సూర్యకు మామూలు జాక్‌పాట్ కాదు

ఈ ఏడాది మే 15న తమిళ స్టార్ హీరో సూర్య ఎలాంటి స్థితిలో ఉన్నాడో గుర్తుండే ఉంటుంది. చాలా ఏళ్లుగా సరైన విజయం లేక ఇబ్బంది పడుతున్న అతను.. ‘కరుప్పు’ సినిమా మీద ఎన్నో ఆశలతో ఉంటే, ఆ చిత్రం ఆ రోజు విడుదలకు నోచుకోలేదు. నిర్మాతకు సంబంధించి ఫైనాన్షియల్ గొడవలు సినిమాకు అడ్డంకిగా మారి, విడుదల ఆగిపోతే.. సూర్య చాలా పెద్ద మొత్తానికి స్యూరిటీ ఇచ్చి తర్వాతి రోజు సినిమాను రిలీజ్ చేయించాడు.

ఆ సినిమా ఫెయిలై ఉంటే సూర్య ఎంత ఇబ్బంది పడేవాడో. అప్పటికే ‘కంగువ’ సినిమా విషయంలో ఇలాగే చాలా భారం మోశాడు. ‘కరుప్పు’ ఆడకపోయి ఉంటే ఆర్థికంగా పెద్ద నష్టమే చవిచూడాల్సి వచ్చేది. కానీ ఆ సినిమా బ్లాక్ బస్టర్ అయింది. నిర్మాత కష్టాలను తీర్చేసింది. సూర్యకు ఇబ్బంది రాకుండా చూసింది. చాలా ఏళ్ల తర్వాత భారీ విజయాన్నందుకున్న సూర్య.. ఇక వెనుదిరిగి చూసుకోలేదు.

ఇంకో మూడు నెలల తర్వాత ‘విశ్వనాథ్ అండ్ సన్స్’తో ఇంకో పెద్ద హిట్ కొట్టాడు. ఇంకో మూడు నెలల లోపే ఇప్పుడు ‘సీన్’తో బాక్సాఫీస్ దగ్గర సత్తా చూపిస్తున్నాడు. నిన్న రిలీజైన ఈ చిత్రానికి తెలుగులో కొంచెం మిక్స్డ్ టాక్ ఉన్నప్పటికీ.. తమిళంలో మాత్రం ఫుల్ పాజిటివ్ టాక్ వచ్చింది. రెండో రోజు ఊపు చూస్తుంటే.. సూర్య ఖాతాలో మరో బ్లాక్ బస్టర్ జమ అయ్యేలా కనిపిస్తోంది. కేరళలో కూడా ఈ సినిమా దుమ్ము దులుపుతోంది. సూర్యకు కేరళలో మంచి ఫాలోయింగ్ ఉండగా.. ఈ చిత్రాన్ని రూపొందించింది మలయాళ దర్శకుడు జీతు మాధవన్, హీరోయిన్‌గా నటించిన నజ్రియా నజీమ్.

కాబట్టి అక్కడ కూడా సినిమా బ్లాక్ బస్టర్ అయ్యేలా ఉంది. ఇది ఎక్కువ హీరోయిజం లేని ఆఫ్ బీట్ సినిమా కావడంతో వేరే నిర్మాతలు భయపడతారేమో అని తన సొంత బేనర్లో ప్రొడ్యూస్ చేశాడు సూర్య. ఐతే పరిమిత బడ్జెట్లో సినిమా పూర్తయిపోగా.. ఆ మొత్తం నాన్ థియేట్రికల్ రైట్స్ నుంచే వెనక్కి వచ్చేసిందట. థియేటర్ల నుంచి వచ్చేదంతా లాభాలేనట. ఈ సినిమా ఈజీగా రూ.200 కోట్ల గ్రాస్ కలెక్ట్ చేస్తుందని ట్రేడ్ పండిట్లు అంచనా వేస్తున్నారు. కాబట్టి సూర్య పెద్ద జాక్ పాట్ కొట్టినట్లే అన్నమాట.