నందమూరి బాలకృష్ణ వీక్ ఏరియాస్లో నైజాం ఒకటన్న సంగతి తెలిసిందే. బాలయ్య హిట్ సినిమాలు కూడా తెలంగాణలో అనుకున్నంత మేర వసూళ్లు రాబట్టవు. హైదరాబాద్లో ఓ మోస్తరుగా స్పందన ఉంటుంది కానీ.. మిగతా ప్రాంతాల్లో వసూళ్లు సినిమా స్థాయికి తగినట్లు రావు. ఇటు రాయలసీమలో, అటు ఆంధ్రాలో మాత్రం బాలయ్య సినిమాలకు పాజిటివ్ టాక్ వస్తే వసూళ్లు బాగుంటాయి.
గత కొన్నేళ్లలో బాలయ్య చిత్రాల్లో బాగా ఆడిన వాటికి కూడా నైజాంలో వసూళ్లు తక్కువగానే కనిపిస్తాయి. అందుకే ఈ నందమూరి హీరో సినిమాలకు మిగతా ఏరియాలతో పోలిస్తే నైజాంలో బిజినెస్ కూడా తక్కువగానే అవుతుంటుంది. ఐతే ఈ ట్రెండును ఇప్పుడు ‘అఖండ’ మార్చేస్తోంది. ఈ సినిమాకు మిగతా చోట్ల మాదిరే నైజాంలోనూ అదిరిపోయే స్పందన వస్తోంది. ఆ రెస్పాన్స్ ఏ రేంజిలో ఉందంటే ఫస్ట్ వీకెండ్ అయ్యేలోపే సినిమా బ్రేక్ ఈవెన్ అయిపోయేంత.
అఖండ సినిమాకు నైజాంలో థియేట్రికల్ హక్కులు రూ.10.5 కోట్లకు అమ్ముడయ్యాయి. ఐతే తొలి రోజే తెలంగాణ ప్రాంతంలో ఈ చిత్రానికి అనూహ్యంగా రూ.6.6 కోట్ల గ్రాస్, రూ.4.4 కోట్ల షేర్ వచ్చింది. తర్వాతి రెండు రోజుల్లోనూ ఈ సినిమా ఈ ప్రాంతంలో జోరు కొనసాగించింది. శుక్ర, శనివారాల్లో ఈ చిత్రానికి నైజాంలో రూ.4.5 కోట్ల షేర్ వచ్చింది. మూడు రోజుల షేర్ రూ.9.1 కోట్లు కాగా.. ఆదివారం సినిమా హౌస్ఫుల్స్తో రన్ అవుతోంది. సెకండ్ షోలు అయ్యేసరికి ఈ చిత్రం లాభాల బాట పట్టడం లాంఛనమే.
ఆంధ్రా, రాయలసీమల్లో మాదిరే ఇక్కడా ‘అఖండ’ను ఇక్కడ మెజారిటీ థియేటర్లలో రిలీజ్ చేయగా.. తర్వాతి రెండు రోజుల్లో కొత్త సినిమాల కోసం కొన్ని థియేటర్లు తీసేసి.. మళ్లీ వాటికి సరైన స్పందన లేకపోవడం, ‘అఖండ’ టికెట్ల కోసం డిమాండ్ ఎక్కువగా ఉండటంతో తిరిగి దానికి స్క్రీన్లు, షోలు పెంచాల్సిన పరిస్థితి వచ్చింది. వరంగల్, కరీంనగర్ లాంటి బాలయ్య వీక్ ఏరియాస్లో కూడా ఈ సినిమా వసూళ్ల మోత మోగిస్తోంది. ఫుల్ రన్లో నైజాం బయ్యర్లకు భారీ లాభాలే అందించేలా కనిపిస్తోంది ‘అఖండ’.
This post was last modified on December 5, 2021 10:35 pm
తన 12 మెట్ల కిన్నెర వాయిద్యంతో జాతీయస్థాయిలో గుర్తింపు పొంది రాష్ట్రపతి రాంనాథ్ కోవింద్ చేతుల మీదుగా పద్మశ్రీ అవార్డు అందుకున్న కిన్నెర మొగులయ్య…
ప్రతి సినిమాకు విభిన్నంగా కొత్తగా ప్రయత్నిస్తున్న సుహాస్ తాజాగా ప్రసన్నవదనంతో థియేటర్లలో అడుగు పెట్టాడు. ఈ ఏడాది అంబాజీపేట మ్యారేజీ…
దర్శకుడు శేఖర్ కమ్ముల సెన్సిటివ్ సినిమాలు తీస్తాడనే పేరే కానీ సీరియస్ సబ్జెక్టులు టచ్ చేస్తే అవుట్ ఫుట్ ఏ…
పీసీసీ అధ్యక్షుడు, తెలంగాణ సీఎం రేవంత్ రెడ్డి పట్ల కాంగ్రెస్ అధిష్ఠానం ఫుల్ ఖుషీగా ఉందని తెలిసింది. లోక్సభ ఎన్నికల…
తెలంగాణ ప్రధాన ప్రతిపక్షం బీఆర్ ఎస్కు భారీ షాక్ తగిలింది. ప్రస్తుతం బీఆర్ ఎస్ ఎమ్మెల్సీగా ఉన్న దండే విఠల్రావు…
స్టార్ హీరోలు నటించిన ప్యాన్ ఇండియా సినిమాలకు శాటిలైట్ ప్రీమియర్లు భారీ స్థాయిలో స్పందన తెచ్చుకుంటాయి. కానీ కొన్నిసార్లు మాత్రం…