Movie News

వరప్రసాద్ స్నేహితులకు ఒకే సమస్య

మన శంకరవరప్రసాద్ గారులో ఫ్రెండ్స్ గా నటించిన చిరంజీవి, వెంకటేష్ కు ఒకే సమస్య వచ్చింది. అదేంటంటే తక్కువ గ్యాప్ లో రెండు సినిమాలు రిలీజ్ కు రెడీ కావడం. ప్యాన్ ఇండియా కాకపోయినా వాయిదాల ప్రవాహంలో తడిసిపోతున్న ‘ఆదర్శ కుటుంబం ఏకె 47’ అక్టోబర్ తొమ్మిది డేట్ వదులుకోడం దగ్గుబాటి అభిమానులను బాధించింది. పోనీ ఒక వారం ఆలస్యంగా వస్తుందేమో అనుకుంటే ఏకంగా అక్టోబర్ 30కి వెళ్తున్నారనే తాజా ప్రచారం ఆందోళన ఆనందం రెండు కలిగిస్తోంది.

నిజానికి ఇంతకన్నా వేరే ఆప్షన్ లేదు. ఎందుకంటే నవంబర్ మొదటి వారంలో రామాయణ లాంటి విజువల్ గ్రాండియర్స్ ఉన్నాయి కాబట్టి ఓవర్సీస్ లో ఇబ్బందులు రాకుండా ఉండాలంటే ముందే వచ్చేయడం సేఫ్. మూడు నెలలు తిరగకుండానే వెంకటేష్ మరో సినిమా జనవరి 12 విడుదల సంక్రాంతి థియేటర్లలో ఉంటుంది. ఇంత తక్కువ గ్యాప్ లో వెంకటేష్ లాంటి సీనియర్ హీరో రెండుసార్లు రావడమనేది అభిమానులకు హ్యాపీనే కానీ మార్కెట్ కోణంలో అంత రైట్ కాదనేది ట్రేడ్ టాక్.

ఇక్కడ చిరంజీవికి ఇదే సమస్య ఉంది. జనవరి పదమూడు కాకా దిగుతాడు. దానికి ముందో వెనుకో కేవలం రెండు నెలల స్పేస్ లో విశ్వంభర వచ్చేయాలి. ఓటిటి డీల్ దానికి తగినట్టే జరగడంతో వేరే ఆప్షన్ లేదు. అనిల్ రావిపూడి, బాబీ కొల్లిలు కనక పట్టుదలగా లేకపోతే ఆదర్శ కుటుంబం, విశ్వంభర రెండూ సంక్రాంతికి వచ్చే ఛాన్స్ ఉండేది. కానీ వాళ్ళు ముందు నుంచి ప్లానింగ్ లో ఉండటం వల్ల చిరు వెంకీ కూడా ఏమీ చేయలేని నిస్సహాయ పరిస్థితి నెలకొంది. అందుకే ఈ తిప్పలు.

సరైన ప్లానింగ్ లేకపోతే జరిగే పరిణామాలు ఇలాగే ఉంటాయి. స్టార్ కావొచ్చు లేదా అప్ కమింగ్ హీరో కావచ్చు ఎవరైనా ఇది ఫేస్ చేయాల్సిందే. అసలు ఇలాంటి స్పీడే థియేటర్ వ్యవస్థ కోరుకునేది. కాకపోతే వేగంగా రెగ్యులర్ గా పెద్ద సినిమాలు వస్తూ ఉంటే హాళ్లు నిండుగా కళకళలాడుతూ ఉపాధి అవకాశాలు పెంచుతాయి. అయితే అతివృష్టి లేదా అనావృష్టి లాగా ఇలా మెరుపుదాడి చేయడం లేదంటే నెలలు సంవత్సరాల తరబడి సినిమాలు ఇవ్వకపోవడం సరికాదని బయ్యర్ వర్గాల మాట.

This post was last modified on October 7, 2026 11:09 am

Share

Recent Posts

రాములమ్మని వాడుకోవడం తెలివైన ఐడియా

పాత పాటలను కొత్త సినిమాల కోసం రీమిక్స్ చేసి వాడుకోవడం కొత్త కాదు. దాదాపు అందరు హీరోలు చేశారు. అల్లరి…

8 hours ago

ఇది వింటే ఇక జన్మలో కాపీ కొట్టరు

పరీక్షల్లో అక్రమాలను అరికట్టేందుకు సాధారణంగా కఠిన తనిఖీలు, నిఘా కెమెరాలు, ప్రత్యేక బృందాలను ఉపయోగిస్తుంటారు. అయితే దక్షిణ కొరియా అధికారులు…

8 hours ago

ఏఐని గుడ్డిగా నమ్మితే ఇలాగే ఉంటుంది

ఆర్టిఫిషియల్ ఇంటెలిజెన్స్ మనిషి జీవితంలో ఎన్నో మార్పులు తీసుకొస్తోంది. క్లిష్టమైన పనులను సులభతరం చేస్తూ, వేగంగా నిర్ణయాలు తీసుకునే స్థాయికి…

8 hours ago

ఎట్ట‌కేల‌కు ప‌రిటాల వార‌సుడి సుడి తిరిగింది!

ప‌రిటాల ర‌వి, ప‌రిటాల సునీతల వార‌సుడు, టీడీపీ యువ‌నాయ‌కుడు ప‌రిటాల శ్రీరామ్‌.. తాజాగా జ‌రిగిన జిల్లా ప‌రిష‌త్‌.. చైర్మ‌న్ ఎంపిక‌లో…

8 hours ago

అధికారంలో ఉన్న బీజేపీ కంటే ప్రతిపక్షంలో ఉన్న కాంగ్రెస్ కి ఎక్కువ సీట్లు

బీజేపీ అడ్డాగా చెప్పుకునే రాష్ట్రాల్లో ఒకటైన రాజస్థాన్ లో స్థానిక ఎన్నికల ఫలితాలు కమలనాధులకు దిమ్మతిరిగేలా వచ్చాయి. ఆ రాష్ట్రంలోని…

8 hours ago

నితిన్ ఇచ్చింది చాలా పెద్ద స్టేట్‌మెంట్

ఒకప్పుడు బ్లాక్ బస్టర్స్ చూసిన నితిన్ ను గత కొన్నేళ్లుగా వరస డిజాస్టర్లు ఉక్కిరి బిక్కిరి చేస్తున్నాయి. కొత్త వాళ్లకు…

9 hours ago