తెలంగాణ కోడలు ర‌ష్మిక బ‌తుక‌మ్మ ఆడితే…

తెలంగాణ‌లో ద‌స‌రా వ‌చ్చిందంటే.. ఎక్క‌డ చూసినా సంద‌డే సంద‌డి. బ‌తుక‌మ్మ పాట‌లు, ఆట‌ల‌తో ఈ ప్రాంతం క‌ళ‌క‌ళ‌లాడిపోతుంది. వేరే ప్రాంతాల నుంచి వ‌చ్చి తెలంగాణ‌లో ఉంటున్న వారు కూడా ఆ పండుగ‌లో భాగం అయిపోతారు. ఆట‌పాట‌ల‌ను ఎంతో ఆస్వాదిస్తారు.

పుట్టి పెరిగింది.. సినీ రంగ ప్ర‌వేశం చేసింది క‌ర్ణాట‌క‌లో అయినా.. తెలుగు సినిమాల్లో ఎన‌లేని పేరు సంపాదించి, ఈ ఏడాదే విజ‌య్ దేవ‌ర‌కొండ‌ను పెళ్లాడి తెలంగాణ కోడలిగా కూడా మారిపోయిన ర‌ష్మిక కూడా ఇప్పుడు బ‌తుక‌మ్మ పండుగ‌లో భాగం అయింది.

ద‌స‌రా ముంగిట ఆదివారం స‌ద్దుల బ‌తుక‌మ్మ పండుగ కాగా.. తెలంగాణ ప్ర‌భుత్వం ఈ ఫెస్టివ‌ల్‌ను అధికారికంగా నిర్వ‌హించింది. ఈ వేడుక‌ల‌కు విజ‌య్ దేవ‌ర‌కొండ‌, ర‌ష్మిక మంద‌న్నాల‌ను ఆహ్వానించింది. ఆ ఇద్ద‌రూ రావ‌డంతో ఈ వేడుక‌లకు మ‌రింత క‌ళ పెరిగింది. సంప్ర‌దాయ దుస్తుల్లో అందంగా త‌యారై వ‌చ్చిన ర‌ష్మిక.. ట్యాంక్ బండ్ మీద మ‌హిళ‌ల‌తో క‌లిసి బ‌తుక‌మ్మ పాట‌కు డ్యాన్స్ చేయ‌డం అంద‌రినీ అమితంగా ఆక‌ట్టుకుంది.

ఈ వీడియోలు వెంట‌నే సోష‌ల్ మీడియాలో వైర‌ల్ అయిపోయాయి.
విజ‌య్, ర‌ష్మిక జోడీ ఇటీవ‌లే ర‌ణ‌బాలి సినిమాతో ప్రేక్ష‌కుల ముందుకు వ‌చ్చింది. ద‌స‌రా కానుక‌గా విడుద‌లైన ఈ సినిమాకు ఆరంభంలో మిక్స్డ్ టాక్ వ‌చ్చిన‌ప్ప‌టికీ.. త‌ర్వాత టాక్ మెరుగుప‌డింది. వ‌సూళ్లు కూడా మెరుగ్గానే వ‌స్తున్నాయి. ద‌స‌రా సెల‌వుల అడ్వాంటేజీని సినిమా బాగానే ఉప‌యోగించుకునేలా ఉంది. మైత్రి మూవీ మేక‌ర్స్ నిర్మించిన ఈ చిత్రాన్ని రాహుల్ సంకృత్య‌న్ రూపొందించాడు.