Movie News

పండగ బోణీ చేయాల్సింది కళ్యాణే

పన్నెండు రోజుల ముందే టాలీవుడ్ బాక్సాఫీస్ దసరా పండగ మొదలైపోయింది. అన్నీ అనుకున్నట్టు జరిగి ఉంటే ఇవాళ ఆదర్శ కుటుంబం ఏకె 47 థియేటర్లకు వచ్చి మహా సందడిగా ఉండేది. వెంకటేష్ – త్రివిక్రమ్ శ్రీనివాస్ మొదటిసారి కాంబో కోసం అభిమానులు ఎంతగా ఎదురు చూశారో తెలిసిందే. అయితే పనులు చాలా పెండింగ్ లో ఉండిపోవడం వల్ల వాయిదా పడింది. ఒకరి శాపం ఇంకొకరికి వరంగా మారినట్టు శ్రీవిష్ణు కామ్రేడ్ కళ్యాణ్ కి కాంపిటీషన్ లేని గ్రౌండ్ దొరికింది.

జానకిరామ్ మారెళ్ల దర్శకత్వం వహించిన ఈ ఎంటర్ టైనర్ టాలీవుడ్ విజయదశమి సిరీస్ గా వస్తున్న వాటిలో మొదటిది. తర్వాత రాబోయే జైలర్ 2, రణబాలికు మంచి జోష్ ఇవ్వాలంటే కామ్రేడ్ కళ్యాణ్ హిట్ అవ్వడం అవసరం. రేపటి నుంచి ఏపీ తెలంగాణ స్కూళ్లకు సెలవులు ఇస్తున్నారు. రెండు వారాలు హాలిడేస్ అంటే చిన్న విషయం కాదు. సరైన కంటెంట్ ఇస్తే టికెట్ కౌంటర్లు కళకళలాడతాయి. బ్లాక్ బస్టర్ పడితే సంక్రాంతి రేంజ్ లో వసూళ్లు ఊహించుకోవచ్చు.

నక్సల్స్ కాన్సెప్ట్ తీసుకున్నప్పటికీ కామెడీ ప్రధానంగా కామ్రేడ్ కళ్యాణ్ రూపొందింది. రాత్రి హైదరాబాద్ లో వేసిన పరిమిత ప్రీమియర్ల నుంచి టాక్ బాగానే వినిపిస్తోంది. కామన్ పబ్లిక్ నుంచి కూడా ఇదే వినిపిస్తే బొమ్మకు హిట్టు స్టాంప్ పడుతుంది. మృత్యుంజయ్, విష్ణు విన్యాసం రూపంలో రెండు షాకులు తిన్న శ్రీవిష్ణు ఆశలన్నీ దీని మీదే ఉన్నాయి. నిర్మాతల్లో ఒకరిగా వ్యవహరించిన కోన వెంకట్ ప్రచార బాధ్యతలు కూడా దగ్గరుండి చూసుకుని బజ్ వచ్చేలా చేశారు.

క్యాస్టింగ్ పరంగా చూసుకుంటే సీనియర్ నటి రాధిక, సాయిచంద్ తో పాటు కమెడియన్లు సత్య, సుదర్శన్ లాంటి వాళ్ళతో తారాగణం బలంగానే ఉంది. జూన్ నుంచి పూర్తిగా నవ్వించిన సినిమా రాలేదు. పెద్ది, మా ఇంటి బంగారం, లెనిన్, చెన్నై లవ్ స్టోరీ, ప్యారడైజ్ మొదలైనవి అన్నీ సీరియస్ బ్యాక్ డ్రాప్సే. సో కామ్రేడ్ కనెక్ట్ అయితే మంచి నెంబర్లు చూడొచ్చు. అయితే కాంపిటీషన్ గా బాలీవుడ్ బ్లాక్ బస్టర్ హనుమాన్ అంశ్ డబ్బింగ్ ఉంది. అయినా సరే శ్రీవిష్ణు టీమ్ టెన్షన్ పడటం లేదు. .

This post was last modified on October 9, 2026 9:58 am

Share

Recent Posts

అలియాస్ రుక్మిణీ.. తొలి టికెట్ నుంచే లాభాలు

సినిమా రిలీజ్ తర్వాత పెట్టే సక్సెస్ మీట్‌ల గురించి నిన్న ఇద్దరు హీరోలు క్రేజీ కామెంట్స్ చేశారు. రిజల్ట్ ఎలా…

56 minutes ago

ఫౌజీ వదిలేసిన డేటు… పోటీ చాలా హాటు

ఎప్పుడైతే ఫౌజీ డిసెంబర్ 4 వదిలేసుకుందో అప్పటి నుంచి దాని మీద పోటీ పెరిగి ఇప్పుడు ఏకంగా అరడజను సినిమాలు…

2 hours ago

నెమ్మదిగా నిచ్చెన ఎక్కుతున్న తార

మొన్న విడుదలైన అన్ని సినిమాల్లో ఎక్కువ పాజిటివ్ టాక్ వచ్చింది ఆకాశంలో ఒక తారకే. దుల్కర్ సల్మాన్ హీరోగా సాత్విక…

3 hours ago

మండ‌ల స్థాయిలోనూ 94 శాతం స్ట్ర‌యిక్ రేట్‌!

ఏపీ మండలాధ్యక్ష ఎన్నికల్లో కూటమి ఆధిపత్యం.. క‌న‌బ‌రిచింది. 2024లో వ‌చ్చిన స్ట్ర‌యిక్ రేట్‌ను ఇప్పుడు కూడా కొన‌సాగించింది. ఏపీలోని మొత్తం…

3 hours ago

చిరు, వెంకీ, చరణ్, తారక్… ఎప్పుడూ అడిగినా సల్మాన్ రెడీ

బాలీవుడ్ సూపర్ స్టార్ సల్మాన్ ఖాన్ కు.. టాలీవుడ్ స్టార్ హీరోలు చాలామంది మంచి అనుబంధం ఉన్న సంగతి తెలిసిందే.…

3 hours ago

‘కేసీఆర్ కూతురు’ మాత్రమే నా గుర్తింపు కాదు

కల్వకుంట్ల కవిత...ఈ పేరు వినగానే ఠక్కున గుర్తుకు వచ్చే మరో పేరు తెలంగాణ మాజీ సీఎం కేసీఆర్. తెలంగాణ సాధనలో…

3 hours ago