Movie News

మెగాస్టార్ లిస్టులో వద్దనుకున్న పేరుందా

కాకా జనవరిలో సంక్రాంతి పండక్కు వచ్చేస్తుంది. తక్కువ గ్యాప్ లో విశ్వంభర దిగుతుంది. తర్వాత ఎవరితో సినిమా ఉంటుందనేది చిరంజీవి ఇప్పటిదాకా ఫైనల్ చేయలేదు. రకరకాల పేర్లు వినిపిస్తున్నాయి కానీ ఏది కన్ఫర్మ్ చేస్తారో అర్థం కాక ఫ్యాన్స్ మెదళ్ళకు పని చెబుతున్నారు. ఆల్రెడీ ప్రకటించిన శ్రీకాంత్ ఓదెల మూవీ ఇప్పట్లో సెట్స్ కు వెళ్లే ఛాన్స్ లేదని నాని తెగేసి చెప్పడంతో దీని మీద ఆశలు పెట్టుకుని లాభం లేదు. చూస్తుంటే అసలెప్పటికీ కార్యరూపం దాల్చకపోవచ్చేమో.

పెద్ది మేకింగ్ నచ్చి బుచ్చిబాబుకో కథ రాయమని మెగాస్టార్ గతంలోనే పురమాయించారట. శరీర భాగాలు కట్ చేయడం, ఓవర్ ఎమోషన్స్ లేకుండా ఒక ప్రాపర్ కమర్షియల్ సబ్జెక్టు సిద్ధం చేయమని చెప్పారని ఇన్ సైడ్ టాక్. బుచ్చిబాబు బృందం ప్రస్తుతం అదే పనిలో ఉంది. నెరేషన్ తో మెప్పిస్తే మటుకు షూటింగ్ కు వెళ్ళడానికి ఎక్కువ రోజులు పట్టదు. ఎందుకంటే జనవరి రెండో వారం నుంచి చిరంజీవి ఫ్రీ అయిపోతారు. డేట్స్ గురించి టెన్షన్ పడాల్సిన అవసరం ఉంది.

అయితే తాజాగా కళ్యాణ్ కృష్ణ పేరు కూడా మెగా కాంపౌండ్ లో వినిపిస్తోంది. నిజానికి భోళా శంకర్ కు ముందు చిరు ఓకే చేసింది ఇతన్నే. ఆ మేరకు సబ్జెక్టు కూడా రెడీ అయ్యింది. అన్నీ ఓకే అనుకుంటే మన శంకరవరప్రసాద్ గారు కన్నాముందు నిర్మాతగా సుస్మిత కొణిదెల ఈ సినిమాకే వ్యవహరించేవారు. కానీ డ్రాప్ అయ్యారు. అదే కథనే సందీప్ కిషన్ మజాకాగా త్రినాథరావు తీశారని అప్పట్లో వినిపించింది. వాస్తవాలు అవాస్తవాలు ఏమైనా ఈ కాంబో పట్టాలు ఎక్కపోవడాన్ని ఫ్యాన్స్ లైట్ తీసుకున్నారు.

ఒకవేళ నిజంగా అలాంటి ఆలోచన ఏదైనా ఉంటే కళ్యాణ్ కృష్ణ కొత్త కథ రాసుకున్నారేమో చూడాలి. బంగార్రాజు సీక్వెల్ తీయాలని నాగార్జున రెండేళ్లుగా అనుకుంటూనే ఉన్నారు. కానీ ,కుదరటం లేదు. సోగ్గాడే చిన్ని నాయనా లాంటి సూపర్ హిట్స్ ఇచ్చిన కళ్యాణ్ కృష్ణకు ఇంత గ్యాప్ రావడం విచిత్రమే. రవితేజ నేల టికెట్ డిజాస్టర్ కావడం బాగా దెబ్బ కొట్టింది. కళ్యాణ్ కృష్ణ నాలుగేళ్ళ నుంచి ఖాళీగానే ఉన్నారు. మరి ఛాన్స్ ఎవరు ఇస్తారో ఎప్పుడు మొదలుపెడతారో కాలమే సమాధానం చెప్పాలి.

This post was last modified on October 8, 2026 3:29 pm

Share

Recent Posts

అవకాశాల వర్షంలో అదృష్ట తార

ఇవాళ విడుదలైన ఆకాశంలో ఒక తార హీరోయిన్ సాత్విక వీరవల్లి ఇండస్ట్రీ దృష్టిలో బలంగా పడటం హాట్ టాపిక్ గా…

2 hours ago

ఈ కమెడియన్ని వాడుకోండయ్యా

తెలుగు సినిమాల్లో ఒకప్పుడున్న కామెడీ వైభవం.. ఇండియాలోని ఇతర భాషల్లోనే కాదు, ప్రపంచంలోనే మరే సినీ పరిశ్రమలోనూ లేదు అంటే అతిశయోక్తి…

3 hours ago

ఎట్టకేలకు ఇద్దరు మిత్రుల సినిమా?

టాలీవుడ్లో అడివి శేష్.. రాహుల్ రవీంద్రన్.. వెన్నెల కిషోర్.. సుజీత్.. ఈ నలుగురూ చాలా క్లోజ్ ఫ్రెండ్స్ అన్న సంగతి ఇండస్ట్రీలో…

3 hours ago

బొత్స గారూ… ఏమిటండీ ఇది!

వైసీపీ సీనియ‌ర్ నాయ‌కుడు, మాజీ మంత్రి, శాస‌న మండ‌లిలో విప‌క్ష నేత బొత్స స‌త్య‌నారాయ‌ణ హ‌వా భారీగా త‌గ్గిపోయిందా? ఆయ‌న…

4 hours ago

‘బీజేపీతో హ‌రీష్ రావు మంత‌నాలు’

బీఆర్ ఎస్ అగ్ర‌నాయ‌కుడు, మాజీ మంత్రి, సిద్దిపేట ఎమ్మెల్యే త‌న్నీరు హ‌రీష్‌రావుపై సీఎం రేవంత్ రెడ్డి తీవ్ర‌వ్యాఖ్య‌లు చేశారు. ఆయ‌న…

5 hours ago

అంచ‌నాలు పెంచుకోమంటున్న అక్కినేని హీరో

ఒక సినిమాలో భాగ‌మైన ప్ర‌తి వ్య‌క్తీ.. త‌మ చిత్రం అద్భుతం అనే చెబుతాడు. ఇలాంటి సినిమా ఇంత వ‌ర‌కు రాలేదంటాడు.…

6 hours ago