నెలల తరబడి తీశారు. వెయ్యి బైకులు వాడారు. హీరో అజిత్, విలన్ కార్తికేయ ఎన్నో రిస్కులు తీసుకున్నారు. అయినా ‘వలీమై’ అనుకున్న స్థాయిలో అయితే విజయం సాధించలేదు. అజిత్ సినిమాల ఓపెనింగ్ రోజు వచ్చే ఊపు ఈ సినిమా విషయంలో ప్రేక్షకులకు రాలేదంటే అంచనాలకు తగినట్టుగా ఉండకపోవడమే కారణమని చెప్పొచ్చు. తమిళంలో అజిత్ మేనియా కారణంగా కలెక్షన్స్ అయితే వస్తున్నాయి కానీ, టాక్ మాత్రం అంతంతమాత్రమే.
ఇలా జరగడానికి కారణం ఏమిటి అంటే సినిమా నాలెడ్జ్ ఉన్నవాళ్లు ఎవరైనా చెప్పేస్తారు.. స్క్రీన్ ప్లే దెబ్బేసిందని. నిజానికి కథ కూడా మరీ కొత్తగా ఏమీ లేదు. గ్యాంగ్స్ దోపిడీలు చేయడం, పోలీసైన హీరో వాళ్లని వేటాడటం లాంటి కథలు చాలానే వచ్చాయి. కాకపోతే తరచూ హాలీవుడ్ వాళ్లు మాత్రమే చూసే బైక్స్, వెబ్సైట్ ద్వారా కనెక్ట్ కావడం, టెక్నాలజీని ఉపయోగించి క్రైమ్స్ చేయడం లాంటివి మనవాళ్లకి కొత్తగా అనిపిస్తాయి.
అలాంటప్పుడు మంచి స్క్రీన్ప్లే కనుక కథకి తోడై ఉంటే వలీమై అనుకున్న స్థాయిలో పండేది. ఎందుకంటే అజిత్ యాక్షన్ ఇరగదీశాడనే అందరూ చెబుతున్నారు. సినిమా డల్ అయ్యిందని పెదవి విరుస్తున్నారు. అజిత్ స్థాయికి తగ్గట్టుగా స్క్రిప్ట్ రెడీ చేయలేకపోయాడంటూ వినోద్కి నెగిటివ్ కామెంట్స్ వస్తున్నాయి. అయినా కూడా అజిత్ తన నెక్స్ట్ సినిమా అతనితోనే చేస్తుండటం కొందరు ఫ్యాన్స్కి నచ్చడం లేదు. ఈ చిత్రాన్ని వచ్చే వారంలో మొదలుపెట్టబోతున్నారట. అజిత్ లుక్ ఎలా ఉండబోతోందో రీసెంట్గా ఓ ఫొటోని సోషల్ మీడియాలో పోస్ట్ చేసి హింటిచ్చాడు బోనీ కపూర్. నిజానికి. ‘వలీమై’ తీస్తున్నప్పుడే అజిత్, వినోద్, బోనీల కాంబినేషన్లో మరో సినిమాని లాక్ చేశారు. అప్పుడంటే విపరీతమైన బజ్ ఉంది కాబట్టి ఓకే. కానీ వలీమై చూసిన తర్వాత అభిమానులు ఈ ప్రాజెక్ట్ విషయంలో కాస్త అనాసక్తి చూపిస్తున్నారు. వెంటనే తనతో ఎందుకు, వేరే ఎవరితోనైనా ఓ సినిమా చేశాక వినోద్తో మళ్లీ వర్క్ చేయొచ్చుగా అంటున్నారు.
వాళ్లలా అలోచించడంలో తప్పు లేదు. ఇప్పుడే ఓ మూవీ చేశారు. అది అంత ఇంటరెస్టింగ్గా తయారవలేదు. కాబట్టి కాస్త గ్యాప్ తీసుకుంటే ఇంకోసారి అలాంటి లోపాలు లేకుండా చూసుకునే చాన్స్ వినోద్కి దక్కుతుంది. అజిత్ ఫ్యాన్స్ ఏం కోరుకుంటున్నారనేది క్లియర్గా తెలుసుకుని, దానికి తగ్గట్టుగా స్క్రిప్ట్ని మలచుకునే సమయం దొరుకుతుంది. ఈ యాంగిల్లో అజిత్ ఎందుకు ఆలోచించడం లేదు, వినోద్పై తనకి నమ్మకం ఉండటం వల్లనా, లేక మాట మీద నిలబడే మంచితనం వల్లనా అంటున్నారు ఫ్యాన్స్. మరి అజిత్ ఏమంటాడో!
This post was last modified on February 27, 2022 9:09 pm
హీరోల పారితోషకాలు అంతకంతకూ పెరిగిపోతుండడంపై నిర్మాతల్లో ఆందోళన వ్యక్తమవుతున్న మాట వాస్తవం. పైకి చెప్పకపోయినా ఈ విషయంలో అసంతృప్తితో ఉన్నారన్నది ఇండస్ట్రీలో…
అధికారంలో ఉన్న నాయకులు, అధికారంలో లేని నాయకులు ఇలా రెండు వర్గాలుగా విభజించినప్పుడు సాధారణంగా పదవులు పొందిన వారు సంతృప్తి…
మూడు రోజుల తెలుగు వారి పెద్ద పండుగ.. సంక్రాంతి. ఇళ్లకే కాదు.. గ్రామాలకు సైతం శోభను తీసుకువచ్చే సంక్రాంతికి.. కోడి…
ఈ సంక్రాంతికి ‘భర్త మహాశయులకు విజ్ఞప్తి’ చిత్రంతో ప్రేక్షకులను పలకరించబోతోంది డింపుల్ హయతి. కెరీర్లో ఆమెకు ఇంకా పెద్ద బ్రేక్ రాలేదు. ఇప్పటికే ఖిలాడి,…
బీజేపీ కురువృద్ధ నాయకుడు, దేశ మాజీ ఉపరాష్ట్రపతి ముప్పవరపు వెంకయ్యనాయుడు.. ప్రస్తుతం ప్రత్యక్ష రాజకీయాల నుంచి తప్పుకొన్నారు. అయితే.. ఆయన…
చుక్క పడందే నిద్ర పట్టని వారు చాలా మంది ఉన్నారు. వీరిలో చిన్న చితకా మందుబాబులను పక్కన పెడితే, మద్యం…