షేప్ లోకి రావడానికి చాలా చేశా : శ్రియా

ఒకప్పుడు హీరోయిన్ గా ఎన్నో సినిమాలు చేసిన శ్రియా.. పెళ్లి తరువాత కాస్త జోరు తగ్గించింది. ఈ మధ్యనే మళ్లీ వరుసగా సినిమాలు ఒప్పుకుంటుంది. రీసెంట్ గా ఈ బ్యూటీ ఓ బిడ్డకు జన్మనిచ్చింది. ఈ విషయాన్ని అనౌన్స్ చేసినప్పుడు అభిమానులంతా ఆశ్చర్యపోయారు. ఎందుకంటే.. తన ప్రెగ్నన్సీ విషయాన్ని శ్రియా చాలా రహస్యంగా దాచింది. తన కూతురికి తొమ్మిది నెలలు వచ్చేవరకు కూడా.. శ్రియా తల్లైన విషయాన్ని బయట పెట్టలేదు.

రీసెంట్ గా ఈ విషయాన్ని తెలియజేస్తూ.. తన కూతురికి రాధ అనే పేరు పెట్టినట్లు చెప్పింది. ఇదిలా ఉండగా.. ఈ బ్యూటీ నటించిన ‘గమనం’, ‘ఆర్ఆర్ఆర్’ లాంటి సినిమాలు విడుదలకు సిద్ధంగా ఉన్నాయి. దీంతో ప్రమోషన్స్ లో పాల్గొనడం కోసం హైదరాబాద్ కు వచ్చింది శ్రియా. ఈ క్రమంలో మీడియాలో మాట్లాడింది. ఇదే సందర్భంలో తన ఫిట్నెస్ సంగతులు షేర్ చేసుకుంది.

తల్లైన తరువాత బాడీలో మార్పులు వచ్చాయని.. హార్మోనల్ చేంజస్ వలన బరువు పెరిగానని.. డెలివెరీ తరువాత కొన్నాళ్లు అలానే ఉన్నానని.. కానీ వర్కవుట్ చేసి షేప్ లోకి వచ్చానని చెప్పింది శ్రియా. కథక్ డాన్స్ చేస్తూ.. బరువు తగ్గానని అలానే యోగా చేయడం వలన ఆరోగ్యం, ఫిట్నెస్ అంతా బాగుంటుందని తెలిపింది.

తన కూతురు గురించి మాట్లాడుతూ.. పిల్లలు పుట్టాక ప్రపంచం మారిపోతుందని.. ఇప్పుడు ఎక్కడకి వెళ్లినా.. తన కూతుర్ని తీసుకునే వెళ్తున్నామని, పాప లేకపోతే ఉండలేమని చెప్పుకొచ్చింది.