ఒక కలల కాంబినేషన్కు తెరలేచినట్లు టాలీవుడ్ సర్కిల్స్లో ఇప్పుడు హాట్ న్యూస్ చక్కర్లు కొడుతోంది. మెగా పవర్ స్టార్ రామ్ చరణ్ హీరోగా కోలీవుడ్ మెగా డైరెక్టర్ శంకర్ దర్శకత్వంలో ఓ సినిమా తెరకెక్కబోతోందట. టాలీవుడ్ అగ్ర నిర్మాత దిల్ రాజు ఈ చిత్రాన్ని నిర్మించబోతున్నాడట. నిన్న రాత్రి నుంచి టాలీవుడ్ సర్కిల్స్లో, సోషల్ మీడియాలో ఇదే హాట్ టాపిక్.
శంకర్ తెలుగులో ఓ సినిమా చేస్తానని ఎప్పట్నుంచో అంటున్నాడు. మన హీరోలు కూడా ఆయనతో పని చేయాలని తహతహలాడిన వాళ్లే. కానీ ఇంత వరకు అది సాధ్యపడలేదు. ఎట్టకేలకు రామ్ చరణ్ శంకర్తో పని చేసే అవకాశాన్నందుకున్నాడు. కెరీర్ ఆరంభంలో తీసిన జెంటిల్మ్యాన్, ప్రేమికుడు, భారతీయుడు సినిమాలతో శంకర్ తెలుగులో తిరుగులేని ఫాలోయింగ్ సంపాదించాడు. హీరో ఎవరన్నది సంబంధం లేకుండా అతడి పేరు మీద ఇక్కడ సినిమాలు ఆడటం మొదలైంది. ‘బాయ్స్’ సినిమా తమిళంలో ఫ్లాప్ అయి తెలుగులో హిట్టవడం ఇక్కడి జనాలకు ఆయనమీదున్న అభిమానానికి నిదర్శనం.
తెలుగులో తన సినిమాల విడుదలప్పుడు ఇక్కడి ప్రేక్షకుల అభిమానం గురించి ప్రత్యేకంగా మాట్లాడుతుంటాడు శంకర్. తెలుగులో సినిమా తీస్తా అని అంటుంటాడు. ఇప్పుడు ఎట్టకేలకు ఆ హామీని నెరవేర్చబోతున్నాడు. ప్రస్తుతం శంకర్ తమిళంలో ‘ఇండియన్-2’ తీస్తున్న సంగతి తెలిసిందే. ఆ చిత్రం మొదలై రెండున్నరేళ్లు కావస్తోంది. వివిధ కారణాలతో ఆ సినిమా వాయిదాల మీద వాయిదాలు పడుతూ వస్తోంది. చివరగా కరోనా కారణంగా సినిమాకు బ్రేక్ పడింది. త్వరలోనే షూటింగ్ పున:ప్రారంభించి.. కొన్ని నెలల్లోనే దాన్ని పూర్తి చేసి ఆ తర్వాత రామ్ చరణ్ సినిమాను శంకర్ మొదలుపెట్టాలనుకుంటున్నట్లు సమాచారం.
This post was last modified on February 11, 2021 10:40 am
ఇవాళ విడుదలవుతున్న సినిమాల్లో బాక్ అరణ్మయి 4 ఒకటి. మాములు తమిళ డబ్బింగ్ మూవీ అయితే ప్రత్యేకంగా చెప్పుకోనవసరం లేదు…
ఏపీలో సార్వత్రిక ఎన్నికలు అంటే..అసెంబ్లీ+పార్లమెంటు ఎన్నికలు ఈ నెల 13న జరగనున్నాయి. అయితే.. రాష్ట్రంలోని 175 అసెంబ్లీ నియోజకవర్గాల్లో కొన్ని…
మాములుగా ఒక వెబ్ సిరీస్ గురించి సినిమా ప్రేక్షకులు ఎదురు చూడటం తక్కువ. కానీ హీరామండి ఈ విషయంలో తన…
ఇవాళ హరిహర వీరమల్లు కొత్త టీజర్ రిలీజ్ చేసి ఇకపై దర్శకత్వ బాధ్యతలు జ్యోతికృష్ణ చూసుకుంటాడని అధికారికంగా ప్రకటించడం అభిమానుల్లో…
టీడీపీ అధినేత చంద్రబాబు ప్రస్తుతం రాష్ట్ర వ్యాప్తంగా పర్యటిస్తున్నారు. సార్వత్రిక ఎన్నికల నేపథ్యంలో ఆయన విస్తృతంగా ప్రచారం చేస్తున్నారు. అటు…
బండ్ల గణేష్ ఆలియాస్ బ్లేడ్ గణేష్. నిజమే ఈ కమేడియన్ పేరు వింటే మొదటగా గుర్తొచ్చేది 7 ఓ క్లాక్…