కెరీర్ మొదలుపెట్టి పదేళ్లు దాటింది. అయినా ఇప్పటికీ సరైన బ్రేక్ రాక కష్టపడుతూనే ఉంది క్యాథరీన్ థ్రెసా. చెప్పుకోడానికి చాలా సినిమాలే చేసింది. కానీ ఆమె గురించి అందరూ చెప్పుకునేంత ప్రామిసింగ్ రోల్స్ అయితే దక్కలేదు. అల్లు అర్జున్ లాంటి స్టార్ హీరోతో రెండు సినిమాలు చేసినా టాలీవుడ్లో సరైన పొజిషన్ దక్కలేదు.
అయితే గతంతో పోలిస్తే ఇప్పుడు తెలుగులో అవకాశాలు బాగానే వస్తున్నట్టున్నాయి క్యాథరీన్కి. ఇప్పటికే శ్రీవిష్ణు హీరోగా తెరకెక్కుతున్న ‘భళా తందనాన’ చిత్రంలో హీరోయిన్గా నటిస్తోందామె. కళ్యాణ్ రామ్ భారీ ఎత్తున తీస్తున్న ‘బింబిసార’ మూవీలోనూ నటిస్తోంది. ఇప్పుడు నితిన్ హీరోగా రాజశేఖర్ రెడ్డి తెరకెక్కిస్తున్న ‘మాచర్ల నియోజకవర్గం’లో హీరోయిన్గా ఎంపికయ్యింది. ఇవాళ షూట్లో కూడా జాయినయ్యింది. ఆ విషయాన్ని టీమ్ అఫీషియల్గా కన్ఫర్మ్ చేసింది.
కానీ పాపం ఇందులోనూ సెకెండ్ హీరోయిన్గానే సెలెక్టయ్యింది క్యాథరీన్. ఆల్రెడీ ఈ మూవీలో కృతీశెట్టి హీరోయిన్గా నటిస్తోంది. మరో హీరోయిన్గా క్యాథీకి చాన్స్ దక్కింది. భళా తందనానలో ఆమె సోలో హీరోయిన్ అయినా, బింబిసారలో మాత్రం మరో హీరోయిన్ కూడా ఉంటుందని టాక్. ఇప్పటికే చాలా సినిమాల్లో సెకెండ్ లీడ్గానే కనిపించడంతో ఆ సినిమాలు హిట్టయినా క్యాథరీన్కి క్రెడిట్ దక్కలేదు. అయినా ఇప్పటికీ ఆమెని అలాంటి పాత్రలే వరిస్తున్నాయి. ఇలా అయితే కోరుకున్న స్థాయికి ఎప్పుడు చేరుకుంటుందో ఏమో!
పెద్ది, మా ఇంటి బంగారం తర్వాత ఈ సీజన్ లో బాక్సాఫీస్ కు మళ్ళీ జోష్ వచ్చింది. థియేటర్లు కళకళలాడుతున్నాయి.…
తమిళ సినిమాల్లో చాలా ఏళ్ల నుంచి తిరుగులేని ఆధిపత్యం చలాయిస్తున్నాడు అనిరుధ్ రవిచందర్. అతడి హవా తమిళానికే పరిమితం కావట్లేదు…
బూత్ స్థాయిలో బలోపేతం అయ్యే దిశగా జనసేన కసరత్తు షురూ చేసింది. ప్రస్తుతం రాష్ట్ర వ్యాప్తంగా పార్టీ నాయకులు ఉన్నప్పటికీ..…
ఏపీ రాజధాని అమరావతిలో రైతుల భూములను వారి అనుమతి లేకుండానే కూటమి సర్కారు లాక్కుంటోందని శనివారం పెద్ద రచ్చే జరిగింది. రాజధాని నిర్మాణం కోసం తమ భూములను…
లెనిన్ సినిమా ప్రమోషన్లలో హీరో అఖిల్ అక్కినేని గురించి ఒక ఇంట్రెస్టింగ్ కామెంట్ చేశాడు నిర్మాతల్లో ఒకరైన నాగవంశీ. లెనిన్…
పిల్లలు సంపద అని సీఎం చంద్రబాబు మరోసారి స్పష్టం చేశారు. తాను చెప్పిన మాటకే కట్టుబడి ఉన్నానని తెలిపారు. దీనిని…