ఒకప్పుడు హీరోలకి, విలన్లకి తేడా ఉండేది. అందుకే వాటిని పోషించేవారు కూడా సెపరేట్గా ఉండేవారు. కానీ ఇప్పుడు కొన్ని సినిమాల హీరోల పాత్రల్లోనే నెగిటివ్ షేడ్స్ ఉంటున్నాయి. కాబట్టి విలన్ పాత్రలు చేయడానికి కూడా హీరోలు అంతగా వెనుకాడాల్సిన అవసరం లేకుండా పోయింది. ముఖ్యంగా బాలీవుడ్లో స్టార్ హీరోలంతా అటు హీరోలుగానూ ఇటు విలన్లుగానూ కూడా చెలామణీ అయిపోతున్నారు.
ముఖ్యంగా హీరో పాత్ర, విలన్ పాత్ర ఒకే రేంజ్లో ఉన్నప్పుడు వాటిని పోషించడానికి ఇద్దరు మహామహులు కావాలి. అలాంటప్పుడు విలన్ పాత్రధారుల్ని కాకుండా ఇద్దరినీ హీరోలనే తీసుకుంటే వచ్చే కిక్కే వేరు. అదే చేస్తున్నారు డైరెక్టర్స్. బాలీవుడ్లో అయితే ఇలాంటి సిట్యుయేషన్ వచ్చినప్పుడు సైఫ్ అలీ ఖాన్ బెస్ట్ చాయిస్ అవుతున్నాడు. అజయ్ దేవగన్ హీరోగా నటించిన ‘తానాజీ’, ప్రభాస్ చేస్తున్న ‘ఆదిపురుష్’ చిత్రాల్లో హీరో స్టేచర్కి తగిన విలన్ కావాలి అనుకున్నప్పుడు సైఫ్నే సెలెక్ట్ చేసుకున్నారు ఆ దర్శకులు. ఇప్పుడు హృతిక్ విలన్గా నటిస్తున్న ‘విక్రమ్ వేద’ రీమేక్లో హీరో పాత్రకి సైఫ్నే తీసుకున్నారు ఈ దర్శకులు.
2017లో వచ్చిన తమిళ మూవీ ‘విక్రమ్ వేద’ చాలా పెద్ద విజయం సాధించింది. దీన్ని తెలుగులో రీమేక్ చేసేందుకు ఎప్పటి నుంచో ప్లాన్ చేస్తున్నారు. అయితే మనకంటే ముందు బాలీవుడ్ రీమేక్ మొదలైపోయింది. మాతృకను తెరకెక్కించిన పుష్కర్, గాయత్రిలే రీమేక్ని కూడా డైరెక్ట్ చేస్తున్నారు. విజయ్ సేతుపతి పోషించిన నటోరియస్ క్రిమినల్ పాత్రని హృతిక్ చేస్తున్నాడు. మాధవన్ పోషించిన సిన్సియర్ పోలీసాఫీర్ క్యారెక్టర్లో సైఫ్ నటిస్తున్నాడు.
హృతిక్ బర్త్ డే సందర్భంగా ఈమధ్యనే తన లుక్ని విడుదల చేశారు. ఇప్పుడు సైఫ్ లుక్ రిలీజయ్యింది. జీన్స్, పోలో నెక్ టీషర్ట్, గాగుల్స్తో పర్ఫెక్ట్ పోలీసాఫీర్గా కనిపిస్తున్నాడు సైఫ్. ఇంత మంచి కోస్టార్తో పని చేయడం ఆనందంగా ఉందంటూ హృతికే ఈ లుక్ని షేర్ చేశారు. లీడ్ యాక్టర్ల టెరిఫిక్ లుక్స్ని బట్టి హిందీలోనూ మూవీ అదరగొట్టే చాన్స్ ఉందనిపిస్తోంది. సెప్టెంబర్ 30 సినిమా విడుదల కానుంది.
This post was last modified on February 24, 2022 5:45 pm
హీరోల పారితోషకాలు అంతకంతకూ పెరిగిపోతుండడంపై నిర్మాతల్లో ఆందోళన వ్యక్తమవుతున్న మాట వాస్తవం. పైకి చెప్పకపోయినా ఈ విషయంలో అసంతృప్తితో ఉన్నారన్నది ఇండస్ట్రీలో…
అధికారంలో ఉన్న నాయకులు, అధికారంలో లేని నాయకులు ఇలా రెండు వర్గాలుగా విభజించినప్పుడు సాధారణంగా పదవులు పొందిన వారు సంతృప్తి…
మూడు రోజుల తెలుగు వారి పెద్ద పండుగ.. సంక్రాంతి. ఇళ్లకే కాదు.. గ్రామాలకు సైతం శోభను తీసుకువచ్చే సంక్రాంతికి.. కోడి…
ఈ సంక్రాంతికి ‘భర్త మహాశయులకు విజ్ఞప్తి’ చిత్రంతో ప్రేక్షకులను పలకరించబోతోంది డింపుల్ హయతి. కెరీర్లో ఆమెకు ఇంకా పెద్ద బ్రేక్ రాలేదు. ఇప్పటికే ఖిలాడి,…
బీజేపీ కురువృద్ధ నాయకుడు, దేశ మాజీ ఉపరాష్ట్రపతి ముప్పవరపు వెంకయ్యనాయుడు.. ప్రస్తుతం ప్రత్యక్ష రాజకీయాల నుంచి తప్పుకొన్నారు. అయితే.. ఆయన…
చుక్క పడందే నిద్ర పట్టని వారు చాలా మంది ఉన్నారు. వీరిలో చిన్న చితకా మందుబాబులను పక్కన పెడితే, మద్యం…