Movie News

తమన్నా భలే కవర్ చేసిందే..

సినిమాల్లో నటిస్తా.. కానీ ప్రమోషన్లంటే జాన్తా నై అంటూ ఖరాఖండిగా చెప్పేసి ముందే ఈమేరకు అగ్రిమెంట్ చేసుకునే నయనతార లాంటి హీరోయిన్లుండే ఇండస్ట్రీలోనే.. ప్రమోషన్లను బాధ్యతగా భావించి సినిమా రిలీజ్ టైంలో మీడియా చుట్టూ తిరిగే కథానాయికలూ ఉన్నారు. అలా చాలా బాధ్యతతో వ్యవహరించే కథానాయికల్లో తమన్నా పేరు ప్రత్యేకంగా చెప్పుకోవాలి. చిన్న, పెద్ద అని తేడా లేకుండా ఆమె ఏ సినిమా అయినా.. టీవీ షో అయినా చాలా చక్కగా ప్రమోట్ చేస్తుంది.

మంగళవారం ఒకే రోజు ఆమె కొన్ని గంటల వ్యవధిలో రెండు సినిమా ఈవెంట్లలో పాల్గొని అందరినీ ఆశ్చర్యానికి గురి చేసింది. అందులో ఒకటి ‘మాస్ట్రో’ ప్రి రిలీజ్ ఈవెంట్ కాగా.. ఇంకోటి ‘సీటీమార్’ పోస్ట్ రిలీజ్ సక్సెస్ సెలబ్రేషన్ ఈవెంట్. ఇవి రెండూ కూడా మంగళవారం సాయంత్రమే హైదరాబాద్‌లో వేర్వేరు వేదికల్లో జరిగాయి. ‘సీటీమార్’లో తమన్నా హీరోయిన్ కాగా.. ‘మాస్ట్రో’లో హీరోయిన్ని మించిన కీలక పాత్రలో నటించింది.

రెండు సినిమాల ఈవెంట్లకూ తమన్నా రాక చాలా అవసరం. రెండు ఈవెంట్లు అటు ఇటుగా ఒకే సమయంలో జరిగాయి. ‘మాస్ట్రో’ ఈవెంట్ కొంచెం ముందు మొదలైంది. ఆ ఈవెంట్‌కు తమన్నా హాజరు కావడంతో ‘సీటీమార్’ టీంకు హ్యాండిచ్చినట్లే అనుకున్నారు. ‘మాస్ట్రో’ ఈవెంట్‌కు హీరోయిన్ నభా నటేష్ వచ్చిన నేపథ్యంలో తమన్నా దీన్ని స్కిప్ చేసి అయినా ‘సీటీమార్’కు వెళ్లాల్సిందని, ఆమె ఇలా చేసిందేంటని కొందరు సోషల్ మీడియాలో కౌంటర్లు కూడా వేశారు. కానీ ఇక్కడ తన స్పీచ్ ముగించి, కాసేపు గడిపాక తమన్నా ఇక్కడి నుంచి ‘సీటీమార్’ ఈవెంట్ కోసం బయల్దేరింది.

అక్కడ ఈవెంట్ మధ్యలో వేదిక ఎక్కింది. దీంతో రెండు చోట్లా తమన్నా లేని లోటు కనిపించలేదు. మధ్యలో డ్రెస్ చేంజ్ లాంటిదేమీ చేసుకోకుండా ఒకే డ్రెస్‌తో తమన్నా రెండు ఈవెంట్లనూ కవర్ చేసింది. ఆమె సిన్సియారిటీ చూసి టాలీవుడ్ జనాలు ప్రశంసలు కురిపిస్తున్నారు. తమన్నా 16 ఏళ్లుగా టాలీవుడ్‌లో హవా సాగిస్తోందంటే ఈ కమిట్మెంట్ వల్లే అని ఆమెను పొగుడుతున్నారు.

This post was last modified on September 15, 2021 10:24 am

Share

Recent Posts

పార్లమెంటులోనే ప్రపోజల్.. ముద్దు …

రాజకీయ నాయకుల ప్రసంగాలు సాధారణంగా ప్రజా సమస్యలు, ప్రభుత్వ విధానాలు, రాజకీయ భవిష్యత్తు చుట్టూనే సాగుతుంటాయి. కానీ ఆస్ట్రేలియాలో ఓ…

30 minutes ago

విడుద‌ల‌కు ముందే బ్లాక్ బ‌స్ట‌ర్ పార్టీ

నేచుర‌ల్ స్టార్ నానికి హీరోగా కంటే నిర్మాత‌గా ఎక్కువ క్రెడిబిలిటీ ఉంది అంటే అతిశ‌యోక్తి కాదు. తాను హీరోగా న‌టించినా,…

54 minutes ago

తెలుగు సినిమా టైమొచ్చింది

ఓవైపు డబ్బింగ్ సినిమాలేమో ఒక్కొక్కటిగా దున్నేస్తున్నాయి. తెలుగు సినిమాల కంటెంట్ ఏమో వీక్‌గా ఉంటోంది. అవిప్రేక్షకుల ఆదరణకు నోచుకోవడం లేదు.…

2 hours ago

9 కోట్ల మందు 2.5 లక్షలకే.. ఈవిడే అసలైన డాక్టరమ్మ!

అరుదైన వ్యాధితో బాధపడుతున్న చిన్నారులకు మందులు అందుబాటులో ఉన్నా.. వాటి ధర కోట్ల రూపాయల్లో ఉండటంతో తల్లిదండ్రులు చికిత్స చేయించలేని…

2 hours ago

వైసీపీ ఒక డెడ్ బాడీ – నాగబాబు

వైసీపీ మీద మరోసారి విరుచుకొని పడ్డారు ఎమ్మెల్సీ నాగబాబు. వైసీపీ ఒక డెడ్ బాడీ అని, దాన్ని పట్టించుకోవాల్సిన అవసరం లేదని…

4 hours ago

హైందవ తప్పుకోవడం నాయుడుకి మంచిదే

వచ్చే వారం నవంబర్ 27 విడుదల కావాల్సిన హైందవ వాయిదా వేసినట్టు విశ్వసనీయ వర్గాల సమాచారం. కొత్త రిలీజ్ డేట్…

4 hours ago