట్లు జోరుగా ప్రచారం జరుగుతున్న సంగతి తెలిసిందే. నటుడిగా తెలుగులో ఇప్పటికే చాలా సినిమాలు చేసిన సముద్రఖని తాను ముఖ్య పాత్రలో నటిస్తూ స్వీయ దర్శకత్వంలో రూపొందించిన చిత్రమిది. థియేట్రికల్ రిలీజ్ స్కిప్ చేసి, జీ5 ద్వారా నేరుగా ఓటీటీలో రిలీజైన సినిమా ఇది. ఇందులో సముద్రఖని దేవదూత పాత్రలో నటించాడు. తన కుటుంబం, అలాగే తాను పని చేసే ఆఫీసు తన వల్లే నడుస్తాయని భ్రమలో ఉంటూ ఎవరినీ లెక్క చేయకుండా సాగిపోయే ఒక నడి వయస్కుడు హఠాత్తుగా చనిపోవడం.. అతణ్ని తీసుకెళ్లడానికి వచ్చే దేవదూతతో వాదనకు దిగడం.. తర్వాత మళ్లీ మూణ్నెల్ల ఆయుష్షు తీసుకుని భూమి మీదికి రావడం.. ఈ క్రమంలో అనేక జీవిత సత్యాలు తెలుసుకుని, తానొక నిమిత్త మాత్రుడినని అర్థం చేసుకుని తిరిగి పైలోకానికి వెళ్లిపోవడం.. ఇదీ స్థూలంగా కథ. తమిళంలో సముద్రఖని చేసిన దేవదూత పాత్రనే పవన్ తెలుగులో చేస్తున్నట్లున్నాడు.
ఐతే ఇందులో ఆయనతో పాటు సాయిధరమ్ తేజ్ నటిస్తున్నట్లు వార్తలొస్తున్నాయి. ఒరిజినల్లో నడి వయస్కుడిగా ఉన్న పాత్రను తన కోసం మారుస్తున్నారేమో తెలియదు. ‘పింక్’లో మాదిరి కొత్తగా అనిపించే, హార్డ్ హిట్టింగ్ కథాకథనాలేమీ ఇందులో ఉండవు. ‘అయ్యప్పనుం కోషీయుం’ మాదిరి ఎలివేషన్లకు ఛాన్స్ లేదు. రొటీన్గా, ఫ్లాట్గా సాగిపోయే సినిమా ఇది. కొంచెం ఎమోషనల్గా ఉంటుందంతే. పవన్ ఇమేజ్ ప్రకారం చూస్తే ఇది అస్సలు సెట్టయ్యే సినిమా కాదు. ఇది ఆయన చేయాల్సిన పాత్ర అయితే కాదు. ‘గోపాల గోపాల’ కన్నా సాధారణంగా, అతిథి పాత్రలా అనిపించే క్యారెక్టర్లో పవన్ ఏం చేస్తాడన్నది ప్రశ్నార్థకం.
పెద్ద సినిమా విడుదలవుతున్న ప్రతిసారి తెలంగాణలో టికెట్ రేట్ల పెంపు అనేది పెద్ద సమస్యగా మారిపోయింది. ప్రతిసారి ప్రభుత్వాన్ని అడగలేక,…
మాములుగా దర్శక నిర్మాతలు తమ సినిమాకు ఎంత ఖర్చు పెట్టినా బడ్జెట్ ని బాహాటంగా బయటికి చెప్పుకోరు. దానికి కారణాలు…
ఏపీ ఉప ముఖ్యమంత్రి పవన్ కళ్యాణ్ మాటల్లో రాజీపడరు.. చేతల్లో ఆలస్యం చేయరు. ఇదేదో మనం చెప్పే మాట కాదు..…
తన కొత్త సినిమా పెద్ది ప్రమోషన్లలో భాగంగా మెగా పవర్ స్టార్ రామ్ చరణ్ ఎక్కడికి వెళ్లినా… ఆయన వెంట…
ఇండస్ట్రీలో హీరోయిన్ల కెరీర్ కు ఒక ఎక్స్ పైరీ డేట్ ఉంటుందనేది ఎప్పటినుంచో వినిపించే మాటే. పాతికేళ్ల నుంచి ముప్పై…
మహారాష్ట్ర ముఖ్యమంత్రి, బీజేపీ సీనియర్ నాయకుడు దేవేంద్ర ఫడణవీస్తో ఏపీ మంత్రి, టీడీపీ జాతీయ వర్కింగ్ ప్రెసిడెంట్ నారా లోకేష్…