బిగ్ బాస్ షోను కొందరు తీవ్రంగా వ్యతిరేకిస్తుంటారు. ఏముందా షోలో అని తీసి పడేస్తుంటారు. కానీ కొందరికి మాత్రం ఆ షో అంటే పిచ్చి. సీజన్ మొదలైందంటే ఒక్క ఎసిసోడ్ కూడా వదలకుండా చూసేస్తుంటారు. ముందు ఈ షో పట్ల వ్యతిరేక భావం ప్రదర్శించిన వాళ్లు కూడా అనుకోకుండా షోను ఫాలో అయ్యి.. తర్వాత దాని మత్తులో పడిపోవడం చూస్తుంటాం.
‘బిగ్ బాస్’ కాన్సెప్టే తనకు నచ్చదన్న అక్కినేని నాగార్జున మూడు సీజన్ల నుంచి ఈ షోను నడిపిస్తుండటం ఇక్కడ గమనార్హం. షో పట్ల ఆయన ఆలోచన మారిందా.. లేక డబ్బు కోసం చేస్తున్నారా అన్నది పక్కన పెడదాం. కానీ సెలబ్రెటీల్లో కూడా చాలామంది ‘బిగ్ బాస్’ షోను చూసేవాళ్లే. కరోనా టైంలో రియల్ హీరోగా మారిన నటుడు సోనూ సూద్ సైతం ‘బిగ్ బాస్’ లవరేనట. అతను ‘బిగ్ బాస్’ చూస్తుంటాడట. ఐతే సోనూ చూస్తున్నాడంటే అది కచ్చితంగా హిందీ వెర్షనే అయ్యుంటుందని అనుకుంటాం.
కానీ సోనూ చూస్తున్నది తెలుగు బిగ్ బాస్ కావడమే ట్విస్టు. ఈ షోలో అతడి ఫేవరెట్ కంటెస్టెంట్ ఎవరన్నది కూడా వెల్లడించడం విశేషం. గాయకుడు శ్రీరామచంద్రకు సోనూ తన మద్దతు ప్రకటిస్తున్నట్లు తెలిపాడు. ఈ మేరకు అతను రిలీజ్ చేసిన వీడియో వైరల్ అవుతోంది. “బిగ్బాస్ తెలుగు సీజన్ 5లో శ్రీరామ్ను చూస్తున్నారా? నేనూ చూస్తున్నాను. షోలో నీ బెస్ట్ ఇవ్వు శ్రీరామ్. అతడికివే నా ప్రేమాభినందనలు.. లవ్ యూ మ్యాన్” అని సోనూసూద్ ఈ వీడియోలో పేర్కొన్నాడు.
సోనూ లాంటి రియల్ హీరో శ్రీరామ్కు సపోర్ట్ చేయడం అతడికి బాగా కలిసొచ్చే విషయమే. షోలో శ్రీరామ్కు సోనూ ఎక్కువ కనెక్ట్ కావడంలో ఆశ్చర్యమేమీ లేదు. అతను ఇండియన్ ఐడల్ విన్నర్గా చాలా ఏళ్ల ముందే నార్త్లో సూపర్ పాపులారిటీ సంపాదించాడు. సోనూతో అతడికి పరిచయం కూడా ఉన్నట్లుంది. అందుకే ఇలా శ్రీరామ్కు మద్దతుగా సోనూ వీడియో బైట్ ఇచ్చినట్లున్నాడు.
This post was last modified on November 10, 2021 10:48 am
అధికారంలో ఉన్న నాయకులు, అధికారంలో లేని నాయకులు ఇలా రెండు వర్గాలుగా విభజించినప్పుడు సాధారణంగా పదవులు పొందిన వారు సంతృప్తి…
మూడు రోజుల తెలుగు వారి పెద్ద పండుగ.. సంక్రాంతి. ఇళ్లకే కాదు.. గ్రామాలకు సైతం శోభను తీసుకువచ్చే సంక్రాంతికి.. కోడి…
ఈ సంక్రాంతికి ‘భర్త మహాశయులకు విజ్ఞప్తి’ చిత్రంతో ప్రేక్షకులను పలకరించబోతోంది డింపుల్ హయతి. కెరీర్లో ఆమెకు ఇంకా పెద్ద బ్రేక్ రాలేదు. ఇప్పటికే ఖిలాడి,…
బీజేపీ కురువృద్ధ నాయకుడు, దేశ మాజీ ఉపరాష్ట్రపతి ముప్పవరపు వెంకయ్యనాయుడు.. ప్రస్తుతం ప్రత్యక్ష రాజకీయాల నుంచి తప్పుకొన్నారు. అయితే.. ఆయన…
చుక్క పడందే నిద్ర పట్టని వారు చాలా మంది ఉన్నారు. వీరిలో చిన్న చితకా మందుబాబులను పక్కన పెడితే, మద్యం…
కుప్పం.. ఏపీ సీఎం చంద్రబాబు సొంత నియోజకవర్గం. గత 40 సంవత్సరాలుగా ఏక ఛత్రాధిపత్యంగా చంద్రబాబు ఇక్కడ విజయం దక్కించుకుంటున్నారు.…