తెలుగులో మన స్టార్ హీరోలతో సమానంగా ఫాలోయింగ్ సంపాదించుకున్నాడు సూర్య ఓ దశలో. అతడి మార్కెట్ రూ.20 కోట్ల దాకా కూడా వెళ్లింది ఒకానొక టైంలో. కానీ దాన్ని అతను నిలబెట్టుకోలేకపోయాడు. అయినప్పటికీ సూర్య మీద ఇంకా మన ప్రేక్షకుల్లో అభిమానం నిలిచి ఉంది. మన తెలుగమ్మాయే డైరెక్ట్ చేసిన ‘ఆకాశమే నీ హద్దురా’ చిత్రంతో బౌన్స్ బ్యాక్ కావాలని అతను చూస్తున్నాడు.
ఈ చిత్ర టీజర్ కూడా ఆసక్తికరంగా అనిపించింది. లాక్ డౌన్ లేకుంటే ఈ వేసవిలోనే ఆ చిత్రం విడుదల కావాల్సింది. మళ్లీ థియేటర్లు తెరుచుకుని, జనాలు మామూలుగా థియేటర్లకు వచ్చే సమయానికి ఈ చిత్రాన్ని రిలీజ్ చేయాలనుకుంటున్నారు. ఖాళీ సమయంలో పోస్ట్ ప్రొడక్షన్ అంతా పూర్తి చేసి ఫస్ట్ కాపీ రెడీ చేసేయాలని చూస్తున్నారు. తెలుగు డబ్బింగ్ పనులు కూడా నడుస్తున్నాయి.
‘ఆకాశమే నీ హద్దురా’కు సంబంధించి పెద్ద విశేషం ఏంటంటే.. ఇందులో సూర్య పాత్రకు ఓ ప్రముఖ తెలుగు నటుడు డబ్బింగ్ చెప్పబోతున్నాడు. అతనెవరో కాదు.. సత్యదేవ్. నటుడిగా మంచి స్థాయిలోనే ఉన్న అతను సూర్యకు డబ్బింగ్ చెప్పడానికి అంగీకరించాడు. ఇంతకుముందు నాని ఇలాగే ‘ఓకే బంగారం’లో దుల్కర్ సల్మాన్కు డబ్బింగ్ చెప్పిన సంగతి తెలిసిందే. సూర్యకు గతంలో శ్రీనివాసమూర్తి అనే డబ్బింగ్ ఆర్టిస్ట్ వాయిస్ ఇచ్చేవాడు.
తర్వాత కొన్ని సినిమాల నుంచి సూర్యనే సొంతంగా డబ్బింగ్ చెప్పుకుంటూ వస్తున్నాడు. మరి ‘ఆకాశమే..’ విషయంలో ఎందుకు తన వాయిస్ వద్దనుకున్నాడో తెలియదు మరి. ఎయిర్ డెక్కన్ ఫౌండర్ జీఆర్ గోపీనాథ్ జీవిత కథ ఆధారంగా తెరకెక్కిన చిత్రం ‘ఆకాశమే నీ హద్దురా’. ఇంతకుముందు ‘గురు’ చిత్రాన్ని రూపొందించిన సుధ కొంగర ఈ సినిమాను డైరెక్ట్ చేసింది.
This post was last modified on May 23, 2020 10:06 am
హీరోల పారితోషకాలు అంతకంతకూ పెరిగిపోతుండడంపై నిర్మాతల్లో ఆందోళన వ్యక్తమవుతున్న మాట వాస్తవం. పైకి చెప్పకపోయినా ఈ విషయంలో అసంతృప్తితో ఉన్నారన్నది ఇండస్ట్రీలో…
అధికారంలో ఉన్న నాయకులు, అధికారంలో లేని నాయకులు ఇలా రెండు వర్గాలుగా విభజించినప్పుడు సాధారణంగా పదవులు పొందిన వారు సంతృప్తి…
మూడు రోజుల తెలుగు వారి పెద్ద పండుగ.. సంక్రాంతి. ఇళ్లకే కాదు.. గ్రామాలకు సైతం శోభను తీసుకువచ్చే సంక్రాంతికి.. కోడి…
ఈ సంక్రాంతికి ‘భర్త మహాశయులకు విజ్ఞప్తి’ చిత్రంతో ప్రేక్షకులను పలకరించబోతోంది డింపుల్ హయతి. కెరీర్లో ఆమెకు ఇంకా పెద్ద బ్రేక్ రాలేదు. ఇప్పటికే ఖిలాడి,…
బీజేపీ కురువృద్ధ నాయకుడు, దేశ మాజీ ఉపరాష్ట్రపతి ముప్పవరపు వెంకయ్యనాయుడు.. ప్రస్తుతం ప్రత్యక్ష రాజకీయాల నుంచి తప్పుకొన్నారు. అయితే.. ఆయన…
చుక్క పడందే నిద్ర పట్టని వారు చాలా మంది ఉన్నారు. వీరిలో చిన్న చితకా మందుబాబులను పక్కన పెడితే, మద్యం…