బిగ్ బాస్ సీజన్ 5 సందడి ముగిసింది. అంచనాలకు ఏ మాత్రం మిస్ కాకుండా విజేతగా సన్నీ టైటిల్ సొంతం చేసుకుంటే.. రన్నర్ గా షణ్నూ నిలిచారు. గ్రాండ్ ఫినాలే వేళ.. టాప్ 5లో నిలిచిన ఐదుగురిలో మొదటి ఎవిక్షన్ సిరితో స్టార్ట్ అయ్యింది. పటాకా ఆఫ్ ద బిగ్ బాస్ హౌస్ ఎవరంటే.. వాళ్లు వీళ్లు అన్న తేడా లేకుండా సిరి పేరే ఎవరైనా చెబుతారు. టాస్కుల వేళ.. అబ్బాయిలకు ఏ మాత్రం తగ్గకుండా.. వారి బలం ముందు తనది పిట్ట బలమని తెలిసినా.. తాను ఫైట్ చేసే తీరు అందరికి నచ్చుతుంది.
షణ్నుతో ఉన్న కెమిస్ట్రీ విషయంలో ఆమె కాస్తంత బ్యాడ్ అయ్యారు. షణ్నూ.. జెస్సీ.. సిరిలతో కూడిన ఫ్రెండ్ షిప్ క్యూట్ గా సాగటం తెలిసిందే. అయితే.. ఆ సందర్భంలోనూ సిరి.. షణ్నుల మధ్య బంధం గాఢంగానే కాదు.. శ్రుతిమించిన పరిస్థితి.
ఈ ఒక్క పాయింట్ ను వదిలేస్తే.. టైటిల్ విజేతకు అన్ని అర్హతలున్న అమ్మాయిగా సిరిని చెప్పాలి. ఇప్పటికి సాగిన నాలుగు సీజన్లలో విజేతగా ఒక్క అమ్మాయి లేకపోవటం.. టైటిల్ విన్నర్ గా ఈసారైనా అమ్మాయికే దక్కుతుందన్న ఆశ.. నిరాశగా మారింది.
సీజన్ 5లో బిగ్ బాస్ హౌస్ భావోద్వేగాల నిధి అయితే.. అందులో సిరివి నీవంటూ ఎవరికి కనిపించని బిగ్ బాస్ ఆమెపై కురిపించిన పొగడ్తల జల్లు కురిపించటం తెలిసిందే. ముఖంపై చెరగని చిరునవ్వు.. లెక్క తేడా వస్తే ముఖం పగిలిపోయేలా పంచ్ లు వేయటమే కాదు.. తాను అభిమానించే షణ్ను కోసం తరచూ కిందకు దిగటం.. డౌన్ కావటం కనిపిస్తాయి.
ఇదంతా ఒక ఎత్తు అయితే.. ఆమె నేపథ్యం అందరిని టచ్ చేస్తుంది. మిగిలిన రంగాల సంగతి ఎలా ఉన్నా.. వినోదాత్మక రంగంలో.. అందులోనూ గ్లామర్ ఇండస్ట్రీలో తాను చిన్నతనం నుంచి అమ్మ చేసే బిజినెస్ లో తోడు ఉండేదానినని.. వినాయకచవితికి గణేశ్ విగ్రహాలు అమ్మేదానినని.. అంటూ ఓపెన్ గా చెప్పేసే ఈ విశాఖపట్నం అమ్మాయి.. అందరి మనసుల్ని దోచుకుందని చెప్పాలి.
ఈ బిగ్ బాస్ సీజన్ 5లో టాప్ 5గా నిలిచిన సిరి.. ఎవిక్షన్ అయినప్పటికీ.. ముందుగా షో నిర్వహాకులతో ఆమె చేసుకున్న ఒప్పందం ప్రకారం భారీగానే రెమ్యునరేషన్ దక్కినట్లుగా చెబుతున్నారు. ట్రోఫీ విజేతగా నిలవనప్పటికీ.. వారానికి లక్షన్నర నుంచి రెండు లక్షల రూపాయిల వరకు ఇస్తామని ఆమెకు ఆఫర్ చేసినట్లుగా సోషల్ మీడియాలో ఒక వాదన వినిపిస్తోంది. ఈ లెక్కన చూసినప్పుడు పదిహేను వారాలకు సుమారు ఆమెకు రూ.25 లక్షల మేర పారితోషికం అందినట్లుగా చెబుతున్నారు. ట్రోఫిని సొంతం చేసుకోనప్పటికీ.. విజేతకు దక్కే మొత్తంలో సగ భాగం సిరికి రెమ్యునరేషన్ దక్కినట్లుగా చెప్పాలి. ఏమైనా.. బిగ్ బాస్ సీజన్ 5 అన్నంతనే గుర్తుకు వచ్చే ఇద్దరు.. ముగ్గురిలో సిరి ఒకరు ఉంటారని చెప్పక తప్పదు.
జనసేన అదినేత, ఏపీ డిప్యూటీ సీఎం పవన్ కల్యాణ్.. హైదరాబాద్ లోని తన నివాసంలో మంగళవారం ఏర్పాటు చేసిన మీడియా…
తెలంగాణలో జనసేన అస్థిత్వంపై అనేక విమర్శలు ఉన్న సంగతి తెలిసిందే. అనేక ఎన్నికల్లో జనసేన పోటీ చేస్తుందని ప్రకటించడం..ఆ తర్వాత…
ఏపీ డిప్యూటీ సీఎం, జనసేన అధినేత పవన్ కల్యాణ్ పై భూకబ్జా ఆరోపణలు వస్తున్న సంగతి తెలిసిందే. తెలంగాణలోని శంకర్పల్లి…
దేశంలో అత్యధిక సినీ అభిమానం ఉండే తెలుగు రాష్ట్రాల్లో ఇప్పటిదాకా ఐమాక్స్ స్క్రీన్ లేకపోవడం ఆశ్చర్యం కలిగించే విషయమే. గతంలో…
ఈ రోజు జనసేన తలపెట్టిన 'తెలంగాణ నవ నిర్మాణ సంకల్ప సభ-జనసేన సాధక్ సమ్మేళనం' సభకు తెలంగాణ పోలీసులు, హైకోర్టు…
దర్శకుడు గుణశేఖర్ అంటే పరిచయం అక్కర్లేని పేరు. ఇప్పుడేదో ఫ్లాపుల్లో ఉన్నారు కానీ ఒక్కడు, చూడాలని ఉంది, రామాయణం, సొగసు…