Gulte Telugu Telugu Political and Movie News Updates
‘టక్‍ జగదీష్‍’ చిత్రాన్ని సంక్రాంతికి విడుదల చేసుకునే వీలున్నా కానీ ఆ చిత్ర బృందం సంక్రాంతి రేసులోకి వెళ్లకూడదంటూ తాపీగా సినిమా ముగించుకున్నారు. కరోనాతో తలనొప్పి దేనికిలెమ్మని హ్యాపీగా ఏప్రిల్‍ రిలీజ్‍ ప్లాన్‍ చేసుకున్నారు. అందరికంటే ముందుగా స్లాట్‍ బుక్‍ చేసుకుని ఏప్రిల్‍ 16న విడుదల చేస్తున్నట్టు ప్రకటించేసారు. అయితే ఆ రోజు టక్‍ జగదీష్‍ వుందని తెలిసినా కానీ ‘లవ్‍స్టోరీ’ నిర్మాతలు ఏప్రిల్‍ 16నే తమ సినిమా రిలీజ్‍ ప్రకటించారు. నాగచైతన్య, సాయి పల్లవితో పాటు శేఖర్‍ కమ్ముల బ్రాండింగ్‍ కూడా కలిసిన ‘లవ్‍స్టోరీ’తో పోటీ అంటే ‘టక్‍ జగదీష్‍’కు కాస్త ఇబ్బందే. అఫ్‍కోర్స్ నాని సినిమాతో పోటీ వల్ల ‘లవ్‍స్టోరీ’కి కూడా ఇబ్బంది తప్పదు.
అనుకోకుండా ఈ రిలీజ్‍ డేట్లు వస్తే అనుకోవచ్చు కానీ తెలిసి తెలిసీ లవ్‍స్టోరీ నిర్మాతలు ఈ డేట్‍ ఫిక్స్ చేసారు. మరిప్పుడు ఈ రెండు సినిమాలు ఒకే రోజు తలపడతాయా లేక తల్లీ బిడ్డా న్యాయమంటూ తలా ఒక తేదీని ఫిక్సవుతాయా అనేది ఆయా సినిమాల నిర్మాతల మధ్య జరిగే చర్చలతో ముడిపడి వుంటుంది. కానీ ఈ సినిమాలు కొన్న వాళ్లు మాత్రం ఈ న్యూస్‍తో హ్యాపీగా వుండరు. ఎందుకంటే ఈ రెండు సినిమాల బిజినెస్‍ రేంజ్‍తో పాటు టార్గెట్ ఆడియన్స్ కూడా ఒకరే. అందుకే సేమ్‍ డేట్‍కి రెండు సినిమాలు రావడం ఆల్‍మోస్ట్ సూసైడ్‍ లాంటిదే.
