మాస్ రాజా రవితేజ మళ్లీ ఫామ్లోకి వచ్చేశాడు. ఆయన కొత్త సినిమా ‘క్రాక్’ సంక్రాంతి కానుకగా విడుదలై మంచి ఫలితాన్నే అందుకుంది. బంపర్ ఓపెనింగ్స్తో మొదలైన ఈ చిత్రం.. బ్రేక్ ఈవెన్ దిశగా పరుగులు పెడుతోంది. ఈ సినిమాతో రవితేజ మళ్లీ హిట్ ట్రాక్ ఎక్కేసినట్లే.
ఈ ఉత్సాహంలో తన కొత్త చిత్రం ‘ఖిలాడి’ని సాధ్యమైనంత త్వరగా పూర్తి చేయాలని చూస్తున్నాడు రవితేజ. రమేష్ వర్మ దర్శకత్వంలో తెరకెక్కుతున్న ఈ చిత్రాన్ని వేసవి రేసులో నిలబెట్టారు. సంక్రాంతి కానుగా ఒక పోస్టర్ రిలీజ్ చేసి వేసవి విడుదలను ఖరారు చేశారు.
ఈ సందర్భంగానే ‘ఖిలాడి’ హీరోయిన్ల లెక్క కూడా తేలిపోయింది. మాస్ రాజా సరసన ఇద్దరు హాట్ బ్యూటీస్ను తీసుకున్నాడు రమేష్ వర్మ. ఆ ఇద్దరు.. మీనాక్షి చౌదరి, డింపుల్ హయతి.
మీనాక్షి చౌదరి ఉత్తరాది అమ్మాయి. రెండేళ్ల కిందట ‘ఫెమీనా మిస్ గ్రాండ్’ పోటీల్లో విజేతగా నిలిచింది. మోడలింగ్లో మెరుపులు మెరిపించిన ఈ అమ్మాయి.. ఇప్పటికే తెలుగులో ఓ సినిమా చేస్తోంది. ఆ చిత్రమే.. ఇచట వాహనములు నిలపరాదు. సుశాంత్ హీరోగా తెరకెక్కతున్న ఈ చిత్రం ముగింపు దశలో ఉంది. ఈ సినిమా విడుదల కాకముందే మీనాక్షి టాలెంట్ తెలిసి ఏకంగా రవితేజ సినిమాలో ఛాన్స్ ఇచ్చారు. మీనాక్షి మోడల్గా ఉన్నప్పటి ఫొటో షూట్లు చూస్తే ఆమె సూపర్ హాట్ అన్న సంగతి తెలుస్తుంది. ఇక మరో భామ డింపుల్ హయతి గురించి చెప్పాలంటే ‘గద్దలకొండ గణేష్’ దగ్గరికి వెళ్లాలి.
ఆ చిత్రంలో సూపర్ హిట్టు నీ హైటు అంటూ మంచి మాస్ ఐటెం సాంగ్ చేసింది ఈ భామ. అందులో డింపుల్ ఎంత హాట్గా కనిపించిందో, ఆమె స్టెప్పులు ఎంతగా అలరించాయో తెలిసిందే. మొత్తానికి మాస్ రాజా సరసన ఇద్దరూ హాట్ భామల్నే తీసుకున్న రమేష్ వర్మ.. ఈ మాస్ సినిమాలో వాళ్ల అందాల్ని ఎలా ఎలివేట్ చేస్తాడో చూడాలి.
This post was last modified on January 14, 2021 12:38 pm
శాండల్ వుడ్ హీరో ఉపేంద్ర ఎంత టిపికల్ గా ఆలోచిస్తారో తొంభై దశకంలో సినిమాలు చూసిన వాళ్లకు బాగా తెలుసు.…
ఏపీలో ఉద్యోగాల భర్తీ ప్రక్రియకు కూటమి ప్రభుత్వం వేగం పెంచింది. ఇటీవల ఉపాధ్యాయ నియామకాలను పూర్తి చేసిన ప్రభుత్వం, ఇప్పుడు…
నాలుగు గంటల విచారణలో అన్నీ ముక్తసరి సమాధానాలే..! కొన్నిటికి మౌనం, మరికొన్నిటికి తెలియదు అంటూ దాటవేత.. విచారణలో ఇదీ సీఐడీ…
తెలుగు సినీ ప్రేక్షకులు అత్యంత ఆసక్తిగా ఎదురు చూస్తున్న అరంగేట్రాల్లో అకీరా నందన్ది ఒకటి. పవర్ స్టార్ పవన్ కళ్యాణ్…
తెలంగాణ బిజెపిని దారిలో పెట్టాలని, నాయకుల మధ్య ఐక్యత ఉండాలని, రాజకీయంగా దూకుడు పెంచాలని కచ్చితంగా నాలుగు రోజుల కిందట…
అనిల్ రావిపూడిని టాలీవుడ్లో అందరూ హిట్ మెషీన్ అంటారు. దర్శక ధీరుడు రాజమౌళి తర్వాత అపజయం లేకుండా కెరీర్ను సాగిస్తున్న…