కొన్ని రోజుల కింద‌టే సూప‌ర్ స్టార్ మహేష్ బాబు.. జూనియర్ ఎన్టీఆర్ హోస్ట్ చేసే ఎవ‌రు మీలో కోటీశ్వ‌రులు షోలో పాల్గొన్నాడు. ఈ ఎపిసోడ్ ఆదివార‌మే ప్ర‌సారం కాబోతోంది. అబ్బాయ్ తార‌క్‌తో క‌లిసి సంద‌డి చేసిన కొన్ని రోజుల‌కే బాబాయి బాల‌య్య ఆధ్వ‌ర్యంలో న‌డిచే అన్‌స్టాప‌బుల్ షోలోనూ మహేష్ క‌నిపించ‌నున్నాడ‌ని కొన్ని రోజుల కింద‌టే వార్త‌లొచ్చాయి.
ఈ ఎపిసోడ్ షూట్ శ‌నివార‌మే జ‌ర‌గ‌బోతున్న‌ట్లు కూడా చెప్పుకున్నారు. కానీ నిజంగా మహేష్.. బాల‌య్య షోలో పాల్గొంటున్నాడా అని కొంద‌రికి అనుమానంగానే ఉంది. కానీ ఆ అనుమానాలన్నీ ప‌టాపంచ‌లైపోయాయి. మహేష్ నిజంగానే బాల‌య్య షోలో సంద‌డి చేశాడు. దీనికి ప్రూఫ్స్ కూడా బ‌య‌ట‌కు వ‌చ్చేశాయి. బాల‌య్య‌తో క‌లిసి మహేష్ పాల్గొన్న ఎపిసోడ్ తాలూకు ఫొటోలు కొన్ని సోష‌ల్ మీడియాలో లీక్ అయిపోయాయి.
బ్లూ క‌ల‌ర్ హుడీ, జీన్స్, బ్లాక్ అండ్ వైట్ స్నీక‌ర్స్ వేసుకుని సోఫాలో చాలా కూల్‌గా మహేష్ కూర్చున్న ఫొటోలు ఇప్పుడు సోష‌ల్ మీడియాలో వైర‌ల్ అవుతున్నాయి. ఎదురుగా బాల‌య్య ఉన్న ఫొటోలు కూడా హ‌ల్‌చ‌ల్ చేస్తుండ‌టంతో ఇది అన్ స్టాప‌బుల్ షో తాలూకు ఫొటోలే అని అర్థ‌మైపోతోంది. మామూలుగా మహేష్ చాలా రిజ‌ర్వ్డ్‌గా క‌నిపిస్తాడు కానీ.. అత‌డి సెన్సాఫ్ హ్యూమ‌ర్ మామూలుగా ఉండ‌ద‌ని సన్నిహితులు చెబుతుంటారు.
చాలా ఎంట‌ర్టైనింగ్‌గా సాగుతున్న బాల‌య్య షోలో మహేష్ త‌న‌దైన శైలిలో పంచ్‌లు కురిపిస్తే ఈ ఎపిసోడ్‌కు బ్లాక్‌బ‌స్ట‌ర్ రెస్పాన్స్ వ‌స్తుంద‌న‌డంలో సందేహం లేదు. కాగా బాల‌య్య కొత్త చిత్రం అఖండ స‌క్సెస్ మీట్‌కు సైతం మహేష్ హాజ‌రు కాబోతున్నాడ‌ని.. ఈ ఈవెంట్లో జూనియర్ ఎన్టీఆర్ సైతం పాల్గొంటాడ‌ని సోష‌ల్ మీడియాలో ప్ర‌చారం జ‌రుగుతుండ‌టం విశేషం.
This post was last modified on December 4, 2021 10:37 pm
హిందూ సంస్కృతి, పురాణాలు, దేవుళ్ల నేపథ్యంలో సినిమాలు తీస్తే తమిళ ప్రేక్షకులకు పెద్దగా పట్టదు అనే ఒక ముద్ర పడిపోయింది.…
ఎవరూ ఊహించని కాంబినేషన్ తెరకెక్కనుంది. జూనియర్ ఎన్టీఆర్ హీరోగా అనిల్ రావిపూడి దర్శకత్వంలో ఒక సినిమా రూపొందబోతున్నట్టు తారక్ స్వయంగా…
టాలీవుడ్ పరిశ్రమలో విషాదం చోటు చేసుకుంది. అయిదు దశాబ్దాలకు పైగా కళారంగానికి ఎన్నో సేవలు అందించిన బహుముఖ ప్రజ్ఞాశాలి గిరిబాబు…
సంతానం కలగడం అనేది ప్రతి ఒక్కరి వ్యక్తిగత కల. వైద్యశాస్త్రం అభివృద్ధి చెందడంతో పిల్లలు లేని దంపతులకు ఎన్నో మార్గాలు…
బీజేపీ ఎంపీ, ఫైర్ బ్రాండ్ నాయ‌కురాలిగా ఎదిగిన న‌టీమ‌ణి కంగ‌నా ర‌నౌత్‌పై హిమాచ‌ల్ ప్ర‌దేశ్ పోలీసులు కేసు పెట్టారు. షిమ్లా…
అఖిలాండ‌కోటి బ్ర‌హ్మాండ‌నాయ‌కుడు తిరుమ‌ల శ్రీవారిని ఈష‌ణ్మాత్రం ద‌ర్శించుకునేందుకు త‌హ‌త‌హ‌లాడిపోయే వారు ఎంద‌రో!. లిప్త‌కాలమే అయినా.. వైకుంఠ‌దాముడిని ద‌ర్శించుకుందామ‌ని అనేక వ్య‌య…