బోయపాటి శ్రీనుకు దర్శకుడిగా ఎక్కువ పేరొచ్చింది.. అతను కెరీర్లో బిగ్గెస్ట్ హిట్లు అందుకుంది నందమూరి బాలకృష్ణతో తీసిన చిత్రాలతోనే. కెరీర్ ఆరంభంలో రవితేజతో ‘భద్ర’ లాంటి సూపర్ హిట్ తీసిన బోయపాటి.. ఆ తర్వాత బాలయ్య కాకుండా పెద్ద హిట్ ఇచ్చిందంటే ఒక్క అల్లు అర్జున్తోనే. వీరి కలయికలో వచ్చిన ‘సరైనోడు’ డివైడ్ టాక్ను తట్టుకుని నిలబడింది. వెంకటేష్తో చేసిన ‘తులసి’ ఓ మోస్తరుగా ఆడితే.. ఎన్టీఆర్తో తీసిన ‘దమ్ము’ ఫ్లాప్ అయింది.
ఇక రామ్ చరణ్ సినిమా ‘వినయ విధేయ రామ’ గురించి ఎంత తక్కువ చెప్పుకుంటే అంత మంచిది. బెల్లంకొండ శ్రీనివాస్-బోయపాటి కాంబినేషన్లో వచ్చిన ‘జయ జానకి నాయక’ కూడా అంచనాలను అందుకోలేకపోయింది. ఆ చిత్రం కూడా బాక్సాఫీస్ లెక్కల్లో చూస్తే ఫ్లాపే. బాలయ్యతో సినిమా అనగానే తన శక్తి సామర్థ్యాల్ని పూర్తిగా వాడి.. అభిమానులను అలరించే, మాస్కు పూనకాలు తెప్పించే సినిమాలు చేసే బోయపాటి.. వేరే హీరోల సినిమాల విషయానికి వచ్చేసరికి ఇలా అంచనాలను అందుకోలేకపోతుండటం ఆశ్చర్యం కలిగించే విషయం.
‘సింహా’ దగ్గర్నుంచి పరిశీలిస్తే.. బాలయ్య సినిమా తర్వాత వేరే హీరోల కాంబినేషన్లో భారీ అంచనాలతో వచ్చే బోయపాటి చిత్రాలన్నీ చాలా వరకు బోల్తా కొట్టినవే. వేరే హీరోల ఇమేజ్కు, బోయపాటి ఇమేజ్కు మ్యాచ్ కాకపోవడమో.. బోయపాటి కథల్లో వాళ్లు సింక్ కాకపోవడమో.. ఇలా ఏదో ఒకటి సమస్యగా మారుతోంది. ఇప్పుడు ‘అఖండ’ లాంటి భారీ విజయం తర్వాత బోయపాటి.. యువ కథానాయకుడు రామ్తో జట్టు కడుతున్నాడు.
ఈ కాంబినేషన్లో కొత్త సినిమా గురించి అధికారిక ప్రకటన కూడా వచ్చేసింది. ఐతే రామ్కు కొంత మాస్ ఫాలోయింగ్ ఉంది, అలాగే కొన్ని మాస్ కథలూ చేశాడు. కానీ బోయపాటి మార్కు ఊర మాస్ కథలకు.. లార్జర్ దన్ లైఫ్ క్యారెక్టర్లకు రామ్ సూటవుతాడా అన్న సందేహం ఉంది. బోయపాటి స్టయిల్లో మరీ విడ్డూరంగా, అతిగా ఉండే యాక్షన్ ఘట్టాలు అతడికి సెట్ కాకపోవచ్చు. పైగా బాలయ్య కాకుండా వేరే హీరోలతో తీసిన సినిమాల్లో చాలా వరకు ఫెయిల్ కావడం రామ్ను కొంత కంగారు పెట్టే విషయమే. మరి ఈ నెగెటివ్ సెంటిమెంటును దాటి రామ్కు సరిపోయే సినిమా తీసి హిట్ కొడతాడేమో చూడాలి బోయపాటి.
This post was last modified on February 20, 2022 10:49 am
మహావతార నరసింహ.. గత ఏడాది పాన్ ఇండియా స్థాయిలో సెన్సేషన్ క్రియేట్ చేసిన సినిమా. ఈ యానిమేషన్ మూవీ రిలీజయ్యే…
టాలీవుడ్ టాలెంటెడ్ దర్శకుల్లో వెంకీ కుడుముల పేరు ఖచ్చితంగా ఉంటుంది. రష్మిక మందన్న ఇవాళ ఈ స్థాయికి వచ్చిందంటే ఛలో…
మహిళల భద్రతపై మరోసారి ఆందోళన కలిగించే ఘటన తెలంగాణలో చోటుచేసుకుంది. ఇంటికి వెళ్లేందుకు ఆటోలో లిఫ్ట్ ఇస్తామని నమ్మించిన ఇద్దరు…
ప్రపంచ టెక్ రంగంలో సంచలనం సృష్టించిన ఎన్విడియా మాజీ సీఈవో జెన్సెన్ హువాంగ్ వ్యవహారం మరో మలుపు తిరిగింది. వివాహేతర…
బంధువులను రైలు ఎక్కించడానికి వెళ్లినవాళ్లు అనుకోకుండా అదే రైలులో ప్రయాణించాల్సి వచ్చింది. పైగా టికెట్లు లేకపోవడంతో ఏకంగా రూ.36,140 చెల్లించాల్సి…
మెగాస్టార్ చిరంజీవి స్క్రీన్ మీదే కాదు స్టేజి పైన ఉన్నప్పుడు కూడా ఆయన ఎనర్జీ వేరే లెవెల్ లో ఉంటుంది.…