గత దశాబ్ద కాలంలో సౌత్ ఇండియా నుంచి వచ్చిన ఉత్తమ నటుల్లో విజయ్ సేతుపతి ఒకడు. ముందు చిన్న చిన్న పాత్రలతో మొదలుపెట్టి.. ఆ తర్వాత హీరోగా, క్యారెక్టర్ ఆర్టిస్టుగా అతను అద్భుతమైన పాత్రలతో ఆకట్టుకున్నాడు. నెగెటివ్ రోల్స్లోనూ అదరగొట్టాడు. ఈ మధ్యే ‘మాస్టర్’, ‘ఉప్పెన’ సినిమాలతో విజయ్ సేతుపతి ఎంతగా మెప్పించాడో తెలిసిందే. ఆ సినిమాల్లో హీరోలను మించి హైలైట్ అయ్యాడు సేతుపతి.
తమిళం అనే కాదు.. వివిధ భాషలకు చెందిన ఫిలిం మేకర్స్ విజయ్ సేతుపతితో పని చేయడానికి ఎంతో ఉత్సాహం చూపిస్తున్నారు. అతడి కోసం పాత్రలు సృష్టిస్తున్నారు. తన ముందుకు వస్తున్న లెక్కలేనన్ని పాత్రల నుంచి జాగ్రత్తగా తనకు ప్లస్ అయ్యే వాటిని ఎంచుకుంటున్నాడు సేతుపతి. ఇప్పుడతను ఓ సెన్సేషనల్ డైరెక్టర్ సినిమాలో లీడ్ రోల్కు రెడీ అయ్యాడు. ఆ దర్శకుడెవరో కాదు.. వెట్రిమారన్.
తొలి సినిమా ‘పొల్లాదవన్’ నుంచి చివరగా తీసిన ‘అసురన్’ వరకు వెట్రిమారన్ తీసిన ప్రతి సినిమా క్లాసిక్కే. ఆడుగళం, విసారణై, అసురన్ సినిమాలు జాతీయ అవార్డుల్లో సత్తా చాటడం.. ‘విసారణై’ ఆస్కార్ అవార్డులకు భారత ఎంట్రీగా వెళ్లడం తెలిసిందే. మిగతా దర్శకుల్లా సినిమాలు చేయడంలో తొందరపడడు వెట్రిమారన్. రెండు మూడేళ్లకు ఓ సినిమా తీస్తాడు. కానీ అంత టైం ఎందుకు తీసుకున్నాడో సినిమా చూస్తే కానీ అర్థం కాదు. ఇలాంటి మేటి దర్శకుడితో సేతుపతి లాంటి విలక్షణ నటుడు జట్టు కడుతుండటం ఆసక్తి రేకెత్తిస్తోంది.
వీరి కలయికలో ‘విడుదలై’ (తెలుగులో విడుదల) అనే సినిమా రాబోతోంది. దీని ఫస్ట్ లుక్ తాజాగా రిలీజైంది. సేతుపతి-వెట్రిమారన్ కాంబినేషన్ మీద ఉన్న అంచనాలకు తగ్గట్లే చాలా ఇంటెన్స్గా ఉంది ఫస్ట్ లుక్. వెట్రిమారన్ స్టైల్లోనే మరో హార్డ్ హిట్టింగ్ మూవీ చూడబోతున్న భావన కలిగిస్తోంది. ఈ సినిమా కచ్చితంగా ఒక సెన్సేషన్ అవుతుందన్న అంచనాలున్నాయి.
This post was last modified on April 22, 2021 2:42 pm
సామాజిక పింఛన్ల పై పిడుగు పడినట్టు అయింది. వృద్ధులు, దివ్యాంగులు, వితంతులు, ఒంటరి మహిళ లు.. వంటి సామాజిక పింఛనుపై…
ఏపీలో జరుగుతున్న సార్వత్రిక ఎన్నికలకు సంబంధించి అధికార పార్టీ వైసీపీ తాజాగా ఎన్నికల మేనిఫెస్టోను ప్రకటించిన విషయం తెలిసిందే. 2019…
స్టార్ హీరోల పోటీని తట్టుకుని బ్లాక్ బస్టర్ మించిన వసూళ్లను సాధించిన హనుమాన్ కొనసాగింపు జై హనుమాన్ ఆల్రెడీ ప్రకటించిన…
టాలీవుడ్లో ఎంతోమంది లెజెండరీ డైరెక్టర్లు ఉన్నారు. వాళ్ల దగ్గర శిష్యరికం చేసి స్టార్ డైరెక్టర్లుగా ఎదిగిన వాళ్లు కూడా ఉన్నారు.…
టీడీపీ అధినేత చంద్రబాబు ఎన్నికల ప్రచారంలో సూపర్ సిక్స్ను ఎక్కువగా ప్రచారం చేస్తున్నారు. తాను అధికారంలోకి వచ్చిన తర్వాత.. వీటిని…
పెద్ద సినిమాలు నిర్మాణంలో ఉన్నప్పుడు వాటికి సంబంధించిన షాకింగ్ సంగతులు ఎప్పుడో తర్వాత సంవత్సరాల్లో బయట పడతాయి. అలాంటిదే ఇది…