Movie News

అర్ధరాత్రి నానా ఫ్రెండ్ ఆ మెసేజ్ చూసి ఉంటే?

లెజెండరీ నటుడు నానా పటేకర్ నిన్న తెల్లవారుజామున హఠాత్తుగా మరణించడం ఆయన అభిమానులను విషాదంలో ముంచెత్తింది. నానాకు 75 ఏళ్లు వచ్చాయి కాబట్టి ఆల్రెడీ ఆయన అనారోగ్యంతో ఇబ్బంది పడుతూ మంచం పట్టారేమో అనుకున్నారు చాలామంది. కానీ ఆయన ఆరోగ్యంగానే ఉన్నారు. చాలా యాక్టివ్‌గానే ఉంటూ సినిమాలు చేస్తున్నారు. ఇలాంటి టైంలో అంత గొప్ప నటుడు ఇలా హఠాత్తుగా చనిపోవడం తన అభిమానులకు పెద్ద షాకే.

ఆ వయసులోనూ చాలా ఫిట్‌గా కనిపిస్తున్న మనిషి ఇలా చనిపోవడం కుటుంబ సభ్యులతో పాటు ఫ్యాన్స్ కూడా తట్టుకోలేకపోతున్నారు. మూడు రోజుల ముందే ఒక కార్యక్రమంలో మాట్లాడుతూ.. రేపు ఉంటామో లేదో తెలియదంటూ నానా వ్యాఖ్యానించడం చూసి లైఫ్ ఎంత అన్‌ప్రెడిక్టబుల్‌గా ఉంటుందో, విధి ఎంత చిత్రమైందో అని అందరూ చర్చించుకుంటున్నారు.
నిజానికి నానాకు తన ఆరోగ్యం విషయంలో ముందే ఆందోళన కలిగిందట.

ఆయన తన మిత్రుడు ఒకరికి ఈ విషయమై మెసేజ్ కూడా చేశారట. కానీ అర్ధరాత్రి సమయం కావడంతో ఆ ఫ్రెండు మెసేజ్ చూసుకోలేకపోయారట. ఆ మిత్రుడు కనుక మెసేజ్ చూసి ఉంటే నానా మరణించేవారే కాదట. ఈ విషయాన్ని నానాకు చికిత్స చేసిన వైద్యుడే వెల్లడించారు. అర్ధరాత్రి 2.30 గంటలకు నానా.. ఒక ఫ్రెండుకు మెసేజ్ చేశారని, తనకు ఒంట్లో ఇబ్బందిగా ఉందన్నది ఆ మెసేజ్ సారాంశమని శేఖర్ సల్కార్ అనే వైద్యుడు చెప్పారు.

ఐతే ఆ టైంలో ఆ స్నేహితుడు నిద్ర పోతుండడంతో మెసేజ్ చూసుకోలేదని.. ఐతే ఇబ్బంది పెరగడంతో తర్వాత నానా స్వయంగా ఫోన్ చేశాడని.. అప్పుడు ఆ మిత్రుడు తెల్లవారుజామున 4 గంటల ప్రాంతంలో నానా ఇంటికి చేరుకున్నాడని.. కానీ అప్పటికే ఆయన అపస్మారక స్థితికి చేరుకున్నారని వైద్యుడు వెల్లడించాడు.

వెంటనే అంబులెన్సును రప్పించి ఆసుపత్రికి తీసుకురాగా.. ముప్పావు గంట పాటు కార్డియాక్ మసాజ్ చేసినా నానాను తాము కాపాడలేకపోయామని చెప్పాడు. ఒకవేళ 2.30కి నానా పంపిన మెసేజ్ చూసి ఉన్నా.. లేదా అప్పుడే నానా నేరుగా కాల్ చేసి ఉన్నా.. ఆయన బతికి ఉండేవారని స్పష్టమవుతోంది.

This post was last modified on October 9, 2026 5:36 pm

Share

Recent Posts

ఫౌజీ వదిలేసిన డేటు… పోటీ చాలా హాటు

ఎప్పుడైతే ఫౌజీ డిసెంబర్ 4 వదిలేసుకుందో అప్పటి నుంచి దాని మీద పోటీ పెరిగి ఇప్పుడు ఏకంగా అరడజను సినిమాలు…

20 minutes ago

నెమ్మదిగా నిచ్చెన ఎక్కుతున్న తార

మొన్న విడుదలైన అన్ని సినిమాల్లో ఎక్కువ పాజిటివ్ టాక్ వచ్చింది ఆకాశంలో ఒక తారకే. దుల్కర్ సల్మాన్ హీరోగా సాత్విక…

1 hour ago

మండ‌ల స్థాయిలోనూ 94 శాతం స్ట్ర‌యిక్ రేట్‌!

ఏపీ మండలాధ్యక్ష ఎన్నికల్లో కూటమి ఆధిపత్యం.. క‌న‌బ‌రిచింది. 2024లో వ‌చ్చిన స్ట్ర‌యిక్ రేట్‌ను ఇప్పుడు కూడా కొన‌సాగించింది. ఏపీలోని మొత్తం…

2 hours ago

చిరు, వెంకీ, చరణ్, తారక్… ఎప్పుడూ అడిగినా సల్మాన్ రెడీ

బాలీవుడ్ సూపర్ స్టార్ సల్మాన్ ఖాన్ కు.. టాలీవుడ్ స్టార్ హీరోలు చాలామంది మంచి అనుబంధం ఉన్న సంగతి తెలిసిందే.…

2 hours ago

‘కేసీఆర్ కూతురు’ మాత్రమే నా గుర్తింపు కాదు

కల్వకుంట్ల కవిత...ఈ పేరు వినగానే ఠక్కున గుర్తుకు వచ్చే మరో పేరు తెలంగాణ మాజీ సీఎం కేసీఆర్. తెలంగాణ సాధనలో…

2 hours ago

హనుమాన్ 2… ఊహించని ట్విస్టు

మూడేళ్ళ క్రితం మహేష్ బాబు, నాగార్జున, వెంకటేష్ లాంటి స్టార్ హీరోలతో సంక్రాంతి రేసులో తలపడి తేజ సజ్జ అంత…

3 hours ago