Movie News

సీనియర్ హీరోలు.. లిప్ లాక్ కష్టాలు

ఒకప్పుడు కమల్ హాసన్ సినిమాల్లో లిప్ లాక్స్ సీన్లు చూసి అందరూ తెగ ఆశ్చర్యపోయేవారు. మరీ అంత శ్రుతి మించిపోవడమేంటి.. అంత ఘాటు ముద్దులు అవసరమా అనే వాళ్లు చాలామంది. ‘హే రామ్’ లాంటి సినిమాల్లో మిగతా విషయాలన్నీ వదిలేసి లిప్ లాక్స్ గురించి జరిగిన చర్చ అంతా ఇంతా కాదు. కానీ 2000 తర్వాత పరిస్థితులు వేగంగా మారిపోయాయి. బాలీవుడ్ సినిమాల్లో లిప్ లాక్స్ సర్వ సాధారణం అయిపోయాయి.

ఇంటిమేట్ సీన్లు ఎలా హద్దులు దాటేశాయో తెలిసిందే. సౌత్ సినిమా ఈ విషయంలో కొంత వెనుబడే ఉన్నప్పటికీ గత దశాబ్దంలో ఇక్కడ కూడా పరిస్థితులు మారాయి. దక్షిణాది సినిమాల్లో కూడా లిప్ లాక్స్ మామూలైపోయాయి. అయినప్పటికీ స్టార్ హీరోలు, ముఖ్యంగా సీనియర్లు పెదవి ముద్దుల విషయంలో ఇప్పటికీ ఇబ్బంది పడుతూనే ఉన్నారు. యువ కథానాయకుల్లా వాళ్లలో లిప్ లాక్స్ చేసేటపుడు ఈజ్ కనిపించడం లేదు.

ఇంతకుముందు పవన్ కళ్యాణ్ తొలిసారి ‘తీన్ మార్’ కోసం త్రిషతో చిన్న లిప్ లాక్ చేశాడు. కానీ ఆ సన్నివేశం గమనిస్తే పవన్ అసౌకర్యంగా ఉన్న విషయం అర్థమైపోతుంది. చూసే ప్రేక్షకులకు కూడా అది కొంచెం ఎబ్బెట్టుగానే అనిపించింది. హీరోయిన్లతో సినిమాల్లో, బయట అంటీ ముట్టనట్లుగా ఉండే పవన్.. లిప్ లాక్ చేయడాన్ని ఆయన అభిమానులే అంతగా జీర్ణించుకోలేకపోయారు. ఇప్పుడు మరో సీనియర్ హీరో రవితేజ చేసిన లిప్ లాక్ అయితే అంతకంటే ఎబ్బెట్టుగా ఉందనే అభిప్రాయాలు వ్యక్తమవుతున్నాయి. కెరీర్లో ఇప్పటిదాకా ఏ కథానాయికతోనూ పెదవి ముద్దుకు వెళ్లని మాస్ రాజా.. తొలిసారి ‘ఖిలాడి’ మూవీలో యంగ్ హీరోయిన్ మీనాక్షి చౌదరితో లిప్ లాక్ చేసిన విషయం ట్రైలర్లో కనిపించింది.

ఆ ముద్దు కొంచెం ఘాటుగానే అనిపిస్తోంది. ఐతే మీనాక్షి లాంటి యంగ్ హీరోయిన్‌తో సరైన కెమిస్ట్రీ లేకుండా రవితేజ లాంటి సీనియర్ లిప్ లాక్ చేయడం చూసి జనాలు నెగెటివ్‌గానే స్పందిస్తున్నారు. రవితేజకు ఎప్పుడూ రొమాంటిక్ ఇమేజ్ అయితే లేదు. ఆయనో మాస్, యాక్షన్ హీరో. సీనియర్ అయినా సరే.. నాగార్జున లాంటి రొమాంటిక్ హీరో అయితే ఓకే కానీ.. మాస్ రాజాకైతే లిప్ లాక్ అస్సలు సెట్ కాలేదనే అంటున్నారంతా. ఆయనకు ఈ వయసులో ఇలాంటివి అవసరమా అన్న ప్రశ్నలు కూడా తలెత్తుతున్నాయి. మొత్తానికి సీనియర్ హీరోలు లిప్ లాక్స్‌కు దూరంగా ఉంటేనే మంచిదన్న అభిప్రాయం మెజారిటీ ప్రేక్షకుల్లో వ్యక్తమవుతోంది.

This post was last modified on February 8, 2022 5:41 pm

Share

Recent Posts

11 నెలల పసిపాపనూ వదలట్లేదు

దేశంలో చిన్నారుల భద్రత మరోసారి ప్రశ్నార్థకంగా మారింది. ఉత్తరాఖండ్‌లోని హరిద్వార్‌లో అత్యంత విషాదకరమైన ఘటన చోటుచేసుకుంది. కేవలం 11 నెలల…

1 hour ago

దిల్ రాజు మాట నిల‌బ‌డుతుందా?

టాలీవుడ్ అగ్ర నిర్మాత దిల్ రాజుకు, స్టార్ డైరెక్ట‌ర్ అనిల్ రావిపూడికి ఉన్న అనుబంధం గురించి కొత్త‌గా చెప్పాల్సిన ప‌ని…

5 hours ago

రావిపూడి రేంజ్ ఏమిటో అర్థమయ్యిందిగా

తక్కువ టైంలో బెస్ట్ క్వాలిటీ, రీజనబుల్ బడ్జెట్ లో అత్యధిక రిటర్న్స్ తెచ్చిపెట్టగల దర్శకులు ఎవరయ్యా అంటే టాలీవుడ్ మొత్తం…

10 hours ago

నెల్సన్ తొలి సినిమా ఉన్న లాప్ ట్యాప్ ఎవడో లేపేసాడు

నెల్సన్ దిలీప్ కుమార్.. ప్రస్తుతం సౌత్ ఇండియాలో మోస్ట్ వాంటెడ్ డైరెక్టర్లలో ఒకడు. సూపర్ స్టార్ రజినీకాంత్‌తో అతను తీసిన…

11 hours ago

చెల్లెలు శ్రీలీలతో నాగవంశికి గొడవలు

పుట్టి పెరిగింది కర్ణాటకలో అయినా.. క‌థానాయిక‌గా ప‌రిచ‌య‌మైంది కూడా కన్నడ ఇండస్ట్రీలోనే అయినా.. శ్రీలీల అచ్చమైన తెలుగమ్మాయే. ‘పెళ్ళిసంద-డి’ చిత్రంతో…

11 hours ago

17 ఏళ్లుగా జైల్లో ఉన్నారు… ఇక ఇంటికి పంపేయ‌చ్చు

``దాదాపు 17 ఏళ్ల‌కుపైగానే దోషులు జైల్లో ఉన్నారు. ఇక‌, చాలు. వారిని ఇంటికి పంపేయొచ్చు.`` అని 2002 నాటి బిల్కిస్…

12 hours ago