స్టార్ హీరో అన్నాక ఏదో ఒక దశలో తప్పక చేసే పాత్రల్లో పోలీస్ క్యారెక్టర్ ఒకటి. హీరోయిజం ఎలివేట్ చేయడానికి, మాస్ను ఉర్రూతలూగించడానికి మంచి స్కోప్ ఉన్న క్యారెక్టర్ పోలీస్ది. టాలీవుడ్లో నిన్నటితరం పెద్ద హీరోలు చిరంజీవి, బాలకృష్ణ, నాగార్జున, వెంకటేష్ పోలీస్ పాత్రలు చేసిన వాళ్లే. తర్వాతి తరంలో పవన్ కళ్యాణ్, మహేష్ బాబు, రవితేజ.. ఖాకి వేసి భారీ విజయాలందుకున్నారు. రామ్ చరణ్, జూనియర్ ఎన్టీఆర్, అల్లు అర్జున్ సైతం పోలీస్ పాత్రల్లో దర్శనమిచ్చారు.
ఇప్పుడు కొత్తగా ఖాకి తొడగడానికి రెడీ అవుతున్నాడు యంగ్ హీరో రామ్. ఇన్నాళ్లూ రామ్ మరీ కుర్రాడిలా, ఎక్కువగా లవర్ బాయ్ ఇమేజ్తో కనిపించడం వల్లో ఏమో పోలీస్ పాత్రల వైపు వెళ్లలేదు. కానీ ఇస్మార్ట్ శంకర్, రెడ్ లాంటి సినిమాలతో అతడి ఇమేజ్ మారింది.
రఫ్, మాస్ క్యారెక్టర్లు రామ్కు ఈ మధ్య బాగానే సూటవుతున్న నేపథ్యంలో తమిళ దర్శకుడు లింగుస్వామి.. అతణ్ని పోలీస్ పాత్రతోనే మెప్పించినట్లు సమాచారం. వీళ్ల కలయికలో ఇటీవలే ఒక సినిమా మొదలైన సంగతి తెలిసిందే. ఇందులో రామ్ పవర్ ఫుల్ పోలీస్ పాత్రలో దర్శనమివ్వబోతున్నాడట. రామ్ ఎనర్జీకి మంచి పోలీస్ పాత్ర పడితే ఎలా రెచ్చిపోతాడో అంచనా వేయొచ్చు.
ఇంతకుముందు ‘వేట్టై’ సినిమాలో పోలీస్ పాత్రను భలేగా డిజైన్ చేసి మెప్పించాడు లింగుస్వామి. తెలుగులో ‘తడాఖా’ పేరుతో రీమేక్ అయిందా సినిమా. అందులో సునీల్ చేశాడా పాత్రను. ఇప్పుడు మరి రామ్ కోసం లింగుస్వామి ఎలాంటి పాత్ర సిద్ధం చేశాడో చూడాలి. శ్రీనివాస సిల్వర్ స్క్రీన్ బేనర్ మీద తెరకెక్కనున్న ఈ చిత్రాన్ని పాన్ ఇండియా లెవెల్లో తీయడానికి ప్రయత్నాలు జరుగుతున్నాయి.
This post was last modified on April 2, 2021 3:04 pm
టాలీవుడ్లో ఎంతోమంది లెజెండరీ డైరెక్టర్లు ఉన్నారు. వాళ్ల దగ్గర శిష్యరికం చేసి స్టార్ డైరెక్టర్లుగా ఎదిగిన వాళ్లు కూడా ఉన్నారు.…
టీడీపీ అధినేత చంద్రబాబు ఎన్నికల ప్రచారంలో సూపర్ సిక్స్ను ఎక్కువగా ప్రచారం చేస్తున్నారు. తాను అధికారంలోకి వచ్చిన తర్వాత.. వీటిని…
పెద్ద సినిమాలు నిర్మాణంలో ఉన్నప్పుడు వాటికి సంబంధించిన షాకింగ్ సంగతులు ఎప్పుడో తర్వాత సంవత్సరాల్లో బయట పడతాయి. అలాంటిదే ఇది…
https://www.youtube.com/watch?v=CAR8XtEpwhE గత ఏడాది దాస్ కా ధమ్కీ ఆశించిన స్థాయిలో గొప్ప ఫలితాన్ని ఇవ్వకపోయినా ఈ సంవత్సరం గామి విశ్వక్…
విశ్వాసం ఉండడం తప్పుకాదు.. కానీ, అతి విశ్వాసం ఎప్పుడూ.. కొంప ముంచేస్తుంది. ఇప్పుడు ఈ మాట ఎవరో అనడం లేదు.…
చరిత్రకు సంబంధించిన ఒక ముఖ్యమైన ఘట్టాన్ని తెరకెక్కించేటప్పుడు రీసెర్చ్ చాలా అవసరం. కానీ కొందరు దర్శకులు కేవలం మీడియాలో వచ్చిన…