యాక్షన్ హీరో గోపీచంద్ కెరీర్లోనే అత్యంత ఆలస్యమైన చిత్రం.. ఆరడుగుల బుల్లెట్. ఏడెనిమిదేళ్ల కిందట ప్రారంభోత్సవం జరుపుకుని, సెట్స్ మీదికి వెళ్లిన ఈ చిత్రం ఇప్పటిదాకా విడుదలకు నోచుకోలేదు. రకరకాల కారణాల వల్ల ఈ సినిమా ఆలస్యమవుతూ వచ్చింది. ఎట్టకేలకు అక్టోబరు 8న ‘ఆరడుగుల బుల్లెట్’ను రిలీజ్ చేయడానికి రంగం సిద్ధమైంది. ఈ నేపథ్యంలో థియేట్రికల్ ట్రైలర్ సైతం రిలీజ్ చేశారు. అది చూస్తే ఇది పక్కా మాస్ మసాలా మూవీ అని.. కమర్షియల్ మీటర్లో తెరకెక్కిందని అర్థమవుతోంది.
ఏ బాధ్యతా లేకుండా ఆవారాగా తిరిగే హీరో.. పనికి మాలిన వాడంటూ అతణ్ని తిడుతూ ఉండే తండ్రి.. మధ్యలో హీరో ప్రేమించే ఒక అందమైన అమ్మాయి.. ఇలా మామూలుగా హీరో జీవితం సాగిపోతుండగా.. అతడి తండ్రికి ఒక సమస్య వస్తుంది. బెజవాడను తన గుప్పెట్లో ఉంచుకున్న విలన్.. హీరో తండ్రికి సంబంధించిన ఆస్తి మీద కన్నేస్తాడు. ఆ క్రమంలో అతడిపై చేయి చేసుకుంటాడు. దీంతో హీరోకు వెర్రెత్తిపోయి తండ్రిని కొట్టిన విలన్ తాట తీస్తాడు. దీంతో విలన్, అతడి గ్యాంగ్ హీరోను టార్గెట్ చేసి.. తమ సత్తా చూపించే ప్రయత్నం చేస్తారు. ఈ క్రమంలో హీరో వారిని ఎలా ఎదుర్కొన్నాడు.. తన కుటుంబాన్ని ఎలా కాపాడుకున్నాడు అన్నది ఈ కథ.
గోపీచంద్ నుంచి ఆశించే మాస్, యాక్షన్ అంశాలకు లోటు లేని సినిమాలా కనిపిస్తోందిది. ట్రైలర్ నిండా మాస్‌ను ఆకర్షించే అంశాలే కనిపించాయి. కాకపోతే ఈ తరహా సినిమాలు ఇప్పటికే బోలెడన్ని చూశాం. కొత్తదనం అంటూ ఏమీ కనిపించలేదు. చాలా ఏళ్ల కిందట తెరకెక్కిన సినిమా కావడంతో కథాకథనాలే కాదు.. ఆర్టిస్టుల లుక్స్ సైతం పాతగా అనిపిస్తున్నాయి. మరి ఈ ‘పాత’ సినిమా ఇప్పుడు ప్రేక్షకులకు ఏమేర రుచిస్తుందో చూడాలి. వక్కంతం వంశీ కథతో బి.గోపాల్ రూపొందించిన ఈ చిత్రాన్ని తాండ్ర రమేష్ నిర్మించాడు. మణిశర్మ సంగీతాన్నందించాడు.
This post was last modified on October 4, 2021 1:56 pm
ఎన్నికల్లో రాజకీయ పార్టీలకు పార్టీ సింబల్ ఎంతో ముఖ్యం. అందుకే, పార్టీ గుర్తును ప్రజల్లోకి బలంగా తీసుకువెళ్లేందుకు ప్రతి రాజకీయ…
ఈ మధ్య సెన్సార్ బోర్డు విన్యాసాలు మామూలుగా ఉండట్లేదు. చిత్ర విచిత్రమైన కారణాలు చెప్పి.. చిన్న సినిమాలకు చుక్కలు చూపిస్తున్నారు…
మునిసిప‌ల్‌, న‌గ‌ర పాల‌క సంస్థ‌ల ఎన్నికల వేళ వైసీపీ నేత‌ల హ‌డావుడి అంద‌రికీ తెలిసిందే. ముఖ్యంగా ఆ పార్టీ అధినేత…
సౌత్ ఇండియన్ సినిమాలో సీక్వెల్, ఫ్రాంఛైజీల సక్సెస్ రేట్ తక్కువ అయినప్పటికీ.. అప్పుడప్పుడూ ఓ చిత్రం పెద్ద హిట్టయి ఆ…
రాయలసీమకు సాహిత్య, సాంస్కృతిక చరిత్ర వుంది. సినిమా వాళ్ళు, కొందరు రాజకీయ నాయకుల పుణ్యమాని ఫ్యాక్షన్ ప్రాంతంగా పేరు పడిపోయింది.…
దసరా సెలవులు రణబాలికి చాలా ప్లస్ అయ్యాయి. రిలీజ్ రోజు ప్రాథమికంగా వచ్చిన పబ్లిక్ టాక్, సోషల్ మీడియా రెస్పాన్స్…