కన్నడ ఫిలిం ఇండస్ట్రీలో తెరకెక్కినన్ని రీమేక్లు మరే భాషలోనూ వచ్చి ఉండవు అంటే అతిశయోక్తి కాదు. తెలుగు, తమిళంలో హిట్టయిన ఎన్నో వందల సినిమాలను అక్కడ పునర్నిర్మించారు. సోషల్ మీడియాలో ఈ విషయమై ఇతర భాషల వాళ్ల నుంచి కన్నడ ఫిలిం మేకర్స్ మీద కౌంటర్లు పడుతుంటాయి. ఐతే ఒకప్పటితో పోలిస్తే ఇప్పుడు పరిస్థితులు మారాయి.
కన్నడ నుంచి ఒరిజినల్ ఫిలిం మేకర్స్ పెరుగుతున్నారు. కేజీఎఫ్, కాంతార లాంటి సినిమాలతో ఆ ఇండస్ట్రీకి కూడా మంచి పేరొచ్చింది. పైగా ఇప్పుడు రీమేక్స్ పెద్దగా వర్కవుట్ కావడం లేదన్నది కూడా వాస్తవం. దీంతో ఒకప్పటితో పోలిస్తే కన్నడలో కూడా రీమేక్లు తగ్గాయి. ఇలాంటి టైంలో కన్నడ యువ కథానాయకుడు ధ్రువ సర్జా.. ఒక ఫేమస్ తెలుగు సినిమాను రీమేక్ చేస్తున్నాడనే వార్త చర్చనీయాంశం అయింది.
ఊర మాస్ యాక్షన్ సినిమాలు చేసే ధ్రువ సర్జా.. తాజాగా తన కొత్త సినిమా టీజర్తో పలకరించాడు. అందులో అతను ఒక పల్లెటూరిలోకి సైకిల్ తొక్కుకుంటూ వచ్చి, ఒక పహిల్వాన్ను చూడడం.. అతను ఫైట్కు రమ్మని రెచ్చగొట్టడం.. దానికి బదులుగా కుటుంబాన్ని గెలిపించడానికి వచ్చాను, ఈ గొడవలేవీ వద్దు అని సైకిలేసుకుని ముందుకెళ్లిపోయి ఒక భారీ భవంతిలోకి వెళ్లడం.. ఇలా సాగింది టీజర్. హీరో సైకిల్ మీద రావడం.. ఇందులో విజువల్స్.. బీజీఎం అన్నీ కూడా మహేష్ బాబు సినిమా ‘శ్రీమంతుడు’ సినిమాను గుర్తుకు తెచ్చాయి.
దీంతో ఎప్పుడో 11 ఏళ్ల కిందట వచ్చిన పాపులర్ సినిమాను ఇప్పుడు రీమేక్ చేయడమేంటి.. ఈ కన్నడ ఫిలిం మేకర్స్ మారరా అంటూ తెలుగు వాళ్లు కౌంటర్లు వేస్తున్నారు. కొందరు కన్నడిగులు కూడా రీమేక్ వార్త విషయంలో అసంతృప్తి వ్యక్తం చేస్తున్నారు. ఐతే టీజర్ చూసి రీమేక్ అని ఫిక్సయిపోవడం తప్పనే వాదన కూడా వినిపిస్తోంది.
ఇది ఒరిజినల్ స్క్రిప్టుతో తెరకెక్కిన సినిమానే అని మేకర్స్ చెబుతున్నట్లుగా కూడా వార్తలు వస్తున్నాయి. కానీ శ్రీమంతుడు, బృందావనం సహా చాలా తెలుగు సినిమాల ఛాయలు అయితే ఇందులో కనిపించాయన్నది వాస్తవం. ధ్రువతో మన తెలుగు నిర్మాత టి.జి.విశ్వప్రసాద్ సైతం తాజాగా ‘కెమిస్ట్రీ’ అనే సినిమాను అనౌన్స్ చేయడం విశేషం. అందులో నభా నటేష్ కథానాయిక.
This post was last modified on October 8, 2026 7:21 am
కొన్ని రోజుల ముందు ‘అక్క’ వెబ్ సిరీస్ ప్రమోషన్లలో భాగంగా జరిగిన ఒక చిట్ చాట్లో.. రాధిక ఆప్టే తెలుగు…
ఏపీ బీజేపీలో కొన్నాళ్లుగా అసంతృప్తితోనే నాయకులు ముందుకు సాగుతున్నారు. పార్టీలో ఏం జరుగుతోందో.. తమకు అర్థం కావడం లేదని కొన్నాళ్లుగా…
భారతదేశ పారిశ్రామిక రంగంలో ఆంధ్ర ప్రదేశ్ దూకుడు ప్రదర్శిస్తోంది. ముఖ్యమంత్రి చంద్రబాబు ఎక్స్ ప్రెస్ బుల్లెట్ వేగంతో ముందుకు దూసుకొని…
పాత పాటలను కొత్త సినిమాల కోసం రీమిక్స్ చేసి వాడుకోవడం కొత్త కాదు. దాదాపు అందరు హీరోలు చేశారు. అల్లరి…
పరీక్షల్లో అక్రమాలను అరికట్టేందుకు సాధారణంగా కఠిన తనిఖీలు, నిఘా కెమెరాలు, ప్రత్యేక బృందాలను ఉపయోగిస్తుంటారు. అయితే దక్షిణ కొరియా అధికారులు…
ఆర్టిఫిషియల్ ఇంటెలిజెన్స్ మనిషి జీవితంలో ఎన్నో మార్పులు తీసుకొస్తోంది. క్లిష్టమైన పనులను సులభతరం చేస్తూ, వేగంగా నిర్ణయాలు తీసుకునే స్థాయికి…