ఒకప్పుడు సౌత్ ఇండియాలోనే బిగ్గెస్ట్ స్టార్లలో ఒకడిగా ఎదిగి ఇక్కడ అన్ని భాషల వాళ్ల దృష్టినీ ఆకర్షించాడు విక్రమ్. అపరిచితుడు, శివపుత్రుడు, సామి లాంటి బ్లాక్బస్టర్లతో అతడి పేరు మార్మోగిపోయింది. ఈ ఊపును కొనసాగించి ఉంటే ఇండియాలోనే బిగ్గెస్ట్ స్టార్లో ఒకడై ఉండేవాడు. కానీ సరైన సినిమాలు ఎంచుకోక, ప్రయోగాల పేరుతో పనికి రాని చిత్రాలన్నీ చేసి మార్కెట్, క్రేజ్ మొత్తం దెబ్బ తీసుకున్నాడీ విలక్షణ నటుడు.
పైన చెప్పుకున్న సినిమాల తర్వాత ఇప్పటిదాకా విక్రమ్కు నిఖార్సయిన హిట్టే లేదు. ఎన్నో జానర్లలో, ఎంతోమంది ప్రముఖ దర్శకులతో రకరకాల సినిమాలు చేసి విఫలమైన విక్రమ్.. ఇప్పుడు యువ దర్శకుడు కార్తీక్ సుబ్బరాజ్తో ‘మహాన్’ అనే వెరైటీ సినిమా చేశాడు. ఇందులో విక్రమ్ తనయుడు ధ్రువ్ కూడా ఓ కీలక పాత్ర చేయడం విశేషం.
అమేజాన్ ప్రైమ్లో ఫిబ్రవరి 10న ‘మహాన్’ రిలీజ్ కాబోతోంది. ఈ నేపథ్యంలో దీని టీజర్ లాంచ్ చేశారు.దేశంలో మద్య నిషేధానికి వ్యతిరేకంగా పోరాడిన ఒక మహానుభావుడి మనవడు.. చిన్నతనంలో తన తాత స్ఫూర్తితో తాను కూడా ఆయనలా జీవిస్తానని శపథం చేస్తాడు. ఆయనలా తానూ మహాత్ముడిని అవుతానని మాటిస్తాడు. చివరికి చూస్తే అతను మద్యం వ్యాపారంలో అడుగు పెడతాడు. తన ప్రాంతంలో ప్రతి చోటా తాను సరఫరా చేసే మద్యమే అందరూ తాగాలని.. ఎవరు బార్ లైసెన్స్ తీసుకున్నా వాళ్లు తన వాళ్లే అయ్యుండాలని అంటాడు.
ఇదీ విక్రమ్ ‘మహాన్’లో చేసిన పాత్ర. టీజర్ వరకు చూస్తే ఈ కాన్సెప్ట్ భలేగా అనిపిస్తోంది. ఐతే కార్తీక్ సుబ్బరాజ్ ఇలాంటి భిన్నమైన ఐడియాలతో కెరీర్ ఆరంభంలో వారెవా అనిపించాడు. కానీ తర్వాత అతడి మెరుపులన్నీ టీజర్ల వరకే పరిమితం అవుతున్నాయి. సినిమాలు తేలిపోతున్నాయి. పేట, జగమే తంత్రం సినిమాల సంగతి తెలిసిందే. మరి ‘మహాన్’లో అయినా అతడి మెరుపులు సినిమాలోనూ కొనసాగుతాయేమో చూడాలి. టీజర్ అంతా విక్రమ్ హవానే కనిపించింది. ధ్రువ్ చివర్లో కొన్ని క్షణాలే కనిపించాడు. అతడి పాత్రను సస్పెన్స్లా దాచిపెట్టినట్లున్నారు. ట్రైలర్లో అతడి మెరుపులు చూడొచ్చేమో.
This post was last modified on January 31, 2022 2:34 pm
అధికారంలో ఉన్న నాయకులు, అధికారంలో లేని నాయకులు ఇలా రెండు వర్గాలుగా విభజించినప్పుడు సాధారణంగా పదవులు పొందిన వారు సంతృప్తి…
మూడు రోజుల తెలుగు వారి పెద్ద పండుగ.. సంక్రాంతి. ఇళ్లకే కాదు.. గ్రామాలకు సైతం శోభను తీసుకువచ్చే సంక్రాంతికి.. కోడి…
ఈ సంక్రాంతికి ‘భర్త మహాశయులకు విజ్ఞప్తి’ చిత్రంతో ప్రేక్షకులను పలకరించబోతోంది డింపుల్ హయతి. కెరీర్లో ఆమెకు ఇంకా పెద్ద బ్రేక్ రాలేదు. ఇప్పటికే ఖిలాడి,…
బీజేపీ కురువృద్ధ నాయకుడు, దేశ మాజీ ఉపరాష్ట్రపతి ముప్పవరపు వెంకయ్యనాయుడు.. ప్రస్తుతం ప్రత్యక్ష రాజకీయాల నుంచి తప్పుకొన్నారు. అయితే.. ఆయన…
చుక్క పడందే నిద్ర పట్టని వారు చాలా మంది ఉన్నారు. వీరిలో చిన్న చితకా మందుబాబులను పక్కన పెడితే, మద్యం…
కుప్పం.. ఏపీ సీఎం చంద్రబాబు సొంత నియోజకవర్గం. గత 40 సంవత్సరాలుగా ఏక ఛత్రాధిపత్యంగా చంద్రబాబు ఇక్కడ విజయం దక్కించుకుంటున్నారు.…