అల్లు అర్జున్, సుకుమార్ల అనుబంధం గురించి కొత్తగా చెప్పాల్సిన పని లేదు. బన్నీని స్టార్ను చేసిన సినిమా, సుకుమార్కు దర్శకుడిగా జీవితాన్నిచ్చిన సినిమా ఒక్కటే. అదే.. ఆర్య. అందుకే ఒకరిపై ఒకరికి కృతజ్ఞతా భావం ఉంది. ఆ సినిమాతో మొదలైన స్నేహం గొప్ప అనుబంధానికి దారి తీసింది. అందుకే ఇద్దరూ ఒకరి గురించి ఒకరు మాట్లాడేటపుడు ఆ ప్రేమ అంతా కనిపిస్తుంటుంది.
ముఖ్యంగా బన్నీ.. సుకుమార్ పేరెత్తితే చాలు.. కొంత ఎమోషనల్ కూడా అవుతుంటాడు. తాజాగా వీరి కలయికలో వచ్చిన పుష్ప మూవీ కూడా ప్రేక్షకుల నుంచి మంచి స్పందనే రాబట్టుకుంటోంది. ఈ సినిమా పోస్ట్ రిలీజ్ ప్రమోషన్లలో భాగంగా తాజాగా హైదరాబాద్లో థ్యాంక్స్ మీట్ ఏర్పాటు చేసింది చిత్ర బృందం. ఇందులో బన్నీ మాట్లాడుతూ చాలా ఎమోషనల్ అయిపోయాడు. అతడి మాటలు విని సుకుమార్ కన్నీళ్లు పెట్టుకోగా.. అది చూసి బన్నీ కూడా ఏడ్చేయడం గమనార్హం.
తాను కెరీర్లో ఈ స్థాయిలో ఉండటానికి ముందుగా తన తాతయ్య అల్లు రామలింగయ్యకు కృతజ్ఞతలు చెప్పుకోవాలని, ఆయనే వచ్చి ఇండస్ట్రీలో స్థిరపడకపోయి ఉంటే ఇప్పుడు తాను ఇక్కడ ఉండేవాణ్ని కాదని బన్నీ అన్నాడు. ఇక ఆ తర్వాత కృతజ్ఞతలు చెప్పుకోవాల్సింది తనకు జన్మనిచ్చిన తల్లిదండ్రులకని.. ఆ తర్వాత తన కెరీర్ ఆరంభం నుంచి మద్దతుగా నిలుస్తున్న మెగాస్టార్ చిరంజీవికి తాను కృతజ్ఞుడినని బన్నీ అన్నాడు. ఇక ఆ తర్వాతి స్థానం సుకుమార్కే అని, ఆర్య సినిమాతో తన కెరీర్కు టేకాఫ్ ఇచ్చింది ఆయనే అని బన్నీ చెప్పాడు.
ఈ సందర్భంగా అతనో సంఘటన గుర్తు చేసుకున్నాడు. ఆర్య రిలీజైన నాలుగైదేళ్లకు తాను పరుగు సినిమా చేస్తున్న సమయంలో ఒక స్పోర్ట్స్ కారు కొన్నానని, దాని రేటు రూ.85 లక్షలని, ఆ కార్లో కూర్చుని స్టీరింగ్ మీద చేయి వేసినపుడు తాను ఇప్పుడీ స్థాయిలో ఉండటానికి ఎవరు కారణం అని ఆలోచిస్తే ముందు తట్టిన పేరు సుకుమార్దే అని అన్నాడు. ఈ మాటకు సుక్కు ఉద్వేగానికి గురయ్యాడు. చేతుల్లో ముఖం పెట్టుకుని ఏడ్చేశాడు. అది చూసి బన్నీ సైతం స్టేజ్ మీద ఏడ్చేసి కన్నీళ్లను కర్చీఫ్తో తుడుచుకున్నాడు.
This post was last modified on December 28, 2021 8:54 pm
అయ్యప్ప స్వామి భక్తులు పాడుకునే పాటల్ల ో ‘మల్లెపూల పల్లకి’కి ఉన్న ఆదరణే వేరు. అయ్యప్ప మాల సీజన్ మొదలైందంటే ఈ పాట ఊర్లలో మార్మోగిపోతుంటుంది.…
నల్గొండ జిల్లా కొండమల్లెపల్లిలోని నాగార్జున పబ్లిక్ స్కూల్ ప్రిన్సిపాల్ కల్లు రూపారెడ్డి హత్య కేసులో చిక్కుముడి వీడింది. ఇద్దరు పదో…
ఒకప్పటితో పోలిస్తే తెలంగాణలో సినిమా టికెట్ల ధరల పెంపుకి సంబంధించి అంత తేలిగ్గా జీవోలు రావట్లేదు. ఓవైపు ప్రభుత్వం అంత తేలిగ్గా జీవోకు అంగీకరించట్లేదు. ఇంకోవైపు…
సినీ హీరోల మీద ఫ్యాన్స్ వీరాభిమానానికి సంబందించి ఎన్నో ఉదంతాలు చూశాం. కానీ ఇది చాలా చిత్రమైన వ్యవహారం. ఆంధ్రప్రదేశ్లోని తూర్పుగోదావరి జిల్లాకు…
తెలుగు ఫిలిం ఇండస్ట్రీలో వివాదాలకు పూర్తి దూరంగా ఉండే నటుల్లో బ్రహ్మానందం ఒకరు. నటుడిగా ఆయన సంపాదించుకున్న ఆదరణ గురించి…
పరకాల నుంచి పోటీ చేయాలని మంత్రి కొండా సురేఖ తనయురాలు కొండా సుష్మితా పటేల్ భావించిన సంగతి తెలిసిందే. అయితే,…