లాక్ డౌన్ టైంలో చిన్నా పెద్దా అని తేడా లేకుండా చాలా సినిమాలు ఓటీటీ బాట పట్టాయి. అప్పటికే ఫస్ట్ కాపీతో రెడీగా ఉన్న చాలా సినిమాలను ఓటీటీలకు ఇచ్చేశారు. కానీ కొన్ని సినిమాలు మాత్రం పట్టుబట్టి థియేట్రికల్ రిలీజ్ కోసం ఆగాయి. అందులో ‘30 రోజుల్లో ప్రేమించడం ఎలా’ ఒకటి. ఈ చిన్న సినిమాను పది నెలలకు పైగా ఆపి ఈ వారాంతంలో ప్రేక్షకుల ముందుకు తెచ్చారు.
ఐతే సినిమాకు ఆశించినంత టాక్ మాత్రం రాలేదు. చిత్ర బృందం ప్రచారం చేసుకున్నట్లు ఇందులో సూపర్ హిట్టయిన ‘నీలి నీలి ఆకాశం’ పాట అంత బాగా సినిమా లేదు. యావరేజ్ అన్న వాళ్లు కూడా కనిపించడం లేదు. ఐతే టాక్తో సంబంధం లేకుండా ‘30 రోజుల్లో ప్రేమించడం ఎలా’కు మంచి ఓపెనింగ్స్ మాత్రం వచ్చాయి. తొలి రోజు 1.7 కోట్ల రూపాయల దాకా షేర్ వచ్చిందట ఈ చిత్రానికి.
నైజాంలో 65 లక్షలు, ఆంధ్రాలో 80 లక్షలు, రాయలసీమలో రూ.25 లక్షల షేర్ రావడం విశేషం. ఈ సినిమా స్థాయికి ఇది పెద్ద మొత్తమే. సంక్రాంతి సినిమా ‘క్రాక్’ జోరు కొనసాగుతుండగా.. గత వారం వచ్చిన ‘బంగారు బుల్లోడు’ దాని ధాటికి ఏమాత్రం నిలబడలేకపోయింది. మినిమం ఓపెనింగ్స్ రాలేదు ఆ చిత్రానికి. కానీ ‘30 రోజుల్లో..’కు మాత్రం తొలి రోజు ఉన్నంతలో మంచి వసూళ్లే వచ్చాయి. థియేటర్ల దగ్గర కళ కనిపించింది.
సినిమాకు ఈ మాత్రం బజ్ వచ్చి ప్రేక్షకులు థియేటర్ల వైపు కదిలారంటే అందులో మేజర్ క్రెడిట్ గాయకుడు సిద్ శ్రీరామ్కే ఇవ్వాలి. అతను పాడిన ‘నీలి నీలి ఆకాశం’ ఎంతగా పాపులర్ అయిందో, యూట్యూబ్లో ఎంత సెన్సేషన్ క్రియేట్ చేసిందో తెలిసిందే. ఆ పాట వల్లే ఈ సినిమా గురించి ప్రేక్షకులకు తెలిసింది. ఇప్పుడు ఈ సినిమా చూద్దామని ప్రేక్షకులు థియేటర్లకు వచ్చారన్నా ఆ పాటే కారణం. ఐతే ఈ పాట ఓపెనింగ్స్కు ఉపయోగపడింది కానీ.. సినిమాను మాత్రం నిలబెట్టడం కష్టమే.
This post was last modified on January 30, 2021 6:47 pm
తెలంగాణలో ఆర్టీసీ కార్మికులు చేపట్టిన సమ్మె వెనుక ఎలక్ట్రిక్ బస్సుల ప్రవేశం, వాటి నిర్వహణ విధానం.. తద్వారా ఉద్యోగాలకు పొంచి…
తమిళనాడు ఎన్నికలు నిన్నటితో అయిపోయాయి. ఫలితాలు రావడానికి ఇంకా పది రోజులు టైం ఉండటంతో ఇండస్ట్రీ, పొలిటికల్ వర్గాలు రిలాక్స్…
తెలంగాణ లో ఆర్టీసీ సమ్మె ఉద్రిక్తతల మధ్య నర్సంపేట డిపోకు చెందిన డ్రైవర్ శంకర్ గౌడ్ మృతి రాష్ట్రవ్యాప్తంగా విషాదాన్ని…
సంచలనంగా మారిన అనంతపురం హనీట్రాప్ గుట్టు రట్టైంది. ప్లాన్ చేసి.. టార్గెట్ చేసి ముగ్గులోకి దించటం.. లక్షలాది రూపాయిలు కొల్లగొట్టే…
బాక్సాఫీస్ యమా నీరసంగా ఉంది. సరైన కొత్త సినిమాలు లేక చాలా థియేటర్లలో సగం షోలు కూడా పడటం లేదు.…
ప్రస్తుతం వైసీపీకి ఉన్న 11 నియోజకవర్గాల్లో వచ్చే ఎన్నికల నాటికి 4 నియోజకవర్గాలు చేజారి పోవడం ఖాయమని అంటున్నారు పరిశీలకులు.…