టికెట్ల రేట్లు తగ్గించడం ద్వారా దాదాపు ఏడాది పాటు సినీ పరిశ్రమను ఇరుకున పెట్టి వినోదం చూసిన ఆంధ్రప్రదేశ్ సర్కారు ఎట్టకేలకు జీవో నంబర్ 35ను ఉపసంహరించుకుని.. టికెట్ల ధరలు పెంచుతూ కొత్త జీవోను ఇచ్చింది. మామూలుగా టికెట్ల ధరలు పెంచడం వరకు బాగానే ఉంది కానీ.. ఐదో షో, అలాగే పెద్ద సినిమాలకు పది రోజుల వరకు సాధారణ రేట్ల మీద ధరలు పెంచుకునేందుకు వీలు కల్పించడం లాంటి విషయాల్లో ప్రభుత్వం ఇచ్చిన మార్గదర్శకాల విషయంలోనే భిన్నాభిప్రాయాలు వ్యక్తమవుతున్నాయి.
ఉద్దేశపూర్వకంగా వీటి విషయంలో కొన్ని మెలికలు పెట్టినట్లుగా కనిపిస్తోంది. ఐదో షోకు అనుమతి ఇస్తూనే.. ఒక షోను చిన్న సినిమాకు కేటాయించాల్సిందిగా పేర్కొంది ప్రభుత్వం. కానీ ఐదో షో అనేది పెద్ద సినిమాలకు మాత్రమే అడ్వాంటేజ్. తొలి వీకెండ్లో హైప్కు తగ్గట్లుగా వీలైనన్ని ఎక్కువ షోలు వేసుకుంటే ప్రయోజనం ఉంటుంది. వాటికి మాత్రమే ఐదో షో ఉపయోగపడుతుంది.
ఏపీలో బోలెడన్ని థియేటర్లు అందుబాటులో ఉండగా.. చిన్న సినిమాలకు ప్రస్తుతం స్క్రీన్లు దొరకని పరిస్థితేమీ లేదు. వాటికి ఆక్యుపెన్సీ రావడమే కష్టమవుతోంది. చాలా సినిమాలకు మెయింటైనెన్స్ ఖర్చులు కూడా రాని పరిస్థితి తలెత్తింది. ఇక పెద్ద సినిమాలు రిలీజైనపుడు వాటికి పోటీగా చిన్న సినిమాలు రిలీజే చేయరు. పండుగ సీజన్లలో వాటికి స్కోపే ఉండదు. అలాంటపుడు ఐదో షోను చిన్న సినిమాకు ఎలా కేటాయించగలుగుతారు. డిమాండ్ ఉన్న పెద్ద సినిమాకు అదనపు షో అవసరం కానీ.. ఆ టైంలో చిన్న సినిమాను ప్రదర్శించమంటే ఎవరు ఆ ఛాన్స్ తీసుకుంటారన్నది ప్రశ్న. ఇక పెద్ద సినిమాలకు రేట్లు పెంచుకునే విషయంలోనూ ఒక మెలిక ఉంది.
పారితోషకాలు కాకుండా బడ్జెట్ రూ.100 కోట్లు దాటి ఉండాలట. 20 శాతం షూటింగ్ ఏపీలో జరిగి ఉండాలట. కానీ ఇలాంటి సినిమాలు చాలా అరుదు. అసలు పారితోషకాలు కాకుండా బడ్జెట్ 100 కోట్లని, 20 శాతం షూటింగ్ ఏపీలో జరిగిందని నిర్ధారించేదెవరు? ఈ విషయంలో లాబీయింగ్ జరగడానికి ఛాన్సుంది. తమకు నచ్చని హీరోల సినిమాలు వచ్చినపుడు ఐదో షో విషయంలో, టికెట్ల రేట్ల పెంపు విషయంలో నిబంధనలు కఠినంగా అమలు చేసి వాటికి అవకాశం లేకుండా చూడటం, మిగతా సినిమాలకు మాత్రం చూసీ చూడనట్లు వదిలేయడం జరగడం గ్యారెంటీ. తద్వారా ఇండస్ట్రీ జనాలు తమ ముందు అణిగిమణిగి ఉండేలా చూసేందుకే ఇలాంటి మెలికలు పెట్టారన్న అభిప్రాయాలు వ్యక్తమవుతున్నాయి.
This post was last modified on March 8, 2022 12:53 pm
ఐపీఎల్లో ఆటగాడిగా మహేంద్ర సింగ్ ధోనీ సంపాదన రూ.200 కోట్ల మార్కును దాటింది. 2008లో రూ.6 కోట్లతో మొదలైన అతడి…
మహావతార నరసింహ.. గత ఏడాది పాన్ ఇండియా స్థాయిలో సెన్సేషన్ క్రియేట్ చేసిన సినిమా. ఈ యానిమేషన్ మూవీ రిలీజయ్యే…
టాలీవుడ్ టాలెంటెడ్ దర్శకుల్లో వెంకీ కుడుముల పేరు ఖచ్చితంగా ఉంటుంది. రష్మిక మందన్న ఇవాళ ఈ స్థాయికి వచ్చిందంటే ఛలో…
మహిళల భద్రతపై మరోసారి ఆందోళన కలిగించే ఘటన తెలంగాణలో చోటుచేసుకుంది. ఇంటికి వెళ్లేందుకు ఆటోలో లిఫ్ట్ ఇస్తామని నమ్మించిన ఇద్దరు…
ప్రపంచ టెక్ రంగంలో సంచలనం సృష్టించిన ఎన్విడియా మాజీ సీఈవో జెన్సెన్ హువాంగ్ వ్యవహారం మరో మలుపు తిరిగింది. వివాహేతర…
బంధువులను రైలు ఎక్కించడానికి వెళ్లినవాళ్లు అనుకోకుండా అదే రైలులో ప్రయాణించాల్సి వచ్చింది. పైగా టికెట్లు లేకపోవడంతో ఏకంగా రూ.36,140 చెల్లించాల్సి…