Movie News

ఇంత బోల్డ్‌నెస్ త‌ట్టుకోగ‌ల‌రా?

ఏక్ మిని క‌థ‌.. తెలుగు రాష్ట్రాల్లో మ‌రోసారి థియేట‌ర్లు మూత ప‌డ్డ వేళ నేరుగా ఓటీటీ రిలీజ్‌కు రెడీ అయిన మ‌రో చిన్న సినిమా. గ‌త నెల 30న థియేట‌ర్ల‌లో ఈ చిత్రాన్ని విడుద‌ల చేయాల‌నుకున్నారు కానీ.. థియేట‌ర్లు మూత ప‌డ‌టంతో వాయిదా వేయక త‌ప్ప‌లేదు. త‌ర్వాత చూస్తే ఇప్పుడిప్పుడే థియేట‌ర్లు తెరుచుకునే అవ‌కాశం లేక‌పోవ‌డంతో అమేజాన్ ప్రైమ్ వాళ్ల‌తో డీల్ కుదుర్చుకుని నేరుగా డిజిట‌ల్ రిలీజ్ చేయ‌డానికి రెడీ అయిపోయారు మేక‌ర్స్.

ఈ నేప‌థ్యంలో ప్ర‌మోష‌న్లు కూడా కొంచెం గ‌ట్టిగానే చేస్తున్నారు. ఈ సినిమా తెలుగులో ఇప్ప‌టిదాకా చూడ‌ని ఒక బోల్డ్ కాన్సెప్ట్‌తో తెర‌కెక్కింది. ఆ కాన్సెప్ట్ గురించి ఇప్ప‌టిదాకా మీడియా వాళ్లు కూడా త‌మ వార్త‌ల్లో రాయ‌లేక పోతుండ‌టం గ‌మ‌నార్హం. దీని టీజ‌ర్, ట్రైల‌ర్ గురించి వార్త‌లు రాస్తున్న‌పుడు కూడా కాన్సెప్ట్ గురించి రాయ‌డానికి మొహ‌మాట‌ప‌డిపోతున్నారు.


ఓపెన్‌గా మాట్లాడుకోవాలంటే ఏక్ మిని క‌థ‌లో హీరో అంగం చిన్న‌ది. దాని గురించి అత‌ను తెగ ఫీలైపోతుంటాడు. చివ‌రికి ఎన్‌లార్జింగ్ స‌ర్జ‌రీ చేయించుకుని అంగాన్ని పెంచుకోవాల‌నుకుంటాడు. ఈ క‌ష్టాల నేప‌థ్యంలో తెర‌కెక్కిన చిత్ర‌మిది. ఐతే మాట్లాడుకోవ‌డానికే ఏదోలా అనిపించే ఇలాంటి కాన్సెప్ట్ మీద తెలుగులో ఒక మెయిన్ స్ట్రీమ్ సినిమా రావ‌డం అంటే ఆశ్చ‌ర్య‌మే. గ‌త కొన్నేళ్లలో ప్రేక్ష‌కుల అభిరుచి ఎంత మారినా.. బోల్డ్ కాన్సెప్ట్స్‌ను బాగానే స్వాగ‌తిస్తున్నా.. ఇలాంటి కాన్సెప్ట్‌తో సినిమా తీసే సాహ‌సం చేయ‌డం విశేష‌మే.

ఐతే దీన్నో బూతు చిత్రం అనుకోకుండా ఫ్యామిలీ ఎంట‌ర్టైన‌ర్‌లాగే తీసిన‌ట్లున్నారు యువి వాళ్లు. వెంక‌టాద్రి ఎక్స్‌ప్రెస్ ద‌ర్శ‌కుడు మేర్ల‌పాక గాంధీ ఈ చిత్రానికి క‌థ ఇవ్వ‌డం విశేషం. కార్తీక్ రాపోలు అనే కొత్త ద‌ర్శ‌కుడు డైరెక్ట్ చేశాడు. ఒక‌ప్పుడు బాలీవుడ్లో వీర్య దానం మీద విక్కీ డోన‌ర్ తీసిన‌పుడు మొద‌ట అందరూ ఇలాంటి కాన్సెప్ట్ మీద సినిమానా అన్నారు. కానీ సినిమా చూసి అంద‌రూ మెచ్చుకున్నారు. ఫ్యామిలీస్‌ను కూడా ఆ చిత్రం బాగా ఆక‌ట్టుకుంది. తెలుగులో ఇప్పుడు ఏక్ మిని క‌థ అలాంటి ప్ర‌య‌త్న‌మే అనుకోవ‌చ్చు. మ‌రి మ‌న ప్రేక్ష‌కులు దీన్ని ఏమేర స్వాగతిస్తారో.. సినిమాకు ఎలాంటి స్పంద‌న ద‌క్కుతుందో చూడాలి.

This post was last modified on May 25, 2021 10:44 am

Share

Recent Posts

ఇకపై బైకులకు కూడా సేఫ్టీ ఎయిర్‌బ్యాగ్స్

కార్లలో ప్రమాదం జరిగినప్పుడు ప్రాణాలను కాపాడటంలో ఎయిర్‌బ్యాగ్స్ కీలక పాత్ర పోషిస్తాయి. అదే టెక్నాలజీని ఇప్పుడు హెల్మెట్‌లోనూ ఉపయోగించే ఆలోచన…

6 minutes ago

ధోనీ ఎందుకింత స్పెషల్?

ధోనీ బ్యాటింగ్‌కు వస్తున్నాడంటే చాలు.. చెన్నైతో సంబంధం లేని జట్ల అభిమానులు కూడా అతడి కోసం ఎదురుచూసేవారు. ఒక్కోసారి సొంత…

6 minutes ago

ఈసీ vs యోగి… ఇది ఊహించలేదే..!

డామిట్... కథ అడ్డం తిరిగింది అన్నట్టుగా తయారైంది బీజేపీ పరిస్థితి. వివాదాస్పద " ఓటర్ల జాబితా ప్రత్యేక సమగ్ర సవరణ…

16 minutes ago

ధోనీ లేకుండా CSK… ఇప్పుడు మారాల్సింది ఏంటి?

ఐపీఎల్‌లో చెన్నై సూపర్ కింగ్స్‌కు ఐదు టైటిళ్లు అందించిన మహేంద్ర సింగ్ ధోనీ ఆ జట్టు నుంచి తప్పుకున్నాడు. ఇక…

27 minutes ago

అంతా ఎప్పటిలాగే ఉంటుందని చెప్పనన్న నాదెళ్ల

మైక్రోసాఫ్ట్‌ లో ఉద్యోగాలపై సీఈవో సత్య నాదెళ్ల కూడా హామీ ఇవ్వలేకపోతున్నారు. భారత్ సహా నాలుగు దేశాల్లో ఉద్యోగులకు కంపెనీ…

55 minutes ago

మాట నిలబెట్టుకోవడానికి కింగ్ పరుగులు

లెనిన్ నుంచి ఇట్లు అర్జున దాకా నాగార్జున పలు సందర్భాల్లో టాలీవుడ్ దర్శక నిర్మాతలు పనులు వేగవంతం చేసుకోవడం గురించి…

1 hour ago