హీరో సెట్టయ్యాడు. దర్శకుడూ సెట్టయ్యాడు. సంగీత దర్శకుడి దగ్గర నుంచి అందరూ సెట్టయ్యారు. సినిమా సెట్స్కి కూడా వెళ్లిపోయింది. షూటింగ్ శరవేగంగా సాగుతోంది. అయినా హీరో చెల్లెలి పాత్రకి మాత్రం నటి సెట్ కావట్లా. వినడానికి కాస్త విడ్డూరంగానే ఉన్నా ‘గాడ్ ఫాదర్’ విషయంలో ఇదే జరుగుతోంది.
మలయాళ ‘లూసిఫర్’కి రీమేక్ ఈ సినిమా. మన నేటివిటీకి తగ్గట్టుగా మార్చేశాడు మోహన్ రాజా. ఆ మార్చే క్రమంలో కొత్త క్యారెక్టర్లను ఈజీగా యాడ్ చేశాడు కానీ, ఉన్న క్యారెక్టర్లను తీసేసే చాన్స్ మాత్రం లేదు. ఎందుకంటే ఈ మూవీ మొత్తం క్యారెక్టర్ల మీదే బేస్ అయ్యి ఉంటుంది. ముఖ్యంగా చెల్లెలి పాత్ర. అదే కథకి ఆయువుపట్టు. ఒరిజినల్లో మంజు వారియర్ అద్భుతంగా పోషించిన ఆ పాత్రకి తెలుగులో ఇంతవరకు నటి ఫిక్స్ కాలేదు.
హీరోని అసహ్యించుకునే చెల్లెలు, ఆ తర్వాత తన అన్న ఎంత గొప్పవాడో తెలుసుకుంటుంది. అతని సహాయం కోరుతుంది. ఆమె కోసం ఆ అన్న పెద్ద యుద్ధాన్నే చేస్తాడు. అంత ఇంపార్టెన్స్ ఉన్న పాత్ర కనుక నయనతారను అడిగారని, ఆమె నో అందని అన్నారు. ఆ తర్వాత సుహాసిని, విద్యాబాలన్ లాంటి పేర్లు చాలానే వినిపించాయి. చివరికి ఆ లిస్టు రమ్యకృష్ణ దగ్గరకు వచ్చి ఆగింది. శివగామిగా అదరగొట్టిన ఆమె అయితేనే హుందాగా ఉండే ఈ పాత్రకి పర్ఫెక్ట్ అని టీమ్ ఫీలవుతోందట. ఆమెనే తీసుకోబోతున్నారని లేటెస్ట్ టాక్.
అయితే ఇప్పటికే ఇలాంటి పేర్లు చాలా వినిపించాయి కాబట్టి ఇది కూడా నమ్మడం కష్టమే. అయినా ఒరిజినల్లో లేని హీరోయిన్ పాత్రని తెలుగులో సృష్టించి, దానికి అనుష్కని కూడా సెలెక్ట్ చేసుకున్నారని అంటున్నారు. పృథ్విరాజ్ సుకుమారన్ చేసిన చిన్న రోల్కి సల్మాన్ ఖాన్ లాంటి స్టార్ హీరోని సెట్ చేశారు. చిరు, సల్మాన్ కలిసి డ్యాన్స్ చేసే సిచ్యుయేషన్ని సృష్టించి, ఆ పాటను వరల్డ్ ఫేమస్ పాప్ సింగర్ బ్రిట్నీ స్పియర్స్తో పాడిస్తున్నారు. ఇన్ని చేయగలిగిన దర్శక నిర్మాతలు చెల్లెలి గండాన్ని మాత్రం దాటలేకపోతున్నారేంటో మరి!
This post was last modified on November 16, 2021 11:04 pm
హీరోల పారితోషకాలు అంతకంతకూ పెరిగిపోతుండడంపై నిర్మాతల్లో ఆందోళన వ్యక్తమవుతున్న మాట వాస్తవం. పైకి చెప్పకపోయినా ఈ విషయంలో అసంతృప్తితో ఉన్నారన్నది ఇండస్ట్రీలో…
అధికారంలో ఉన్న నాయకులు, అధికారంలో లేని నాయకులు ఇలా రెండు వర్గాలుగా విభజించినప్పుడు సాధారణంగా పదవులు పొందిన వారు సంతృప్తి…
మూడు రోజుల తెలుగు వారి పెద్ద పండుగ.. సంక్రాంతి. ఇళ్లకే కాదు.. గ్రామాలకు సైతం శోభను తీసుకువచ్చే సంక్రాంతికి.. కోడి…
ఈ సంక్రాంతికి ‘భర్త మహాశయులకు విజ్ఞప్తి’ చిత్రంతో ప్రేక్షకులను పలకరించబోతోంది డింపుల్ హయతి. కెరీర్లో ఆమెకు ఇంకా పెద్ద బ్రేక్ రాలేదు. ఇప్పటికే ఖిలాడి,…
బీజేపీ కురువృద్ధ నాయకుడు, దేశ మాజీ ఉపరాష్ట్రపతి ముప్పవరపు వెంకయ్యనాయుడు.. ప్రస్తుతం ప్రత్యక్ష రాజకీయాల నుంచి తప్పుకొన్నారు. అయితే.. ఆయన…
చుక్క పడందే నిద్ర పట్టని వారు చాలా మంది ఉన్నారు. వీరిలో చిన్న చితకా మందుబాబులను పక్కన పెడితే, మద్యం…