‘పెద్ది’ సినిమా రిలీజై ఐదు నెలలు కావస్తోంది. ఆ సినిమా రిలీజ్ టైంలో జాన్వి కపూర్ పాత్రను తీర్చిదిద్దిన విధానం, తన అప్పీయిరెన్స్ మీద పెద్ద చర్చ జరిగింది. జాన్వి సైతం పరోక్షంగా ఆ విషయంలో అసంతృప్తి వ్యక్తం చేసింది. ఒక బ్రేక్ తర్వాత ఈ చిత్రం ఓటీటీలోకి వచ్చినపుడు మళ్లీ ఈ చర్చ ఊపందుకుంది. తర్వాత సద్దుమణిగింది. అంతటితో ఆ వ్యవహారం ముగిసిందని అంతా అనుకున్నారు. కానీ తాజాగా ‘కాఫీ విత్ కరణ్’ షోలో జాన్వి ఈ వివాదాన్ని మళ్లీ కదిపింది.
ఆ సినిమా వల్ల జీవితాంతం షేమ్ క్యారీ చేయాల్సి వస్తోందంటూ తీవ్ర వ్యాఖ్యలే చేసింది. ఈ చిత్రంలో కెమెరా యాంగిల్స్ను తప్పుబట్టింది. తన పాత్రను ప్రెజెంట్ చేసిన విధానం మీద విమర్శలు గుప్పించింది. ఐతే షూటింగ్ చేస్తున్నపుడు అభ్యంతరాలు చెప్పకుండా, రిలీజ్ ముంగిట ప్రమోషన్లలో దర్శకుడిని తెగ పొగిడేసి.. ఇప్పుడు సోషల్ మీడియా స్పందనకు అనుగుణంగా ఇలా మాట్లాడ్డం ఏంటంటూ ఆమెను తెలుగు నెటిజన్లు తీవ్రంగా తప్పుబడుతున్నారు.
బాలీవుడ్లో ఆమె నటించిన సన్నివేశాల తాలూకు వీడియోలు పోస్ట్ చేసి గట్టిగానే ఎదురు దాడి చేస్తున్నారు. ఈ ఎటాక్ మామూలుగా లేదు. దీన్ని జాన్వి కూడా గమనిస్తూనే ఉండొచ్చు. సౌత్ సినిమాల్లో బౌండ్ స్క్రిప్టే ఉండదన్న కామెంట్తో టాలీవుడ్కే కాదు, దక్షిణాదిన మిగతా ఇండస్ట్రీలకు కూడా ఆగ్రహం తెప్పించేదే. ఓవైపు ఇండస్ట్రీ జనాలకు కోపం తెప్పించి, ఇంకోవైపు ప్రేక్షకుల్లోనూ వ్యతిరేకత తెచ్చుకుంది జాన్వి. ఈ పరిస్థితుల్లో ఇకపై ఆమెకు సౌత్ సినిమాల్లో ఇంకో అవకాశం దక్కుతుందా అన్నది సందేహమే.
తన మాటతీరు చూశాక ఎందుకొచ్చిందని ఆమె జోలికి మళ్లీ ఏ సౌత్ ఫిలిం మేకర్ వెళ్లకపోవచ్చు. ఆమెకు దాదాపుగా సౌత్ సినిమాల్లో డోర్స్ క్లోజ్ అయినట్లే. బహుశా జాన్వికి కూడా ఇక్కడ మళ్లీ సినిమా చేసే ఆలోచన లేదేమో. ఆ ఉద్దేశంతో అన్నింటికీ ప్రిపేరయ్యే ఆమె ఈ కామెంట్ చేసి ఉంటుందని భావిస్తున్నారు. మొత్తానికి శ్రీదేవి తనయురాలు సౌత్ సినిమాలోకి గ్రాంట్ ఎంట్రీ ఇచ్చి.. కొన్నేళ్లు తిరిగేసరికే, రెండు సినిమాలకే ఇక్కడ కెరీర్ను క్లోజ్ చేసుకునే పరిస్థితి వచ్చింది.
This post was last modified on October 30, 2026 9:07 pm
వేదిక ఎక్కి మైకు చేతపట్టుకుంటే చాలు అక్కలు, చెల్లెమ్మలంటూ నీతులు వల్లించే జగన్ సొంత తల్లీ, చెల్లి విషయంలో మాత్రం…
వీడియో గేమ్స్ అంటే యువతకు ఎంత ఇష్టమో ప్రత్యేకంగా చెప్పాల్సిన అవసరం లేదు. తమకు నచ్చిన గేమ్ కోసం గంటల…
వైసీపీ అధినేత, మాజీ ముఖ్యమంత్రి వైఎస్ జగన్ మోహన్ రెడ్డి మీద మరో ఛార్జిషీట్ దాఖలైంది. జగన్ అక్రమాస్తుల కేసును…
బాలీవుడ్ స్టార్ హీరో రణ్బీర్ కపూర్ నటించిన పౌరాణిక చిత్రం 'రామాయణ: రైజ్ ఆఫ్ ఏ లెజెండ్' ఇప్పుడు థియేటర్లలో…
టాలీవుడ్ సినీ నిర్మాత, నటుడు బండ్ల గణేష్ కు ఒంగోలు కోర్టు ఏడాది జైలు శిక్ష విధించింది. చెక్ బౌన్స్…
కొన్ని కొన్ని ప్రకటనలు విని ఊరుకోవాల్సిందే!. కానీ, నాయకులు మాత్రం ఊదరగొడుతూనే ఉంటారు. తాజాగా ప్రపంచ ప్రఖ్యాత శబరిమల ఆలయాన్ని…