Movie News

న‌ట‌న‌కు గుడ్‌బై చెప్పేసిన హీరోయిన్


నువ్వు నేను సినిమాతో యువ తెలుగు హృద‌యాల‌ను క‌ట్టి పడేసిన ముంబ‌యి భామ అనిత‌. ఆ సినిమాతో ఒక్క‌సారిగా బిజీ అయిపోయిన ఈ భామ‌.. శ్రీరామ్, తొట్టిగ్యాంగ్, నిన్నే ఇష్ట‌ప‌డ్డాను, ఆడంతే అదో టైపు లాంటి సినిమాలు చేసింది. కానీ ఆ సినిమాలేవీ కూడా ఆశించిన ఫ‌లితాలివ్వ‌క‌పోవ‌డంతో చాలా త్వ‌ర‌గా ఫేడ‌వుట్ అయిపోయిందీ భామ‌. అలాగ‌ని ఆమె ఖాళీ అయిపోలేదు. మ‌ళ్లీ ముంబ‌యికి వెళ్లిపోయింది. అక్క‌డ కొన్ని సినిమాలు చేసింది.

అలాగే త‌న‌కు బాగా క‌లిసొచ్చిన టీవీ రంగంలోకి పున‌రాగ‌మ‌నం చేసి బిజీ అయ్యింది. ఓవైపు సినిమాలు, మ‌రోవైపు టీవీ షోల‌తో తీరిక లేకుండా ఉన్న అనిత‌.. 2013లో రోహిత్ రెడ్డి అనే కార్పొరేట్ ప్రొఫెష‌న‌ల్‌ను పెళ్లాడాక కూడా న‌ట‌న‌కు దూరం కాలేదు. గ‌త ఏడాది వర‌కు ఆమె టీవీ రంగంలో బిజీగానే ఉంది.

ముఖ్యంగా నాగిన్ సిరీస్‌తో అనిత ఉత్త‌రాదిన బాగా ఫేమ‌స్. ఈ సిరీస్‌లో ఇప్ప‌టికే 5 పార్ట్స్ రావ‌డం విశేషం. చివ‌ర‌గా వ‌చ్చిన నాగిన్-5లోనూ అనిత న‌టించింది. ఐతే టీవీ రంగంలో తీరిక లేకుండా ఉన్న ఆమె.. ఉన్న‌ట్లుండి న‌ట‌న‌కు గుడ్ బై చెప్పేస్తున్న‌ట్లు ప్ర‌క‌టించింది. ఇందుక్కార‌ణం త‌న‌కు కొడుకు పుట్ట‌డ‌మే. ఫిబ్ర‌వ‌రిలో మ‌గ బిడ్డ‌కు జ‌న్మ‌నిచ్చిన అనిత‌.. కొన్ని నెల‌ల త‌ర్వాత న‌ట‌న‌లోకి పున‌రాగ‌మ‌నం చేస్తుంద‌నుకున్నారు. కానీ తాను ఇక త‌న స‌మ‌యాన్ని త‌న బిడ్డ‌కే కేటాయించాల‌నుకున్న‌ట్లు ఆమె ప్ర‌క‌టించింది. భ‌విష్య‌త్తులో న‌ట‌న‌లోకి తిరిగొస్తానో లేదో కూడా చెప్ప‌లేని ఆమె పేర్కొంది. ఓ బిడ్డకు జన్మనిచ్చిన తర్వాత ఇండస్ట్రీకి దూరం కావాలని ఎప్పటినుంచో అనుకుంటున్నాను. ప్రస్తుత పరిస్థితుల్లో మా బాబు సంరక్షణ చూసుకోవడం నాకెంతో అవసరం. అందుకే ఇకపై సినిమాలు, సీరియల్స్‌కు దూరంగా ఉండాలనుకుంటున్నాను. భవిష్యత్తులో తిరిగి ఇండస్ట్రీలోకి అడుగుపెడతానా లేదా అని ఇప్పుడు ఆలోచించ‌ట్లేదు. మ‌ళ్లీ రావాల‌నుకుంటే మాత్రం చెబుతాను అని అనిత పేర్కొంది.

This post was last modified on June 14, 2021 8:33 am

Share

Recent Posts

ఏపీ బీజేపీలో అసంతృప్తి సెగ‌… ఆ ఎమ్మెల్యే రాజీనామా?

ఏపీ బీజేపీలో కొన్నాళ్లుగా అసంతృప్తితోనే నాయ‌కులు ముందుకు సాగుతున్నారు. పార్టీలో ఏం జ‌రుగుతోందో.. త‌మ‌కు అర్థం కావ‌డం లేద‌ని కొన్నాళ్లుగా…

8 minutes ago

పారిశ్రామిక రంగంలో చంద్రబాబు ఎక్స్ ప్రెస్ స్పీడ్

భారతదేశ పారిశ్రామిక రంగంలో ఆంధ్ర ప్రదేశ్ దూకుడు ప్రదర్శిస్తోంది. ముఖ్యమంత్రి చంద్రబాబు ఎక్స్ ప్రెస్ బుల్లెట్ వేగంతో ముందుకు దూసుకొని…

20 minutes ago

రాములమ్మని వాడుకోవడం తెలివైన ఐడియా

పాత పాటలను కొత్త సినిమాల కోసం రీమిక్స్ చేసి వాడుకోవడం కొత్త కాదు. దాదాపు అందరు హీరోలు చేశారు. అల్లరి…

10 hours ago

ఇది వింటే ఇక జన్మలో కాపీ కొట్టరు

పరీక్షల్లో అక్రమాలను అరికట్టేందుకు సాధారణంగా కఠిన తనిఖీలు, నిఘా కెమెరాలు, ప్రత్యేక బృందాలను ఉపయోగిస్తుంటారు. అయితే దక్షిణ కొరియా అధికారులు…

11 hours ago

ఏఐని గుడ్డిగా నమ్మితే ఇలాగే ఉంటుంది

ఆర్టిఫిషియల్ ఇంటెలిజెన్స్ మనిషి జీవితంలో ఎన్నో మార్పులు తీసుకొస్తోంది. క్లిష్టమైన పనులను సులభతరం చేస్తూ, వేగంగా నిర్ణయాలు తీసుకునే స్థాయికి…

11 hours ago

ఎట్ట‌కేల‌కు ప‌రిటాల వార‌సుడి సుడి తిరిగింది!

ప‌రిటాల ర‌వి, ప‌రిటాల సునీతల వార‌సుడు, టీడీపీ యువ‌నాయ‌కుడు ప‌రిటాల శ్రీరామ్‌.. తాజాగా జ‌రిగిన జిల్లా ప‌రిష‌త్‌.. చైర్మ‌న్ ఎంపిక‌లో…

11 hours ago